早左放工餓餓地，周圍行下覓下食先。
本來打算食得清淡啲，但行到嘉路連山道忽然聞到一陣好香的味道，一望，係Burger！我最愛嘅Burger！我黎啦！
因為時間尚早嘅關係，唔需要等位，店內客人不太多，坐落都算是鬆動。朋友對鵝肝情有獨鐘，於是我地就點左一個Foie Gras Burger 同 Twister Fries。
上菜速度都好快，黎先嘅係 Twister Fries~ 半溶嘅芝士均勻地鋪左喺面，望落去非常吸引！香濃嘅芝士配上脆卜卜嘅 twister fries，實在係無懈可撃！相信大家都深明芝士凍返、薯條林返就無咁好食嘅道理，所以成碟twisted fries 好快就俾我地吞囇落肚~接住落黎嘅就係Foie Gras Burger啦！呢個Burger實在太厚啦，個口無咁大嘅我唯有分層黎食。鵝肝煎得啱啱好，入口即溶，外脆内軟，雖然望上去好多油，但食落口係肥而不膩的~食左個鵝肝就可以一口食埋底下個幾層，牛肉好juicy，生菜蕃茄帶來清新感，包底烘得剛好唔太硬身，連埋個sauce 一啖食囇幾層，非常有滿足感！食左未夠一半已經好飽啦！話左食清淡，算吧啦，破戒都係值得嘅！ 

又到星期五，又是尋找好野食的晚飯時間。

一向覺得 Habitu 的食物質素有信心保證，在廢是諗的情況下來到了這家位於蘭桂芳的店。

八點左右的晚飯時間，店內竟然無其他食客，但寧靜的環境令人覺得份外舒服。

點了blue and gold nachos 和 tiger prawn linguine. 

Blue and gold nachos 是第一次點，意想不到的好吃。

脆脆的 Nachos 粟米味好香濃，配上香辣牛肉碎及上酸忌廉，配撘非常出色，蕃茄粒剛好帶來清新的感覺，一塊，一塊，好快就食囇。Tiger prawn linguine， 扁意粉做得好彈牙，蕃茄醬是用真的蕃茄做的醬並不是罐頭茄膏，真材實料的分別一試就知。虎蝦大大隻，算不上新鮮，但啖啖肉的確好滋味。食幾多次Habitu 都係咁好食。

一早已經訂了枱，所以不用等位。

八點鐘的晚飯時段，店內大部份的枱都已經坐滿。

座位可選擇室內或室外，店內的佈置充滿泰式風情，擺設裝潢盡顯心思。

點了蝦蛹，海鮮酸辣粉絲湯，泰式蟶子，蝦多士。

海鮮酸辣粉絲湯用膠碗盛載，未知是否因為店員以為我們只有兩人點的是細碗，但已令賣相大打折扣。

粉絲不算彈牙，酸辣湯只是一般貨色，所謂的海鮮只是浸林了的炸魚和小量的蝦，平平無奇。泰式蟶子，大量的香料無法遮掩蟶子的不新鮮，如果純粹吃香料還算可以。蝦蛹是剛炸起的，外層的脆脆很crispy，但被包住的蝦實在太小，感覺似是吃炸簿脆。蝦多士在上菜的時候令人非常失望，看上去跟街邊的煎釀三寶無異，一吃，油份太多，完全吃不到蝦味，只感到滿口油膩。食物實在令人大失所望，希望餐廳可以努力一點提升食物質素。

因公事來到美孚, 順道發掘一下區內美食, 見到網上評價不錯, 決定試試。

據說小店經常爆滿, 幸好下午打去仍可訂到當晚九點的枱。

人生路不熟, 花了點時間才找到位於平台的店。

小店真的是好小, 座位大約有14 個, 客人不算多, 還好不算擠迫。

點了一個大蝦pizza 同一個套餐, 海鮮墨魚汁意粉, 餐湯可選湯或沙律。

是日餐湯是甘荀湯, 質感幼細, 入口沒有甘筍固有的草青味, 味道濃厚, 本來抗拒甘荀的我把整碗喝掉。然後來的是大蝦pizza, 芝士味不算太濃, 加上了ham 的陪襯, 味道剛好, 餅皮厚薄適中, 但"大蝦"也太小了, 不過剛出爐的熱度為整個pizza 加了不少分數~最後是海鮮墨魚汁意粉, 用的海鮮真材實料,  墨魚汁偏稠, 加上少許芝士調味令整個意粉的味道層次更為豐富。小店雖小, 但店員的服務非常親切, 配上柔和的燈光, 令人感到家庭式餐廳的溫暖, 食物味道亦很不錯, 下次必定再度光顧。