閒中都會到哩間麥當勞幫襯下, 但幾次都失望而回.

1. 第一次去買餐食, 食食下發現著條好油, 落既鹽極多, 一堆堆鹽佈滿整條薯條, 真係好可怕!
但因為已經食左1/3包, & 諗住係職員偶爾失手落多左鹽, 所以冇發表意見

2. 新出左香橙特飲, 專程去試下, 驚喜就無啦, 驚嚇就有. 杯野甜得過火, 唔知加左幾多%係糖漿...

3. 見過期食物事件過左一排, 用料理應安全, 今日再去試下..
買餐加錢要左杯香芋麥旋風, 斟完一望, 發現溶得好緊要, 份量亦微小, 於是詢問店員嬸嬸
我:杯雪糕好似溶晒..同埋個份量咁少既??
店員: 係丫, 香芋雪糕嘛, 唔係溶左 而係香芋既精華! 你揀其他味就唔會咁啦~份量? 係咁嫁啦..
我: 但真係好水.. 咁快咁溶?
店員: 係呀 你揀其他味就唔會咁啦
我: .........

(今次薯條依然每一條都佈滿好多鹽 建議落番少d 其他分店暫時未發現哩個問題)

聽朋友講, 哩間冰室最出名既係益力多冰, 特意相約黎食tea, 一試果然難忘 ^__^

同友人每人各叫左一客豬扒米線, 另加一客薯條, 食物味道ok
湯底屬豉油湯底, 不算很特別, 但米線很彈牙, 口感不錯! 豬扒亦炸得剛剛好!
如薯條同米線既份量如果分別多番d會更好

有機會一定會相約其他朋友再來飲益力多冰!
該店益力多冰夠足料, 完全不像其他飲品店般狂溝水令味道淡晒
特別黎緊夏天夏日炎炎時, 消暑必定最岩飲!

整個環境十分整潔, 慢慢坐著傾計都不錯~~

壞:
1. 兩次去食, 排骨飯都是梅的, 好似食緊壞豬肉 =__= 有待改善..

好:
1. 優惠是日糖水 $4.8 馬蹄露 幾清甜, 有馬蹄, 蛋花 & 輕微既姜味
    (首次食倒用姜來煮既馬蹄露, 但味道都幾新鮮, 不覺得奇怪)
2. 令人驚喜既係, 滋潤既《椰王燉燕窩》~~~
    價錢同出面糖水店差唔多 兩人食一個岩岩好 (因為仲要食其他點心)
3. 煎釀三寶(茄子魚肉)很好味, 大大件 值得一試

整體來講點心都不錯, 員工人數少, 或許需要等一等, 但為左糖水, 值得一試!

前排到富臨其他分店飲茶 點心精美 賣相整齊又好味
所以今日諗住去黃大仙分店試下 點知變成不愉快既經驗 以後都唔敢再來幫襯！ 
我亦留意倒, 哩間餐廳可能多客生意好, 食物賣相不太整齊, 即使好味亦會扣了印象分。

1. 一入去見倒其中大枱坐住兩位搭枱既客人 坐到東一個西一個 同行三個人想搭枱都搭唔倒
    (枱面好乾淨 唔似搭開枱) 
2. 全部細枱坐滿客 得番大枱, 起初都唔想揀大枱, 怕要搭枱, 在真係無細枱既情況下坐低左
3. 坐低後幾分鐘, 有個員工來執枱 執執下突然比個《紅衫短曲髮》的部長禁止我地坐大枱
4. 正常情況下, 禁止人坐大枱應該offer番另一張枱比客人,
    但哩位部長只係亂指去一堆滿坐既地方叫我地搵位
5. 當我再問佢邊張枱時, 佢就同我講其中一張就快埋單 (究竟邊張??)
6. 我要求佢帶我地去果張枱時, 佢指住遠處話: 有小朋友果張呀! 之後毫不理會我地
  (當時我真係想請問下部長, 全場咁多小朋友, 究竟係邊張枱既小朋友?
   你拎住塊布同一隻茶杯, 係咪咁趕? 點解唔嘗試指引客人正確位置?)
7. 細枱滿座, 又唔止一張吉既大枱, 為何禁止其他客人坐, 迫人埋細枱企, 趕其他細枱客走咁
8. 有其他大枱可以坐2個人, 點解我地坐就唔得? service standard不一致? 

黃大仙富臨存在以下的問題:
問題1: 正在等待的客人會阻礙傳菜員&侍應的進出, 不小心有任何碰撞對雙方都無利, 應盡快接待
問題2: 部長無權趕走已就坐的客人, 除非她有另一張枱供客人使用
          (如無分section既話佢更加應該比清晰指引客人)
問題3: 身為部長, 就算佢指既方向唔係佢工作既section, 佢都應該搵其他員工幫忙指引
問題4: 部長服務態度完全不能接受, 手指指/呼喝及其後無視客人都唔係正確既態度
問題5: 部長得知被佢趕走既客人終於就座, 佢應該盡快來執枱同開茶位, 而唔係要客人繼續無了期等待
問題6: reception態度無問題, 但公司無任何意見card/e-mail供反映意見 (只得訂座電話)
問題7: 如果員工對工作不滿, 係員工同公司既問題, 唔應該拎客人來出氣
問題8: 如果公司員工不足, 老闆應該多關心員工, 體諒並請人, 公司聲譽係最重要的
問題9: 做事要分priority, 有時等係避不免, 但客人唔會接受倒無了期的等待)
問題10: 該部長應該要去上training course以培訓待客態度！

希望日後食物賣相/員工服務方面可作改善, 令公司形象提升番

在同事極力推介下一齊去Sole Mio食lunch, 揀pizza既set lunch約$110, 我地三人叫左兩個set (pizza), 前菜green salad很新鮮, 剛剛出爐既大pizza係薄底的, 十分脆! 味道不錯, 芝士味夠濃! 至於餐飲, 屬一般, 但整體來講都令人好滿意! 與朋友gathering可選Sole Mio, 環境清幽, 閒聊一流!

本人係譚仔既fans , 中意去唔同分店既譚仔度食, 三哥/非三哥都會試

幾次跟朋友去荃灣哩間分店食, 都有相同感覺 - 湯底相比起其他譚仔分店較為差, 湯底不夠鮮味 (較為淡), 麻辣湯底好像無落任何鹽 希望下次途經再去食會有改善啦!