一早book 定位，所以準時入座 。
因為朋友唔食牛的關係，所以平平地吖左個LV 2 ($4xx/位) 。
之前同家人黎食LV 4 ($6xx/位)，所以以為今次都係食130mins！原來LV 2 只可以90mins ！(埋單至知)
當我地又叫到一枱野食的時候，經理走黎叫我地埋單！話夠鐘了. 係我唔啱冇睇清楚時間！但乜你地唔係應15-30mins 後通知食客夠鐘嗎? 根本會燒得切！但我地照繼續燒 (主要唔想浪費食物) 佢只有不停趕我地走同趕我地走！(最後當然燒唔切啦) 以為出面好多客喺度等？錯喇！係一個都冇！個場仲要大把吉位！
怪不得你地越做越少客啦！
上次同屋企人食$6xx/位，其實我可以去同區酒店食buffet 4小時！ 你個價位$482，但只有90mins！ 根本冇可能燒得切！冇乜事我都係走返去石門食韓燒！至少間韓燒唔會催我地走！而且只需要$2xx/位！

幫襯多年，買半隻燒鴨講明要邊半隻佢都開。 今日如常幫襯，突然話唔比揀。我話平時都比揀，點解今日唔比。佢話唔比就唔比，要揀加$15😡😡😡 我話照加佢都唔切😡😡佢話鍾意你咪投訴囉😡😡😡 今時今日，點解仲可以有呢啲服務態度😡😡😡 既然唔怕投訴，我就今日喺呢度投訴佢哋。

之前食過兩次，都不過不失會再幫襯。但經過今晚之後，一世black list。 5pm 去到，得我地一枱客，侍應粗聲粗氣叫我do安心出行，fine，我唔do 你都要罰錢，明白到你好緊張，就算啦。點知，好戲在後頭。 我哋坐咗喺門口入嚟第二張枱，跟住叫侍應落單，侍應坐喺最入張枱整甜品中，諗住你會有啲禮貌，行出嚟幫我哋落單，點知個女仕應粗聲粗氣話：你大聲講出黎啦。搞到我要大嗌過去，仲要好似同空氣講野咁😤😤 平均$50/一個甜品，服務完全欠奉，好食都唔會幫襯你囉！ 芒果冰沙，係好食ge，都好軟綿綿，但一世都會再幫襯了

有得揀，梗係揀💛小店支持啦。 正午時份，冇人等位，但帶位入去嘅人同我哋講，限時60分鐘。係我自己諗多咗，以為冇人等位，可以坐耐啲。😑 間嘢唔係full house，但啲位超迫，明明可以坐得闊落啲，但可能侍應們唔想行太遠，所以安排大家聚集坐埋一起。我哋兩個人叫咗三碟嘢食， +2杯飲品，張枱根本唔夠位放，名字叫Cafe，但茶記嘅位置。可否改一改餐廳名先。。。 叫咗all-day breakfast、單骨雞翼同埋牛扒。樣樣都係熱辣辣送上，值得讚。味道不過不失。不過咁嘅價錢，如之前食評所講，Cafe價錢，茶記味道及Service，一路食自己都一路諗，一定唔會有下一次，不過又同自己講，💛店喎，唔係唔支持呀嘛。 不過我都要講多句， $128的牛扒，係真係薄過紙的。建議大家唔好叫。 加咗$25嘅杯latte，建議大家千祈唔好叫，因為完全冇奶、冇咖啡味，只有水味。 繼續Cafe價錢，茶餐廳Service，叫佢俾杯水我哋，一個疑似老細嘅人同我哋講，要自己去斟水。我第一次去Cafe，要自己斟水，呢間仲唔係茶記？ 食完野，喺冇問我地情況吓，比侍應9秒9 收哂d 碟。因為冇水飲的關係（唔想戴返口罩出去斟水），喺度飲緊溶冰中的Latte。點知傾傾吓計，一不留神又被侍應急不及待收埋我ge 杯。再一夠60分鐘，喺冇人等位兼大把吉位的情況吓，侍應又遞單叫你埋單，真係o 哂咀。 如果你係茶記價錢，我願意接受哂以上一切。但記住，係cafe 價錢，冇乜事我去返樓上間💛店好了。

執左豚王之後，感覺沙田冇得再食拉麵。見到同一舖位開「多賀野」，以為執到寶，點知。。。 盐味拉麵$128非常普通，啖到冇乜味，而且好細碗，以往我去豚王一定食唔哂個麵，呢度幾啖食哂，而家師傅好刀功，一啖可以食哂一塊叉燒 芝士和牛丸$79/3粒 即炸起熱辣辣送上。不過同我在凍肉舖買芝士牛肉漢堡一樣味，毫無驚喜可言😑 老公叫左醬油拉麵，同樣味道一般；反而囝囝叫兒童餐佢話好好食。 雖然味道一般但服務一流。如果我回頭幫襯，絕對因為佢地的服務而非食物。 講漏左，pat pat,稍為大少少都坐唔到佢d 特色座椅😑

