基本上，豆花妹撈米線同我去之前嘅想像好唔同，我以為 豆花米線 連 任意新款式小食一份會係好似譚仔個d分量，但原來更加似hit過一排嘅傷心酸辣粉。去到見到好多人等外賣，先發現原來係冇位坐，可能係唔算開咗好耐嘅關係，食物的選擇唔算多謝，有3種米線+4種小食，個人覺得佢哋分工不太系統，所以要等幾耐下，這方面可以改善下。等的時候發現貌似老闆上過電視！？
店面是這樣的，不算大但如果是賣外賣是夠的！！睇下在等嘅人，生意很不錯！！今次食的是豆花米線和脆皮豬大腸，我自己覺得有豆腐花嘅米線幾新鮮、有趣，整體上味道偏濃，米線有麻辣配料、肉醬、爽脆醃菜、花生等，而脆皮豬大腸唔脆但有濃濃醬香。以女孩子食量，其實是夠嘅，價錢也不貴，一碗$20已經有小食，而家仲送埋豆腐花。
如果經過試一下係無妨，但要特登去試就真係咪搞！

之前有朋友話niji bistro唔錯，所以一直都想試下，去過尖沙咀海港城嗰間，但係要排隊而放棄咗~~終於有機會食佢！！
可能係因為中環分店夜晚冇乜人嘅關係，地方算闊落，個環境其實幾唔錯，而且差唔多一個侍應服務2枱客，唔會存在冇人理你的狀態（這是優點嗎？）。溫泉蛋真係算係咁，有流心，帶著少少醬油味。個蛋放咗太多忌廉/奶，搞到好稀同冇乜蛋味；香辣蕃茄爆汁唔知點解係甜嘅，有少少似甜椒，同好味一d關係都冇；最正常係個炒飯，真係有彼多牛油果及帶子，不過，感覺上落咗唔少油，食多两啖就濟！試新嘢一向都係有風險嘅！好似叫紅桑子白朱古力摩絲，切開前仲好樣d，味道唔算差，但又講唔上話好，比較甜的白朱古力，中間有d酸，但完成唔值嗰個價==’’
可能我對佢期望太高嘅關係，所以有失望嘅感覺。

話說之前睇報章雜誌都成日推介呢間野既年輪蛋糕
，我一直都想去試下，點知又係失望。 去到其實無乜人等 ，但唔知點解都要搞成5分鐘咁耐。我今次買咗新年特別版抹茶味，個包裝都幾好，吃起來抹茶味算濃，但比較硬，有d干干地，其實d年輪蛋糕唔係話好難食既 ， 但以嗰個價錢嚟講就唔係好抵， 唔知係咪我妹仔肚既關係，個人覺得嘉頓雪芳蛋糕都好食過佢， 最蝕係邊個隻唔知係招財貓正招財狗的難食曲奇好似呃多左我2 0蚊  ，下次都唔好學人貪新鮮買新年特別版 。

話說嗰日好想食炸雞脾，樓下浄係得兩間有賣，咁呢間平時好似多人D，就去咗。

叫咗個下午茶雞脾餐，好快上咗杯熱奶茶，但難飲到不得了，hi口嘅，可以話係我人生中飲過最難飲，冇之一！！！

咁都算啦，我等了20分鐘（連我隔離嗰個遲過我去，叫咗碟要等好耐嘅海南雞飯都就食完），隻雞脾都未嚟，我催完都仲要等成5分鐘。好啦，終於俾我見到隻脾，黑黑哋色，有d似乳鴿味，但係竟然唔係熱的！！我真係好想知道點解我等咗25分鐘的嘢會係唔熱嘅，真係嬲咗!!要即刻開account寫佢

之後我發現點解成日咁多人係因為嗰度好似係內地團景點