食物選擇可以接受，質素不錯，free flow 酒類亦可接受。唯服務質素、應對客戶、整體做餐體驗未達其預期的高級/fine dine 水平。餐廳定位、特色有待攪清楚。試一次當體驗，下次要考慮。

知道此店前身為出名的伊呂波高級日式燒肉店，而該店在渣甸坊屹立多年，頗有口碑。可惜一直未有機會到訪嘗試，直到最近終於有機會一嘗香港的日式燒肉店鋪。從OpenRice 得知此店已易名，不知是否轉手。心想沒甚關係吧，見店鋪仍主打 A5 飛驒牛，就抱著一試心態。 到達時已是午市時間，餐廳還挺滿的。看到生意好，以為今天的新嘗試會滿意收獲。店內服務員態度良好，略嫌店內裝潢昏暗，看餐牌頗費神。午市套餐頗多多選擇，價錢由相宜（百多元）、中價（二百多300）及高價（ 500以上，選擇不多，尤其午市時段，這是可理解的）。 點了個中價的飛驒牛海鮮套餐（HK$350)。 前菜、茶碗蒸、麵豉湯、燒烤拼盤、白飯和雪糕。食物質素非常一般，和牛質素不似預期（見圖片）。茶碗蒸上枱時非常熱，尤其是碗蓋，服務員一時遺忘提醒顧客小心開啟，一是不留神，燙到。 6片飛驒牛，不能接受其賣相，頓時感覺像超級市場售賣的「切落」牛（個人感受）。大蝦兩隻加兩隻帶子，質素普通。 除了賣相，味道一般，和牛不吃也罷。 到最後，連隨餐贈送的雪糕甜品也沒吃，便埋單離開。現時午市優惠，全單8折，最後由$350折到 $28x。 希望店方會改善。

置身灣仔鬧市中的後街，一個不起眼的角落，與興建中的地盤毗鄰。門面沒有大招牌，一開門就見到細小的鋪面，四週裝潢坊如置身西班牙小酒館。眼前是一直排枱面的 tapas，種類繁多，一時回不過神沈醉在色彩繽紛、眼花撩亂、林林種種的選擇中，呆企在食物枱前，開始盤算先拿什麼作開始，直到碟子上裝滿不同形狀和形態的展食物，作為回歸飯枱的指標。 食物質素甚為滿意，尤其欣賞龍蝦湯、龍蝦薄片、蛤、薯仔蛋餅、椰菜花，不得不提附隨每個主菜送上的西班牙封乾火腿。 喜出望外地，價錢絕對貼地，有叫酒同無叫酒的價錢非常合理。性價比非同小可。 港島Brunch 又多一個優質選擇。

下午茶垃圾，所謂嘅日本綠茶主題，但得個樣，咸點口味組合奇怪(燒鰻魚下面加塊好似擺咗好耐嘅隔夜麵包、鴨肝外包住綠茶啫哩)。甜點尤其恐佈，全部(綠茶卷蛋，銅鑼燒餅等)非常之乾。水信玄餅嘅質地好奇怪。 散叫正常，薯條正常、燒鱈魚可取(雖然伴碟嘅zucchini 好苦)，但就因為服務差完全被扣分。全場只有十枱客左右，職員甚多，但叫人無人理，所有正常要求(加水、落單)要重複多次，向不同職員催促，催咗幾次仍然有漏。

無下次，非常失望。四季豆勁多渣、隻鴨好亁、咕嚕肉完全冇特別、麻婆豆腐勁辣食唔到。完全唔知今晚食嗰啲乜嘢。唔會推薦，亦都唔會再返嚟。價錢不成正比。唯一係喺 Elements，有得泊車。但 Elements 食飯地方多的是。

是次下榻巴黎人，下午一時多到達，快速登記拿房後，到樓下探索一番。許久沒來澳門，亦未見識新建酒店。 找到這間簡單裝潢，便快速坐下醫肚。 分別點了洋蔥湯、蟹肉蘑菇煎餅 (crepe) 和燉油鴨。起初沒有期望，直到第一口洋蔥湯，嘩，久違了的正宗洋蔥湯味。煎餅亦滿意，連隔離枱的三人小家庭中的爸爸亦走過來問我們這是什麼菜。我們對他推介了。燉油鴨香而不酥。 法式風情的簡單午餐，不太飽亦不太膩。肚皮満足了便回去午睡。此乃假期的真享受！

今個復活節假安排兩日一夜，主題為食之短遊。大約一至兩星期前網上預訂，方便快捷可靠。出發前一天餐廳打來確認預訂，貼心。是日晚上八點，在 Galaxy 找了一會才找到餐廳。原來 Galaxy 已擴建了很多新店鋪。來到門口，比想像中平實，沒有香港的奢華。餐廳面積不大，是晚不爆場，感覺舒服良好。 服務一流，侍應細心和醒目。 食物質素亦非常滿意。這次我們沒有叫 degustation menu，單點兩個 pasta 和一個藍龍蝦主菜。餐廳最後亦送上免費甜點。 圓滿的一個晚上，就此結束，我兩口子不亦樂乎。 下次再到澳門，定必回去。

一個肯定：好食。食物質素超班。食物種類多同款式特別。特別推介：XO醬、芋茸燉鮮奶、蝦餃、臘味糯米包。 第二樣抵讚嘅係呢度嘅服務，好貼心，久違的舒適。我哋兩口子好耐未試過坐喺度舒舒服服、遊遊閑閑咁樣飲左差唔多兩個鐘嘅茶。今日星期一，亦係復活節假期最後一日，竟然冇乜人。成個午飯過程舒服開心。 每次過嚟澳門其實都想食呢度，之前未安排到，又唔係成日過嚟澳門，所以一直以來都冇機會一嘗。今次終於如願以償。好滿足嘅中餐，下次一定會帶屋企人嚟。

一入門口，可能週日早上關係，頗多人，但員工只各自顧的在工作枱後走來走去，完全無望過剛入來的客人。我們唯有自己找空位。坐下後，員工不但繼續無視新客人，當然冇比餐牌客人，就咁向客人用手指着個餐牌喺邊，叫個客自己攞。咁都算啦。點餐時，見到有個紅豆包想堂食，咁個員工話堂食要＄25，算啦唔食囉。叫咗個all day breakfast (Smoke turkey breast)、hazelnut latte同埋 matcha latte。同個員工講要 brown toast，佢一臉茫然，完全唔知brown toast 係乜。算。個所謂all day breakfast，每一樣材料都係唔熱嘅，連隻蛋都唔熱，個茄汁焗豆係凍嘅，個麥包多士亦都唔熱唔脆，連條腸都係冇煎過嘅。個兩杯latte 亦都唔熱。一個 all day breakfast同埋兩個 latte，盛惠＄175。覺得唔值得不特止，仲好失望一間以為有心做小咖啡室嘅鋪頭，啲服務同食物質素會咁求奇。

正，會返去。一直都係農圃飲開茶，知道佢開咗間新餐館，一直都想試。直至今朝見到雜誌介紹懷舊點心食放題，就決定去。必食之選：麻辣燒賣、芋角、灌湯餃、金錢釀百花，仲有當然係奶黃流沙包！對我地來講方便泊車。一定會再返去試佢嘅晚飯火鍋。