今日一行三人黎左幫襯。book 左1pm，被安排去左轉角位坐，有d失望。因為原來呢度有大玻璃，如果book窗口位，感覺一定更chill。 去左轉角位坐，仲未開冷氣，好熱。限時70~75mins，不過都好夠時間食。 點左呢度個個都推介的$246 的石燒吉列牛套餐 上枱前約3城熟 自己在石燒上加熱至自己想食的熟度即可食用。 牛有牛味，而且夠淋，就算唔點source 都好好味。不過份量冇d人講嘅咁多，其實得9小舊，兩個人share 的話都只係分到4小舊。男仕建議自叫一份比較好。 再食忌廉咖喱烏冬，抱住肥死就算的心態去食。哇，估唔到一d 都唔漏，而且忌廉唔會搶左咖哩味，咖哩又唔會搶左個忌廉味，絕對絕配。 再叫左個咖哩牛肉火壽喜燒（好似係），相對忌廉咖喱烏冬，佢會比較淡味，但$98 份量足夠，我地3人應每人分到至少6片牛，好抵食。而同點滾d 牛都唔會overcooked，好得。 我地再加多個烏冬，喺個壽喜燒淥完放返入忌廉咖哩烏冬度撈汁食，唔駛浪費個咁美味的汁，掂呀。 呀，講漏左，個+$18 配左個citrus ocean 同rose garden 咁上下，說實話，顏色係靚但味道一般，唔叫冇捐失。 留意返，呢度冇乜服務可言。

啱啱昨晚去完dinner buffet,伏到不能再伏。 ~ 生蠔：細過尾指甲，有蠔味， 但咁ge size 唔想再食 ~ 所有剌身完全冇味，食左一轉冇再去食 ~ 凍海鮮：除龍蝦外完全冇味 ~ 凍龍蝦：等左幾轉都比人搶哂，終於拎到嘞，唔係擦子膠，係好食嘅。但等到8:30才拎到 ~ 片皮鴨，其實係食緊燒鴨+ 皮。佢冇片皮，只係片肉出黎，又係等了又等才有。 ~ 甜品：見到個樣都唔開胃，冇拎過，朋友們都話食完有糖尿病 ~ 鵝？鴨肝多士。又係全場最好食之一，不過一人限一舊only, 同埋塊多士淋哂。 總括而言，得龍蝦同鵝肝好食😑 其實唔好食都唔係最好恐怖，而家你人有三急時，餐廳喺1/F ，但廁所喺6/F😑。如果你突然肚痾保証你會瀨出黎😑。

老公話想食雞煲，但係沙田完全搵唔到雞煲外賣。問問朋友，朋友推介呢一間，加$60就可以送貨到沙田。 全程WhatsApp落單，再payme/FPS付款，方便得很。WhatsApp回覆超快，又有禮貌，未食已經覺得開心。喺宜家呢個投訴國度，要搵一間咁有禮貌及Service的店舖，係好難得的。 約咗5:30至6:30送貨，果然準時到達，司機有禮貌地送貨，又再教你多次要點樣食，超讚。 我哋焗左兩個鐘頭後先食，跟店員分享的方法去食，真係超好食，焗咁耐先食，d 雞都冇老到，而且叫微辣真係微辣，超掂。又再跟多d 醬油辣椒絲等比你，另外再加碟辣油比你食完雞煲再撈落去比你打邊爐用，勁貼心。 唔出呢個post真係對唔住自己呀。

專登冒名由而來。見到門口大排長龍諗住實好食。 見到門口派飛仔位小姐黑口黑面，粗聲粗氣冇禮貌兼不停背後鬧客人已經難頂，心諗試完今次好食都一定乜冇下次囉。 間野冇野揀，得豬手、牛腩、牛丸同炸卷4樣。 豬手係好食嘅，又炆得淋、唔痴牙又夠入味。但可惜其他4樣都唔掂囉。 牛腩痴牙，痴到唔想食； 牛丸細粒到呢，完全冇牛味，以為自己食緊豬肉丸。 至於炸卷，凍到腥😑我唔明點解炸卷會腥。 但有一點可以讚嘅，就冇乜味精。食完唔口渴。 如果專登黎食，勸大家無謂浪費時間過黎喇😑

難得去青衣，當然要去日本人氣店美登利朝聖。Book 左8:30 去到竟然大把吉枱等住我，但奇怪係隔離食店排哂長龍，伏味超濃。 坐低左15分鐘，仍然冇人端杯茶俾我，完全冇服務可言。而且wasabi 要問先比。想點呢吓。 之後叫左以下食品： 超削的兒童餐（$78)囝囝問我做左要切難隻蝦先？而且熟蝦完全冇蝦味，完全唔知自己食緊乜。 炸蝦卷，唔知點解要淋上類似章魚小丸子的source 上去，完全蓋過本身的炸蝦味。 太卷（$98): 簡直失望到極點，以為好似日本咁大大舊舊又多魚生，sorry，完全冇日本的味道！原來只係一件普通到唔普通的太卷但收你完全唔合理的價錢！ 唔知咩set ($235): 蝦完全冇鮮味，右邊黃色嗰舊亦唔知咩黎（餐牌冇呢舊野）。但又係完全冇味。其他壽司不過不失。 三文魚盛：一如既往，繼續冇鮮味，說真的，x 氣、x 長 真係好味得多！ 還有點左其他壽司，但唔想再寫。。。 總括而言，伏味勁濃，唔會再光顧。