紀念日難得另一半放半日，行完Donki就去食餐好！係久違的韓式烤雞！終於可以嚐辣了！平時要就兩位小寶貝，今日終於可以來過大解放啦！🥳 估唔到近近地有間環境同食物都咁高質嘅韓式餐廳！下次同韓瘋朋友再黎呢度gathering先！😍 海軍部隊鍋（八爪魚）$228 平時食開芝士部隊鍋，今次試新嘢！係八爪魚呀！大大隻！但都好易咬🤪 鍋物仲有秀珍菇，金菇，午餐肉，火腿，年糕，超多蔥絲同椰菜，所以嗰湯底夠哂甜，仲配埋韓國辛辣麵。😋 大邱辣醬無骨雞$128 撒上黑白芝麻，食落更香口！外脆內嫰，過癮的辣，無標眼水，辣度剛好！正！墊底蕃薯條 加分🍟！ 千層牛肉醬油鍋配手切麵 $148 一塊牛一塊娃娃菜夾住食，一口肉汁菜汁醬油汁，唔會乾爭爭！手切麵底要煮十分鐘，未至於彈牙，但不會黏牙。 火炙牛$98 即席火炙，醬油香甜，肉質夠淋，配蒜片大蔥洋蔥絲一齊食，夠哂開胃！ 鱈魚乾海螺拌麵$138 份量好大碗，但似小食多於main course, 汁酸酸甜甜，鱈魚乾及海螺咬口十足，好多蟹籽😍 海鹽焦糖沙冰$68 巨峰提子梳打跟餐加$18 梳打底加白色爆珠👍🏻

放假前夕放婆婆一天假，帶BabyGaga同婆婆出外吃飯！ 近近地係返青衣食，見到新開左間泰國菜，婆婆至愛泰國菜，一於黎會一會佢先！ 就係長發商場五樓，以前全層酒樓，以家領匯接手後， 拆開左做幾間餐廳，確實多左好多選擇。我地費時諗所以直接叫個四人餐，價錢中規中矩可以接受。小食拼盤有蝦餅，魚餅及春卷，蝦餅夠哂彈牙，魚餅咸左少少，春卷勁多料！豆腐海鮮湯夠哂清甜，小朋友都飲得！特別在啲豆腐竟然係日式豆腐！ 裡面仲要勁多料，可以當埋餸黎食，都幾飽下！咖哩大肉蟹真係意想不到咁多肉呀！一食落去覺得抵返哂！ 呢個真係推介，勁好味啊～～～ 我地仲配埋個蒜茸包一齊食，呢個組合無得輸啊！ 記要熱辣辣即時放入口食！夠哂脆口軟熟！每次食泰菜都必吃海南雞，呢間都唔錯啊！夠哂滑身，小朋友食都無問題！ 半隻份量都幾多喎～～～馬拉盞炒雜菜勁大碟，好多菜款，而且唔算大辣，可以接受的程度。 我成晚食得最多的一碟。菠蘿炒飯係我至愛，呢度炒得唔錯，夠哂乾身， 如果提子乾臘腸同埋肉鬆再俾多Ｄ就更好啦！最後是甜品環節，不得不讚這個，完全唔HEA！ 睇圖就知，勁多料，唔係只係用粉做出黎架！總括來說，好滿意的一餐，食得好飽！ 近屋企可以隔一排又黎食過啦！呵～～

平日放工近近地過左去KCC@life嘅Mee...lemonglass度尋食，
Lunch都試過黎呢度食，限時45分鐘，好趕頭趕命feel，
難得準時收工又無屋企飯食，就跟同事黎會一會佢碗＂龍蝦喇沙＂。

一直好想試，果然同相片一樣，超大隻龍蝦，
啲肉仲好多好鮮甜，最估唔到佢啲蝦膏一樣咁多，
HK$88個人覺得幾抵食!
值得一提佢地煮嘅喇沙確實係香港黎講算幾正宗同埋好味，
椰香甜味濃郁，辣度唔算強，人人都接受得來。

酸辣鳯爪沙律，鳯爪夠哂彈牙，補充下骨膠原。
我唔覺得勁辣，反而愈食愈上癮。
洋蔥勁正！食到停唔到口！

想食下菜，再黎多個咖哩雜菜，椰汁味濃，好多薯仔超飽！
不過美中不足係薄餅已售罄，勁想食無得食！
又有藉口下次再黎食過！

母親節剛過去，延續Holiday Mood，繼續放媽媽假！
一於出街食飯，等媽媽煮少日飯抖返下！

近近地去青衣城尋食，我地選擇左裝修充滿住海洋色彩嘅CAFE-THE STORY!
之前剛開業，跟Cherry契媽來過吃TEA，野食都幾多選擇，晚餐就第一次試啦！原來近期換左MENU，新推出了鐵板系列，
我地當然試下新野啦！
叫左兩個鐵板餐，包湯，餐前麵包同埋飲品。

