上兩個星期去深水埗嗰兩間分店都見到大排長龍入唔到門口，今日見到原來佢開咗新分店喺荃灣，咁就同老公去試下食啦 叫咗兩個食一個係impossible meat一個係新豬肉，比較下兩個邊個似肉多啲先 個burger真係好好食，生熟度口感完全係真嘅牛肉一樣，個醬係介乎於芥辣醬同埋蛋黃醬之間嘅味道，加埋番薯條真係絕配，好味! 個日式吉列咖哩豬扒飯都好好食，好脆好鬆化，個飯粒有少少淋，不過都好好食! 兩杯咖啡分别係Cappuccino同玫瑰latte,賣相都好吸引，拉花靚，咖啡底夠濃，唔會俾奶搶咗 有少少美中不足，個場樓底高但好應聲，同埋聽講個冷氣壞咗，食到好熱。仲有係我明白而家生意難做，但係長凳嗰邊，雖然話係四個人一台，不過而家唔識嘅人坐得咁近都唔係幾好

放學成十點去食消夜，成日經過文輝都冇食過今日去試下 呢碗嘢好似好出名有三種唔同嘅嘢魚丸墨魚 鬚同墨魚仔， 都幾大碗，飲啖湯先，都幾好味，紫菜幾好食，點知啲墨魚完全冇味， 好似食舊膠咁… 下次會揀第二樣食

今日同老公一齊去咗南豐紗廠嗰間王牌冰室， 一入到去見到佢嘅招牌寫住是是旦旦... 點知佢真係事事旦旦... 我哋叫咗兩個常餐一個係蕃茄牛肉通粉， 番茄汁非常杰，牛肉完全食到鬆肉粉嘅味道，通粉好似煮咗好耐咁淋到呢… 蛋同多士都可以嘅， 不過較油 我叫咗薑汁豬潤通粉，薑就夠多， 湯完全冇味，通粉一樣太林淋， 個豬潤太薄完全冇味感覺完全唔新鮮， 杯奶茶太多奶 另外我哋加咗兩個16蚊任食雞翼， 佢寫住係瑞士雞翼但完全冇瑞士雞翼嘅味道， 只係普通豉油汁雞翼嘅感覺， 而且好似浸咗好耐， 如果你當佢係普通雞翼咁食係冇問題嘅 順帶一提佢哋啲服務好奇怪，佢會無端端唔知係邊度遞啲嘢食出嚟，佢哋會貪近唔喺正常走廊嗰邊上啲食物比客人， 但係佢而家有漂白水派都算有心。

今天和老公去黄金海岸一遊，見到有新加玻美食立即入去一試。要先去櫃枱點餐，然後職員送餐。 熱Kopi O夠香濃, 凍拉茶夠爽，咖央甜而膩，花生醬夠香，兩個餐，一個配蛋，都係90蚊有找，抵食，值得推介。

一月一日，想搵個無去過嘅地方，所以就嚟咗粉嶺嚟搵咖啡飲。

唔係太肚餓，所以只叫咗咖啡同甜品。

先講咖啡，完全無咖啡味，估計係即冲咖啡，仲要大量加水。

窩夫雪糕個樣都幾靚，不過個底勁硬，似餅乾多啲

草莓拿破侖幾脆，味道還可，不過得一層，算係拿破侖嗎？

如果你係吃正餐，可能可以試下，但係咖啡甜品就真係唔洗試喇。

今晚喺荃灣食完飯想食下甜品，見路徳圍嗰邊都已經食到濫晒，咁就去搵下有咩新嘢啦，結果俾我搵到⋯

一入到去，好有文青feel, 即刻拎張紙出嚟畫下先，好快就有得食…

士多啤梨奶凍好新鮮嘅士多啤梨，中間層士多啤梨果醬唔太酸唔太甜，個奶凍個質感好好，略嫌奶味唔係好夠

朱古力心太軟最鍾意同老公齊切開個心太軟，一切開，個朱古力醬湧出嚟，個朱古力夠濃，唔太甜

最好就係食完唔覺漏，正！

葵興，一個這麼近那麼遠的地方，離開熱鬧的葵芳，總算有一個靜靜的，少人人的地方可以坐耐一點。

星期六中午時分，都有八折。看看對面的立體拉花要加$40，這家的價錢比較老實。第一次來，點了我最喜愛的煙三文魚比高包和cappuccino, 煙三文魚很多，絶不吝嗇，比高包口感很好，咖啡奶泡很細緻，咖啡味濃，十分好。我向店員取了一杯水，她很細心問我要冷定熱呢，需知道有些店是會給你水，但其實100度的沸水又如何喝呢？這家卻不會

今日要去跑馬地，順便專登去搵咖啡飲，俾我搵到ha~~

入到去仲以為要同老闆講英文，哈哈，叫咗杯cappuccino 

呢杯應該係近排我覺得最好飲嘅cappuccino, 老闆忠於原注，咖啡沒有拉花，因為要帶返傳教士嘅帽子，第一啖奶，夠綿，第二啖咖啡味夠濃，杯咖啡飲咗成個鐘都唔覺得有走到啲味，真係好飲加抵飲！

自己好鍾意小店，因為飲咖啡之餘又可以同老闆吹吹水，好開心呢！

哈哈，你知道嗎？香港有個現象，就是當你紅咗之後，多人認識以後，質素就會下降，所以其實我好自私地想唔想咁多人嚟呢度，哈哈

上次嚟過呢度一次，知道呢度啲咖啡唔係深度烘焙，加咗奶反而咖啡味無咁出，所以都係叫咗個Americano 

今日飲呢杯咖啡，感覺有啲唔同，第一啖，好苦，第二啖，好酸，第三啖，有回甘，哈哈，幾特別，不得不提係嗰塊曲奇，燕麥提子好脆好好食。

老公嗰杯漸凍green tea latte, 哈哈，無咩特別，不過會愈飲愈凍，哈哈

主角到，呢個火腿芝士三文治真係無敵，芝士夠多，夠溶，麵包烘到啱啱好

呢個雞批同我上次食嗰個牛肉批一樣無失望，個皮夠鬆化，入面有南瓜，無咁漏

食完好似唔係好飽，之後又叫咗個蒜蓉飽，

見兩位老闆（應該係），一個廚師，一個waiter,好忙，反而令我覺得少咗一份休閒嘅感覺，不過無理由想佢無生意等執㗎，哈哈，會再來

說真的，好到不想介紹

同老公去沙田，知道Tong Wong開咗間甜品，於是就過嚟試下，有最低消費同限時,好啦，Tong Wong 喎，又唔洗等位...

坐低咗，有位妹妹拎個餐牌過嚟，睇完，諗住叫落單，點知佢黑住面咁叫我地出去買

唉，事旦啦，Tong Wong 啲甜品一定好好食㗎啦，好，我忍...

先嚟咗兩咖啡


Latte


蜂蜜cappuccino 

咖啡係無咖啡味，奶泡唔夠think, 如果你係嚟飲咖啡嘅就可以唔洗嚟

到主菜了



芒果泡泡：好酸
奶凍：好有奶味，都夠滑，芒果都係好酸
雪芭：正常，上面個脆脆ok
拿坡侖：好失望，完全無以前咁好食


嗰個車厘子汁同個心太軟完全唔match

看來如果大家都係食返件裝蛋糕加普通咖啡會值啲