美食早利亞 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-09-22
嚟到土瓜灣諗起早前嘅珍多美麵包店,店子提供麵包布甸,仲有少見嘅開心果變奏版而聞名。入門口就見到早利亞幾鍾意嘅脆皮雞批,比餅皮雞批多一點層次。今次吸引早利亞係另一款係麻糬系列,顏色鮮艷嘅拔絲紫薯及採用靜岡縣抹茶嘅紅豆抹茶麻糬包,返屋企入爐焗數分鐘,回復些少剛出爐外香脆內軟嘅狀態,唔錯嘅下午茶~臨走仲見到有些鮮果撻、朱古力松露、栗子撻及紫薯撻等,款式靚顏色繽紛,$7件好抵,若果開party 或探朋友都係唔錯嘅 party food 分享~ 早利亞的美食感覺 推介美食: 紅豆抹茶麻糬包, 拔絲紫薯麻糬包
評分: 味道 4 環境 4 服務 4 衛生 4 抵食 4
2023-09-14
朋友發現呢家刀削麵就帶早利亞嚟一齊試試,先嚟選麵類,梗係刀削麵啦~ 酸菜鮮魚片麵,燉牛腩麵轉撈麵加$8,可選香辣、麻辣、剁椒,而早利亞唔食得辣,所以揀蔥香。多叫2款前菜,鹵水豆腐及椒麻手撕雞,豆腐入味,手撕雞惹味不太辣,好食呀~食住前菜見到師傅捧住麵糰即場削麵條,湯麵先到,好大碗份量十足,酸菜湯味道整體調和,唔好以為酸菜湯簡簡單單,好多坊間做得太搶味反而不討好。魚片新鮮,麵條有咬口,比一般麵條好食。再來撈麵,聽到師傅放香料調味落麵條後再灒油,店員送來時已聞到好香,撈勻入口,麵條煙韌十分惹味,而且牛腩粒份量多,推介推介呀~ 店子才剛開業無耐,暫時只收現金,閒聊幾句,師傅堅持每天搓粉做麵糰,賣晒就收舖,怪不得麵條咁好食,好有誠意,希望店子努力呀,早利亞好快又會嚟再試其他麵食。 #早利亞的美食感覺 推介美食: 鹵水豆腐, 椒麻手撕雞, 酸菜鮮魚片麵, 燉牛腩麵轉撈麵
評分: 味道 4 環境 4 服務 4 衛生 4 抵食 4
2023-09-14
今日有些事要到土瓜灣做,完成後就周圍行街街,呢家舖頭專賣魚肉及自家製品,魚蛋鯪魚球、手炸魚旦、順德魚腐外,還有雲吞、水餃、魚皮餃、蝦皮餃等,鳳城水餃大大隻好吸引,餃子外還有手打烏冬麵同埋手製魚麵,仲見到坊間少有嘅魚扎,下次一定要買返屋企滾個湯飲。今次就買咗迷你版手包鮮蝦條及墨魚條,正常size 係$20/條,早利亞就買咗迷你版,$50/磅,咁就可以買5條,照磅$28,返屋企切開煎香加餸好方便又好味。 推介美食: 手包鮮蝦條, 墨魚條
評分: 味道 4 環境 4 服務 4 衛生 4 抵食 4
2022-12-30
聖誕假期最後一天嚟到太古城跟友人聚聚舊,這家新開嘅餐廳充滿地中海風情,提供各式 Tapas 及南歐式主菜。我哋共點了5個 set lunch 及 1個兒童餐。每個set lunch 包括2個前菜,1款主菜,咖啡或茶 $198。早利亞想試多幾款前菜,分散order,大家分享。 前菜共嚐試了 Caesar Salad with Smoked Salmon 36 Month Iberico Ham with Crystal Tomato Bread Truffle & Cheese Bikini Soup of the Day - Tomato soup Gambas Al Ajillo, Garlicky Prawns with Toasted Bread Crab Vol-au-vent 本來沒有好感的番茄湯有驚喜,濃郁有新鮮番茄清香,加cream增添濃稠及奶香味,大蝦有微辣好醒胃,蟹盒及伊比利亞火腿配番茄多士都好滋味。 這家餐廳係太古城6樓,離開喧鬧的太古城商場,環境清靜舒適,見室外都有座位,天氣暖和時都唔錯,值得再嚟。 題外話/補充資料: 註: 鄰近太古地鐵站,太古城中心提供時租停車場(暫時此餐廳消費不計算入免費泊車優惠)推介美食: 36 Month Iberico Ham with Crystal Tomato Bread, Truffle & Cheese Bikini, Soup of the Day - Tomato soup, Gambas Al Ajillo, Garlicky Prawns with Toasted Bread, Crab Vol-au-vent, 蜆肉意粉Linguine Alle Vongole, 肉醬長通Penne Bolognese, Manhattan Pizza, 三文魚Teriyaki Salmon Fillet, 西班牙海鮮飯 Seafood Juicy Rice, Penne Turkey Carbonara, Churros with Chocolate Dip, Latte
評分: 味道 4 環境 4 服務 4 衛生 4 抵食 4
2022-10-18
灣仔快樂餅店8月結業,門口貼上請移玉步到利安的分店,今日早利亞就到馬鞍山利安邨尋找快樂嘅蹤影啦。一到店子已見到馳名嘅奶油筒出爐,另亦有早利亞最愛嘅椰撻、蛋撻、雞批、咖哩角等,提供多款麵包都係街坊價。 奶油筒$9 係舊式做法,外皮酥鬆乾脆,奶油對早利亞來說就有點膩,咖哩角$10 酥皮亦非常鬆,餡料係港式咖哩餡,唔算油。蘑菇雞批$10 餡好足料,最鐘意店舖係用金屬撻模而不是即棄錫紙模,撻皮質感會更鬆脆。椰撻$6 依然係早利亞最愛,保持水準。 推介美食: 椰撻, 蘑菇雞批, 咖哩角
評分: 味道 4 服務 4 衛生 4 抵食 4
|