之前經過見到新開張 ! 好大間 ! 都想試下 , 今日終於有時間搭車黎試下佢0既午餐 !!

今日年三十,周圍都好多人 , 好在呢度地方夠大 , 同埋又過左食飯時間 , 唔駛點等位就可以入去坐低 , 打開

個餐牌 , 選擇都好多 , 前菜~壽司~炸物~定食 樣樣都有 , 最後同朋友叫左兩個定食,兩款壽司同兩杯

飲品最後結帳$169 , 沒有加一服務費 . 下次可以再黎試下其他食物

呢間嘢次次經過都爆埸，終於(的)起心肝打去book 位，都係凈番outdoor 位，於是照殺晚上天氣轉涼，呢個疑似老闆嘅靚仔好細心，開行個暖爐，正！户外都暖笠笠！！！ 我地兩個人點左魷魚筒飯，麻辣雞翼，燒鮑魚，燒茄子，牛舌，啤酒。先講魷魚筒飯，醬汁甜甜地好醒胃，魷魚彈牙有咬囗，個飯腍腍地夠入味麻辣雞翼，夠麻夠辣好刺激！燒鮑魚質素平平。茄子一流，賣相雅緻！茄子，肉碎，红椒絲，味道好夾！牛舌夠厚身，有咬口，仲保持到肉汁，一啲都唔韌！鹽燒效果好香囗 飲酒飲飽了，食唔到多嘢，下次一定要試十吋虎蝦，應該是招牌菜吧！我見人地隔離枱個女仔攞住隻蝦狂照相，真係幾大隻！

天氣持續寒冷，於是建議去食煲仔飯，經過置樂發現呢間蛇王輝除蛇羹外，仲有煲仔飯同糯米飯供應，二話不說，試試吧！ 我地點左滑雞煲仔飯($35-)，梅菜肉餅煲仔飯($35-)，一碗大蛇羹($55-)！ 煲仔飯賣相醜陋，我呆左五秒，是雞嗎？雞肉呢？是因為份量少，骨多過肉，简直無機會去分辨佢滑定唔滑，另外，個肉餅同樣精緻，質素平平。唯一讚係有飯焦囉，很香囗！於是狂落豉油撈飯算了建議佢加價提高食材質素！ 蛇羹足料，啖啖蛇肉，香濃美味，熱辣辣好暖胃，再加埋脆脆一齊食，好味道！！！脆卜卜，任落唔嬲！

天氣凍凍地，想食熱野，經過見水牌賣相吸引，於是作出第一次幫襯！ 我地點左兩個餐，有台灣麵線，牛肉麵，鍋貼十五隻，熱豆漿，凍珍珠奶茶，只係$104- 我當然明白(圖片只供參考)嘅道理，不過個台灣麵線同個圖真係好大落差，味道尚可！牛肉麵大碗到不得了，份量十足！牛肉腍身軟熟，爆骨膠原嘅牛根，好味道！大大舊嘅紅蔔白同白蔔白，非常入味，麵質煙韌彈牙，湯底香濃！鍋貼煎得剛好，皮脆！又夠薄！正！ 另外，買飛時，姐姐建議我杯珍珠奶茶少冰，唔會太凍，好細心！有笑容有禮貌！上菜又快

成曰行經荃灣都見佢大排長龍，終於俾我(捕)到，原來晏晝三點幾係最少人嘅 我們點左伊台風(蕃茄湯底)， 魚介豬骨湯拉麵，一罐汽水。 一定先講服務，呢位疑似老闆嘅人非常gentle, 拉櫈推櫈不在講，仲要供應五顏六色橡根俾我地啲長髮美女，怕我地食麵整污嘈頭髮，好細心啊！重點係以我呢個高齡，佢竟稱呼我為(妹妹)，今時今日呢啲服務去边度揾？ 講番正題兩碗麵賣相惹人唾涎，份量大得驚人，我食左一半已飽飽！湯底非常濃烈， jam 喉，蕃茄湯唔似有蕃茄，爆鹹，豬骨湯底亦不特出個溏心蛋係凍嘅，失敗！！！麵質確煙韌彈牙，仲有蛋香！！！叉燒半肥瘦肉質鬆軟！正！！！仲有火炙芝士鋪面，好香囗呀！

對上一次黎Ikea 應該是十年了，現在可以推車仔揀嘢食，之後去counter 俾錢，再去攞嘢飲，成個流程似工廠放飯，好好玩 我倆個人點了白汁雞肉菠菜麵，西梅釀豬柳， 火雞卷釀三文魚，瑞典肉丸，南瓜湯，熱咖啡，汔水，埋單$130- 先講菠菜麵，凈係得個綠色，冇味嘅雞肉係白烚嘅，淡而無味，豬柳質感似香腸，火雞釀三文魚，除左搵唔到三文魚，亦食唔到三文魚味， 南瓜湯亦只有鹹味，瑞典肉丸，真係聞名不於見面，以薯仔粒粒填飽肚。抵讚係所有菜式賣相雅緻，色彩繽紛，食慾大增可是食落就失望 咖啡同汽水可以無限添飲，即磨咖啡香滑，正！

廿六號晚同老公喺荃灣揾食， 毫無頭緒唔知食咩之際，有位嬸嬸派九折coupon, 就係呢間台灣麵，再聽到後面路人甲講呢間野難食過食屎，基於好奇心驅使去試試 舖頭企理，地方闊落仲有電視睇添！ 餐牌製作精美， 仲有好多套餐選擇！ 我地點左台灣牛肉拼滷肉粗麵， 台灣牛肉拼香酥雞扒粗麵，娃娃菜，肧芽香椰奶露，柑桔檸檬蜜！ 先講麵質煙韌彈牙， 湯底濃夠惹味，牛肉入味，一舊腍身軟熟，一舊喺韌嘅，有咬口而雞扒就質素平平，不值一提！ 滷肉夠入味！兩碗麵都份量十足，我食唔晒一碗添！ 另外， 肧芽香椰奶露抵讚！椰香撲鼻， 肧芽又多，奶露夠滑，冬天恩物！係甜左啲，飲完即咳不過值得！！！ 九折後埋單$115- ，不過不失，仲想點？

每隔幾個月都會光顧一次， 剛巧在旺角開會後， 同老公去開餐。 鮮蝦腸粉~ 賣相精美， 皮又滑又薄， 蝦係彈牙嘅！ 古法糯米雞~ 熱辣辣！ 糯米香噴噴又夠腍身！ 豬潤燒賣~ 經典點心之一， 豬潤色澤紅潤爽口，豬肉蝦絞彈牙。 酥皮焗叉燒包~ 熱烘烘嘅包包， 皮薄而脆， 叉燒醬又香又甜， 必食之選！ 栗子南瓜露~ 清香滋潤！ 總括~ 價廉物美！！！