麵包熱辣辣，好軟熟！忌廉湯就普普通通。

跟餐叫嘅凍咖啡，自已落糖水同奶，自已口味自已調較。

我就叫左呢杯 "清丘"，其實即係日式嘅綠茶紅豆鮮奶，
紅豆略厭少左Ｄ，但綠茶鮮奶味道唔算甜，整體上OK。

主角出場啦！我呢個叫做 "鐵板美國黑毛豬"，好味道呀！
佢煎到個外皮有Ｄ脆，裡面Ｄ肉一Ｄ都唔鞋口，
就算凍左肉質仍舊保持到水準，食落仲好有豬味！
配菜有我喜愛的翠玉瓜，咬落好多汁，Balance返D油膩感。

另外Order了這個，叫做 "鐵板紐西蘭牛肉眼扒"，
比較之下，呢個就失色左Ｄ啦！
感覺佢唔係好入味，好彩配左黑椒汁姐！
扒SIZE都可以接受!

最後不得不提下呢個甜品 - "鐵板布朗尼配雲尼拿雪糕"，超得呀！
布朗尼確實有Ｄ甜，不喜愛嗜甜嘅朋友仔未必覺得好食，
但我地就非常好啦！
驚喜係鐵板入面有隻香蕉開邊，蕉面灑上砂糖火灸過呀！
好好味嘅法式焦糖香蕉呀！食完好開心好滿足！

約左朋友仔傾下心事，朋友特別搵左個靜靜地的餐廳輕食! 非常好! 就係灣仔玩具街附近，唔難搵！ 兩個女仔唔食太多野，主要吹水，飲下野！ 感覺好Chic!!! 這裡主要吃西班牙菜的，我們先order了Iberico cold cut platter! 食西班牙菜怎能少了腸仔同火腿呢! 份量都幾多! 有3款口味，食落唔難扯開，眼見的脂肪，食落一Ｄ都唔FAT! 再加埋麵包，唔需要醋同醬料，連腸仔同火腿一起食，已經夠哂味道！ Iberico cold cut platter $158 女仔輕食就一定會叫沙律，這個凱撒沙律最開心係有牛油果同蝦，超清新健康呢！ Ｄ蝦仲要係彈牙爽口！唔錯唔錯！ Caesar Salad with Avocado & Prawns $118 吹水一定要飲野Ｏ羅！ 當然一杯飲品唔夠喉，我encore左兩杯! 呢杯Virgin Mojito夠哂清新，薄荷味加青檸汁！ 飲多兩杯都唔會醉！ Virgin Mojito $75 我倆雖然食少少野，但都不能錯過西班牙菜必吃的甜品Churros， 等左勁耐先到！黎到熱辣辣，廚師真係即時整俾我們食架! 認真燙口! 香脆鬆軟之餘，仲加埋糖粉係面，食落甜甜地！ 再加埋朱古力醬，勁滿足！望落得幾條，但食落真係幾飽肚下！ Churros with 56%chocolate dip $78 整體上都唔錯喎！下次可以再來試下主菜！

