Chef's Stage Kitchen (將軍澳)

新開業第一次試居然有驚喜。

首先服務不錯, 上餐時間恰當 不用久等 加分。

先來餐湯沙律和牛角包, 湯熱 good， 雜菜沙律開胃 good！牛角包雖然最後食 但仍又熱又脆 十分得

主菜是蕃茄扁面，味道適中 linguine 可口彈牙，最主要係食鮮新鮮熱辣讚！

最後食埋甜品 brownie ＋ Mövenpick 雪糕，先看擺碟已見心機，暖暖brownie 加上冰冰雪糕和朱古力碎碎，簡直就係無懈可擊正到呢～ 真係一個完美嘅 late lunch

另外 sofa 大張 環境舒服又寧靜
Lunch set + drink + good services = $88 免收加一，真係抵到冇朋友
即刻諗：唔知下次可以幾時再嚟啦
希望疫情快啲過去 大家可以再出街食飯啦。

釣魚船屋 (觀塘)

食完之後真係回味無窮, 值得寫食評向大家推介


餐廳新裝修乾淨整潔, 地方大, 有不同tatami 房間, 適合朋友共聚自成一角。點餐用eMenu 雖然有D相片未有上載只有文字, 但並未有影響落單運作, 上菜很快。魚生飯足料件件sashimi 厚切十分新鮮在觀塘區真的難得; tempura 都好好味, 炸漿不厚又不油膩, 很有水準; 職員也很有禮貌又細心, 不時過來收碟斟水, 服務不錯



以後有多一個好地方食 lunch
期代正式營業時有得釣魚, 到時有得玩又有得食 正!

ALTO Bar & Grill (銅鑼灣)

一進入門口已被色彩繽紛的 buffet table 吸引！

坐低看看 menu 後發現選擇頗多，輕食的可以選擇 salad and dessert bar $128, 其他的選擇也頗多。本人選了 risotto 飯身比較硬，味道一般，沒有其他配菜比較寡。朋友選的 burger 好似好美味，薯條脆卜卜好快食完。

Buffet set 價錢已包 coffee or tea, 值得一讚是咖啡的奶是熱上的，十分體貼！

期待下次再來試試其他的食品。

韓嘉嵐韓國料理 (灣仔)

知道 QRE 有新餐廳還要是之前在 CWB 的韓嘉嵐好想趕快試試. 
Lunch set 有十多款選擇, 仍然是$8/90十分便宜. (雖然沒有炸雞啤酒 )

前菜薯仔鮮甜, 魚角惹味. 石頭飯的份量不少, 附有蘿蔔湯; 熱騰騰的豆腐海鮮鍋, 料足好好味! 餐後再飲一個冰凍柚子蜜, 真是完美, 值得推介

台灣一品花雕雞 (銅鑼灣)

這是一間不老實的食肆, 大家要小心!!!

見之前團購的食評不錯, 便買了一張$688 四人的花雕雞鍋試試.
坦白講, 由book檯, 入坐都感覺十分良好, 職員很有禮貌, 主動酙茶, 但可惜在最鬆懈一剎, 一個類似部長的人物 (戴眼鏡, 沒穿西裝) 笑哂口走過來問我們有冇興趣試下今日d 海中蝦 "好抵, 就嚟冇啦, 幫你留起一份先啦......" 好好人咁, 我問佢什麼價錢, 佢話: "二 ~ 十 ~ 八" $28 好淸楚, 我和朋友跟本不會懷疑自己聽力有問題, 聽少2個字, 我地仲問佢有幾多隻, 對答完全好清晰, 但點知埋單時才驚見是 $128, 再加一 total $141. 我唔知之前 "一百" 兩個字去左邊, 而幫我地落單那個部長亦在埋單時鬼祟地消失了!!

其實他們的食物質素不是很差, 服務, 環境衛生也不錯, 但以此種古惑手法多賺一百幾十實在太悲劣, 極差差差差!!!
這亦難怪之前有藝人在此食店發生過收多錢之爭執, 上埋新聞.
所以大家如到此用膳, 別掉以輕心, 有什麼推介都要加倍留神, 最好明碼實價印在餐紙上先好叫, 最後仲一定要check單! 以免招致不必要的損失!

就是這8隻蝦承惠$141, 到街市買唔駛$30!!!

坤完我地加order之後, 服務就大不同了, 叫杯水都要3/4次先有....唉...
10:XXpm 幾無人等位, 仲有好多吉檯, 就催我地埋單, 仲話如果要坐就搬去等二張檯, 滕空番張卡坐出嚟, 咩意思呀!!