Kabii 等級4 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2021-03-14
兩個唔食辣嘅人，為咗酸菜魚，竟然膽粗粗走入「祥仔辣辣」！ 
一坐低，見到有個套餐幾抵，包咗6款餸，另有甜品，原價$398/2位，如果係The Food Story會員，$288/2位，一來個餐已經有酸菜魚，二來又唔駛諗再點啲乜，諗都唔諗，即刻落單... 阿姐問我哋要咩辣，我哋兩個異口同聲：「𝐁𝐁辣」！ • 川味口水雞 雞肉嫩口，亦冇乜骨，雞皮爽口唔肥，雖然見佢成碟都係紅油，但入口又唔係想像中咁辣！ 
• 水晶酸辣粉 薯粉口感煙韌有咬口，每條粉都好掛汁，越食越辣，而且幾油，要放落碟酸菜魚度浸下，以減低辣度，我哋兩個食到投降... 
• 祥仔招牌酸菜魚 酸菜魚賣相幾吸引，湯底味道帶酸，無骨魚片入口嫩滑，而且份量幾多，配菜亦有大荳芽、萵荀等，唔錯！ 
• 乾煸四季豆 好鍾意呢道菜，四季豆煮得乾身唔油，入口爽脆，連埋肉碎一齊食都幾惹味！ 
• 高麗菜豬肉餃 / 酸菜牛肉薄餅 呢兩道菜冇乜特別，味道一般！ 
• 甜品(核桃包) 賣相幾得意，包身軟熟，核桃餡料幾多，而且唔甜，可以試吓！ 
評分: 味道 4 環境 4 服務 4 衛生 4 抵食 4
2021-03-09
上環應該冇人唔識「科記咖啡餐廳」，佢哋以豬扒打出名氣，所以小店門外總是擠滿人龍！ 
- 金牌豬扒飯+凍檸茶 - ($58) 看似單調的碟頭飯，只有豬扒、豉油汁和白飯。 小店會將一大塊連骨豬扒剪成小件，方便客人進食。 即叫即煎嘅豬扒醃得好入味，啱啱煎起比較辣口，豬扒厚薄適中，加上用人手搥鬆，咬落去肉質軟而扎實，而且豬扒帶有少少肥膏，一啖豬扒一啖飯，好容易就食晒成碟！
- 沙嗲洋蔥鮮牛多士 - ($52) 呢個多士係我有史以嚟，食得最貴嘅多士，的而且確，貴得有道理！ 多士對角一開為四，攞上手辣手，明顯係即叫即整，裏面夾咗熱辣辣嘅沙嗲餡，咬落去多士烘得酥脆，嗰種酥脆感，我好鍾意！ 餡料多汁但又冇整濕塊多士，將炒香咗嘅洋蔥同鮮牛夾係中間，份量都幾多，牛肉食得出係鮮牛，而且醃得入味，嗰種沙嗲香同洋蔥香味，喺口腔裏面纏繞，好味到不得了，貴還貴，但係佢交足貨俾你，呢個我真心極力推介👍🏻👍🏻👍🏻
門口幫手落單嗰位伯伯手字幾靚，我忍唔住影低左😂
推介美食: 沙嗲洋蔥鮮牛多士, 金牌豬扒飯
評分: 味道 4 環境 4 服務 4 衛生 4 抵食 3
2021-03-08
呢間「嘉寶」，唔係獨沽一味，只賣牛嘅Burger，佢哋有雞、豬、羊、蝦、素嘅Burger可以選擇，有好多唔同嘅配搭，悉隨尊便！ - 雙層芝士牛堡 - ($50+$13配小食同飲品) 兩邊包身烘到脆脆地，漢堡扒算幾厚身，質感唔會實的的，有肉汁都幾Juicy，同埋煎得幾香，夾埋蕃茄生菜一齊食，一啲都唔膩，溶溶地嘅芝士又唔會太鹹，不過食到最尾，啲醬汁流晒出嚟，食相都幾狼狽！ 薯條炸得脆身香口，份量都幾多，食完成個餐，真心覺得飽！
整體而言，每個包都係誠意之作，餡料有返咁上下厚度，係一間性價比幾高嘅burger 小店！ 推介美食: 雙層芝士牛堡
評分: 味道 4 環境 4 服務 4 衛生 4 抵食 4
2021-03-08
之前見杜汶澤有推介過呢間餐廳，路經炮台山，一定要去試吓！ - 鹹魚煎肉餅豬扒飯 - ($50) 看似平凡嘅碟頭飯，其實一點也不平凡！ 呢度啲豬扒都幾大塊，帶香茅味，肉質軟腍，咬落去有口感，配埋佢啲甜豉油，都幾好佐飯！ 鹹魚肉餅煎得燶燶地幾香口，好香鹹魚味，一個人可以好快清晒成碟飯！
佢哋每日都有唔同嘅湯水供應，湯料都幾足，真材實料，起碼飲完唔會口渴，好滋潤，有住家湯水feel，呢個價錢仲包埋老火湯，算係好經濟了！
小店性價比幾高，會回頭幫襯！
評分: 味道 4 環境 4 服務 4 衛生 4 抵食 4
2021-03-08
呢間魚湯店，係我荃灣嘅食堂！ - 吉列豬扒蕃茄肉碎魚湯飯 - ($50) 因為下午茶時段，仲包埋凍檸茶/凍檸水，好抵👍🏻 豬扒同魚湯飯係分開上，所以豬扒冇因為浸湯而影響口感！ 豬扒即叫即炸，所以入口有啲辣嘴，幾香口！ 豬扒炸得金黃，剪成小塊狀，方便進食。肉質雖然偏硬，有咬口之餘又唔會太嚡，仍保持住肉汁！ 講返個魚湯，食咗咁多年個魚湯都keep到水準，蕃茄同肉碎嘅份量，好似多到唔駛錢咁，最重要佢呢個魚湯完全冇味精，食完唔會口渴！
推介美食: 古法吉列豬扒
評分: 味道 5 環境 4 服務 4 衛生 4 抵食 4
|
4次成為首位寫食評會員
食評數目
編輯推介數目
1
會員推介次數
164
人氣指數
1275
留言數目
上載相片
上載影片
我推介的食評
我的餐廳
關注
1
粉絲
222