紀念日帶Hubby來食扒慶祝，說主打牛牛播，

一定要帶愛牛者來試下啦！

坐低先來籃麵包，店員說一定要試下佢，

包保一定脆卜卜，食落又真係幾脆口，而且好重牛油同蒜蓉味！

最令我深印象一定是這個Classic Caesar Salad，

整到成個盆栽咁上碟，Ｄ菜食落清爽鮮甜，

再加上香脆煙肉，開胃非常。

這裡前菜頭盆最得我歡心，呢個Home Made Crab Cake勁好味！

裡面放了切粒三色椒，仲勁重黑椒胡椒味！

甜甜的又帶點辣味，完住刺激口水分泌！

Lobster Bisque，龍蝦湯海鮮味濃郁，勁多龍蝦肉真係真材實料，好味！

相比下，蘑菇湯就普通左Ｄ，同埋食到底，成日有野un牙，

我懷疑是菇頂來，感覺不太好！

Side Dishes叫了一客忌廉粟米，份量頗多，食唔哂！

牛牛出現啦！USDA Prime Grade Rib Eye Steak，

Order了五乘熟，幾厚身，肉質嫩口，濃郁牛牛味！

Ossobuco Risotto～好像沒見過此配搭，

牛膝配意大利飯，確是正宗意大利飯，

一粒粒有點生米FEEL，唔會好腍身。

不過牛膝就無咩味道，只有原本的牛牛味。

最後來個甜品，Molten Chocolate with Home-Made Vanilla Ice Cream！

勁大份，自家製雲呢拿雪糕配上熱辣辣的朱古力，朱古力唔太甜，所以我地食得哂！

其實呢度碟頭都幾大，大家唔好貪心叫多左食唔哂就好浪費。

題外話，隔雜枱個外國人話要飲Chinese Beer，

店員即飛奔出去買俾佢，今時今日呢個服務態度值得一讚！

踏入三月份，開始排住隊的生日飯！

打響頭炮是跟另一半來這間法國餐廳撐枱腳，

踏出𨋢門那刻，感覺自已置身外國一樣，裝修好典雅。

餐廳裡面裝修帶點80年代的感覺，

通往洗手間的走廊令人有點迷幻。仔細一看，房與房之間是利用厘士布簾來分格開來，

不知道為什麼我總感覺"好伊朗"，若隱若現，好有神秘感。

明明好近，但又提高了私隱度。

大家用餐傾談都放輕聲來，所以環境還是舒服不錯。

我們用餐的地方，每道菜逐碟上，枱仔細細無問題，

而且燈光昏暗，營造出浪漫氣氛，幾適合情侶來，

窗邊還放上不少有趣的裝飾物。

首先會上籃麵包，熱辣辣，有軟有硬。

湯方面，我們選擇了龍蝦濃湯和黑松露蘑菇湯。

龍蝦湯好甜，而蘑菇湯勁多黑松露及蘑菇粒，超好味！

前菜 : 燉牛面頰肉伴紅菜頭沙律

食落其實有D似牛腩，唔會話好重酒味，

好腍好入味。

前菜 : 鵝肝配雪梨

鵝肝好大件兼厚身，入口即融，食落好肥美。

甜甜的雪梨，跟鵝肝一起吃特別清甜，鵝肝完全不覺得有酥味，唔錯！



主菜 : 烤豬面頰

這個我極力推介，因為在其它地方吃過同一菜式，

同樣標榜穀飼豬，同樣說肉質嫩滑，但換來是貨不對辦。

這裡確實說到做到，塊肉勁厚身，能夠煮得熟透之餘，

還要求不鞋口，確實需要一定水準。

主菜 : 美國肉眼扒

半成熟剛剛好，沒有血水，肉質粉嫩，牛肉味濃郁，

簡單加上些少鹽和黑椒調味已足夠。

最後來到甜品環節，

怎少得這個法式焦糖燉蛋，

份量幾大碗，吃完有點飽肚。

燉蛋面的焦糖有點厚，略厭硬左些少，

但味道不錯，配上生果粒，感覺不單調。

再來一個至愛 - 心太軟配云尼拿雪糕！

個皮唔會一穿就塌哂，夠企身！

同樣配上水果粒，減少甜膩感，

朱古力配云尼拿雪糕絕對是最佳配搭。

為這餐生日飯劃上完美句號！Perfect!^^

上堂前跟朋友來個短聚，我們之前也試過這裡的下午茶，

感覺Burger太小了！不知道晚餐如何呢？

近學校今次再來試下啦！

這裡是吃西餐的，晚上有二人套餐或Today Special選擇。

我們三個人就決定散叫啦!

只要叫主菜，加$30便可轉餐，配有湯及飲品。

是日餐湯是南瓜湯，裡面有很多南瓜茸，甜甜的，夠哂濃味！

配上牛油蒜茸包，勁香脆，包裡有莓肉，還灑上香草呢！

煙三文魚凱撒沙律 $68

主菜比較多肉，所以叫個沙律食多D菜！

正宗凱撒沙律，充滿芝士味的沙律菜，

還有脆口麵包粒！

慢煮燒汁美國牛肋骨 $218

一看很多炸蒜，配上燒汁吃，肉質特別Juicy及香口。

現在是否流行這樣吃蒜頭，要一粒粒拆開來吃！

原粒食確實蒜味十足，蒜香味充斥整個口腔，瀰漫住蒜辣味。

慢烤德國豬手 $188

豬手肉夠哂稔，又唔會太過咸！

可配上蕃茄汁，蘋果肉醬或芥辣醬來吃。

豬皮烤得很脆身，把皮下脂肪切走，

只吃豬皮勁脆口！

法式油浸鴨腿配西班牙辣肉腸意大利飯 $128

相比起慢煮菜色，這個比較遜色了！

意大利飯太軟身，汁再收下會更好，

鴨腿肉夠哂稔

吃烤豬手唔係唔飲啤酒嘛？

這裡提供手打啤酒，而且口味獨特！

我選擇了Floris的百香果口味，

果味重Ｄ，而且易入口，適合唔慣飲酒的女士。

現在還有手打啤酒優惠，惠顧第二客啤酒有半價折扣。

整體來說，食物質素不錯，特別是慢煮菜式，

屬於中上價錢，環境及服務都幾好。

溫馨提示，主菜均配上薯條，大家如果叫頭盤或小食，

唔好再叫薯條啦！唔係會好飽！哈哈.....

