好耐冇寫食評,昨晚同朋友兩個人去試試.
叫咗七樣野 -- 例牌乳豬,牛仔骨(一件),牛利(一件),涼拌青瓜,豬仔腳,燒多春魚,燒粟米.
例牌乳豬 凍咗少少,好在皮脆肉鮮不過肥咗D ,牛仔骨 牛利 多春魚 都一般 之前見人寫好咸,好在都冇,粟米燒起好香,最有驚喜係豬仔腳好食有夠份量美中不足係仲有少少毛燒

睇之前D 食評心郁郁上去試試,又真係幾好.
魚生,夠新鮮但食到後來好似解唔切凍....
海膽,又係好新鮮我地7個人叫都係一板板上,得!!
鵝肝,唔係太識食不過都唔難食好過上次食自助餐.
芝士扇貝,大蝦,都好食不過粒扇貝細左D,返而叫個果七彩扇貝又冇咁細粒,D蝦絕對拈!
燒物,就一DD有D淡,都ok幾香口一試無防.
炸物就要小心啦,D材料冇問題,係D粉開得唔好,無論炸蝦,蠔,魚,都係.
飲品,啤酒梅酒清酒汽水西瓜汁.湯有4,5種海鮮湯淡左D,海椰烏雞就甜左D.
上菜就有點慢,我地第一轉落個D同第3轉一齊上,但第三轉個D唔使2分鐘就到,可能廚房等一齊先做,漏單就唔算太嚴重成晚記得係漏左雞軟骨同條活魚刺生,太多野食,試唔晒.
重要留意除左本大餐排,重有個細既特色食品排係面我地食到一半先見到......

路過見到各人相,又見唔算好貴入去試試.
蝦子我唔好,所以叫左牛根腩麵同淨雲吞,雲吞有原隻蝦有鮮味D豬肉好細細到好係粉咁,幾好食.
牛根腩麵,我個人鐘意食清湯腩不過佢D根都幾好食腩就鞋左D,但佢D麵真係冇得頂,好食,個湯扁甜,甜過左龍少少.
唔可以唔講係個樽酸蘿蔔,食野前整兩舊酸酸辣辣個胃開晒,食完碗麵又呢幾舊又可以食多碗,好食!!
係上菜有點慢,不過唔關D阿姐事係得一個煮所以要等等,睇返之前D post 有隻貓貓今次唔見,下次再去搵佢.

唔係唔好食,不過未去到好正.
兩個人潤牛麵,潤牛意,咖央多,凍檸茶,凍奶茶.
潤牛麵意,豬潤唔會有異味但一兩舊有少少苦,牛老左但個湯好甜D麵同意粉剛剛好,返而係個麵好食同相當大碗.
凍檸茶,凍奶茶.冇任何特別又唔會好難飲,算數.
個咖央多係最好食睇相就知未影就唔見左大半,哈哈.
唔知係咪開左分店份量需求大,質量有所下降??

因為係4月尾食,而懶到而家先寫,哈哈.
其實食完唔係100分,但都好滿意,首先我為生蠔而去,蠔唔大但好新鮮,食左打半都冇肚痛,哈哈.
熟食大部份都有水準,而其中印像最深刻係田螺,真係好好食,而蝦無論凍燒都好大隻同鮮甜,不過問題又係因為大隻條腸有沙........
刺身都幾新鮮重有吞拿魚,不過款少而希零魚又好咸.......而壽司就唔好攪佢啦.
雪場蟹腳唔算好大隻,又唔係好咸不過開頭找唔到工具,而見到工具個陣又食到差唔多所以只係食左兩隻腳,而我朋友直頭係蟹魔,食左差唔多兩隻蟹(全隻)再整多兩碗水蟹粥,勁!!!
水蟹粥D蟹好細隻但D粥好甜,而燒牛排半排都一般,返而睇落普通既金沙骨又好好食.
而爐端燒返而唔好咁大期望,D帆立貝好細,不過都好甜,其它多春魚,雞翼都好食不過要等.
唔知係咪人多關係好多野都要等,而D鵝肝焗蛋有D過火,因為D人多到6人座位要加兩個主席位變8人座,我星期一約星期四食,三個人要座到最入問佢地,我見我個名係張紙第三個點解座咁入,佢check完話返我知我係第二張紙第三個,可相而知有幾多人所以放食物既地方又細左,
好在食完呢樣就出第二樣,食完又refill得好快,D蠔一放低就卑人挾走又refill過,見佢係咁走出走入,直得一讚係9:30完我9:20走個凍巴都係full既,哈哈.
講返甜品,款色唔算好多但水準幾好,橙旦糕好橙,布甸都滑,MOVENPICK雪糕就唔使講,我食左三杯,飲品有橙汁,甘桔檸檬,coffee and tea 任飲,我一定會再去試多次不過一定要閑日.
用佢個coupon 加一每人270.

今日search 吓openrice先知牛陣係太子有分店,和同事一講就俾人夾左去食.
又係三條大漢,又係任食個種,又係個句睇下你係咪食肉獸.
新店環景冇APM咁大,好似兩條行咁,一條係左一條係右,牛肉都係咁始終連銷店又唔使煮所以冇乜問題.
配菜都係主要菇類,但係有D上次AMP唔見既魚柳同土尤,土尤就算啦唔係好得,但魚柳又唔錯起碼冇一陣雪藏味,可以一試不過試下好啦主力都係係牛到,雪糕又係比AMP多兩款真係唔知點解.
要講講既係唔知係咪新店關係,雖然由靚女變左做大部份俊男但D服務好左上次食完要先搵人再等等,今次未食完重有兩舊就有人問黎唔黎多碟,重有相同大細的碟明顯比上次多一層層起碼多50%.
所以今次都係食左三大三細碟,但係食得係多左希望唔係新店期間先有既服務,重好似話有優惠$88唔使加一,重可以加$15氣水任飲.