跟朋友快閃晚餐，立即上網Search下有什麼好吃的，

發現了這間餐廳好像不錯，就來試下吧！

餐廳位於地庫位置，需要行落一層才能到達，

如果行動不便或者大肚婆就有點危險了！

沒有扶手呢！

一落到去就被餐廳內那幅壁畫吸引住！好美啊！

餐廳內有梳化位，但是沒有訂位的關係，

他們不讓我們坐梳化位啦！

我們選擇了一個寧靜的角落坐下來，

不過冷氣有點缺乏。

可能時間太早的關係，也沒有多大胃口，

就先點了個小食拼盤啦!

其實還掙扎了好一陣子，因辣醬小雞鎚是這裡的推介小食，

想著單叫還是拼盤好！

最終選擇了拼盤，肯定會很飽了！那就Main Course吃少一樣吧！

拼盤內除了推介的辣醬小雞鎚，

另外還有洋蔥圈及炸雞。

辣醬小雞鎚的辣醬是慢慢滲出來的，

初嚐一口還說不辣，多嚐幾口就辣出來了！

反而炸雞得我歡心，香脆之外，

也能嚐到韓式炸雞那種味道，甜甜的，雞肉嫰滑。

比例上，洋蔥圈比起炸雞及辣醬小雞鎚為多，

味道則一般啦！我們也KO不了一整碟呢！

MENU上寫著這裡的意大利麵都是新鮮人手製作的，

所以我們也特意點了意大利麵來吃。

黑松露好香，汁很Creamy，熱辣辣放入口，感覺非常滿足。

闊麵不是很闊身，但麵質確是彈牙，有質素有HEART的!

至於飲品，我們點了奶昔啊！

不過就一般啦！

Flat White Family好一點點！

還可以吃得出云尼拿味及豆腐雪糕！

Ashes to Ashes只吃到芝麻味，Oreo嚐不出來呢....

總括而言，食物不錯! 飲品就差左少少啦!

之前去完THE ONE影小丸子，就近近地來韓國街尋食啦！

這間OPPA CAFE好熟呢! 是否跟OPPA燒肉同集團呢?

我們就係俾呢Ｄ痴住在玻璃窗上的MENU吸引住，

勁芝士呢！所以決定入去試下！

裡面少不了播放韓國流行歌曲，狂LOOP~~

MENU放在砧板上? 可愛呢~

因為另外兩樣Order的兩樣菜式都比較乾口，

所以特別叫了這個＂韓式牛肉湯＂，

可以濕下個口！潤下個喉嚨！

湯比較清淡，略帶蔥花，牛肉軟身，整體感覺暖和舒服。

近年食韓國野好似一定要食炸雞咁，我們叫了半份甜辣炸雞！

雞件幾大件，食落脆口，雞肉嫰滑。

還配上薯條及酸羅白粒，夠哂飽！

酸味味的羅白粒，幫助我們再開胃口！

最後一味菜，最期待啦！

某程度上係因為佢先走左入黎食飯，

侍應俾哂工具同食材你，自已落手整野食！

食材有蛋醬，芝士，紫菜，飯，章魚等。

同小丸子影完相，就來吃章魚小丸子，

呢個叫"章魚流心芝士小丸子"

餐廳提供了製作程序，

好彩未至於雞手鴨腳，都幾易掌握。

先將紫菜，芝士，飯，章魚撈混佢！

然後用手或匙將撈好的飯放入爐上。

然後跟手放入蛋醬，想要熟ｄ定係半生熟，

就看你自已喜歡，控制時間啦！

第一次整得熟ｄ，有點濃皮，

而且個波型無咁圓形呀！

味道好香口，章魚咬落好有勁，

芝士拉出芝士絲又唔夠膩口喎！

其實份量同食個飯差不多啦！

一樣會飽肚，只是要用些時間及心機去整出黎自已食！

幾得意呀～～

我們整了3 ROUND就食哂ｄ飯啦！

蛋醬反而有剩呢！:>