唔係話唔好食,不過要睇你啱唔啱. 食物種類真係好多,但同我真係唔係好夾.
期望中的生蠔因為季節原因變為香檳蠔,差點引發港男板之---我要食生蠔....................算數唔講.

海鮮都好幼嫩,凍蝦,凍蟹尤其東風螺手指尾頭咁大完全唔忍必食好似虐兒咁,魚生除三文魚外其它都好即食麵feed,算數.
酥皮瑤柱竹笙翅,好重胡椒味,D翅我又唔識分真假.....好在我搵唔到胡椒粉唔係重大鑊,蛇羹相同好重胡椒.但個海鮮忌廉湯就好得同飽魚燉湯我冇食但我朋友話幾甜問題又係胡椒重手左同唔好攪隻飽魚,
既然冇生蠔就食熟蠔啦,有成幾種燒法,美中不足又係D肉偏細最大有手指公咁大但大部份都唔過手指尾頭咁大,都算ok啦不過佢個波菜芝士焗D芝士有點穌唔知係咪用羊奶芝士.
我覺得最好食係安格c牛,熟晒但係好軟諗又有牛味我同幾個朋友都有返食,食完安格c牛就出左烤全羊我怕穌唔食但好快又冇左又出返安格c牛我走前又就快冇,重有D豬手鴨掌都好入味.
如果食得辣應該啱因為有好多辣食,列如川菜水煮魚,燒辣椒但我完全唔辣得所以有試我朋友食得少少辣都唔敢試晒.
印度薄餅-即叫即整幾香趣有D甜,自製煙三文魚ok,巴馬火腿用牙咬開放棄左,燒味鹵水檔一搬可能食開香港熱辣辣燒味但講開又講香港都唔係度度自助餐燒味好食.
鵝肝好似南乳味.....我少食鵝肝唔知正唔正常,巴西燒烤不停燒不停換款,D燒肉好食禾花雀朋友話好食我唔敢食,鐵板燒要排隊都唔錯而秋刀魚特別好食友人食左3~4條,Haagen-Dazs雪糕, 一人只得一張飛只得一球但不停出食完尼款就出第二款,除Haagen-Dazs重有明治雪糕冇試唔知得唔得,飲品任飲紅酒,啤酒(嘉士伯),果酒,清酒,可樂,橙汁,唔飲酒橙汁又淡,好左可樂夠凍,友人話紅酒易入喉清酒好係工業酒精開水.
不過一定要讚D服務幾好,係食煎薯餅個陣嬏嬏見我想羅即時問我有件剛煎起要唔要,幾好.
有人伴唱不停唱成3個幾鐘未停個勁!!
坐位要少心,我地4個人去到佢卑個卡位我地開頭唔覺食野就知中招,不停出入不停起身

上去卑人揼前又唔想食太飽驚卑人揼到吐返出黎,所以選麵點王食少少.
求其點,有D古古下佢講又聽唔係好明,有朋友念念不忘的豬骨,有古古下好似係南瓜餅都幾好,
煎餃子上次食凍冰冰今次熱辣辣,其實所有煎炸物品都要睇你好冇彩,應該改善下.
小籠飽即叫即蒸有湯但皮厚,連鎖店咁上下啦!
上到去如果冇乜心水食乜又唔相諗都係唔錯既選擇.

又係開工經過,食過3幾次幾,幾穩定又講下.
之前食過雞扒,同豬扒飯我覺得雞扒好食D而我同事係雞扒支持者次次都是食雞.
今次想試試其它野就叫左個韓式炸醬麵,D顏色好黑完全同平時食個D紅卜卜唔同.
主要材料係矮瓜同洋蔥重有少少肉,有少少甜味不過我覺得淡左D完全冇辣味想食清淡D就啱啦,不過個麵就利害啦唔知係咁啱定點我叫完炸醬麵佢羅左舊麵餅即場碌先發覺完來有部碌麵機係度,唔知係咪鮮制關係D麵好旦牙
配菜就叫左泡菜,其實我最鐘意食佢D薯仔,之前我同事會食黑豆,但試個薯仔而家就次次都係泡菜加薯仔
注意跟飯得一個配菜加一款加3蚊不過絕對足份量,基本上兩款配菜就鋪滿個飯面,D扒都好大件有相為証哈哈.
因為店中清一式是韓國人可能叫飯要講多兩次,但店員都幾好禮貌.

同朋友去食午餐叫左$80個種都幾好,三個大男人叫左三大三細碟,可能唔係食貴餐冇想像中咁好,要睇少少運氣佢俾你個碟得唔得,返而最後最碟細好瘦返而牛味重D不過就真係冇咁軟滑.
其他材料包括蔬菜選擇唔多菇係主打, 鳥冬一定要試下返而有驚喜, 雪糕得兩種士多啤梨同雲尼拿, 仲有白飯同炒飯真係用珍珠米但係唔知點解唔夠香, 芝麻醬幾香 , 酸酸地豉油就唔係好慣但係真係乜都唔點係最好食.
講真成百蚊出去求其搵間打邊爐唔難,但係如果係食肉獸冇肉不歡就好要試下尤其係牛肉我食最平呢種都唔差,如果女仕或者要多樣化列如海鮮,雞同鐘意吹水就真係去打邊爐算數.
仲有加肉有D慢要等陣,或者要早D叫 同唔包飲品得清水.