朋友讚到間野天上有地下無甘,我心諗係咪真係甘好食.所以朝早一起身就BOOK左夜晚8點,同女朋友去試下係咪真係係甘好食.
因為BOOK左既關系,一去到等都唔洗等就入左去,個唯一著住唔同色西裝(我相信係經理)既Waiter好主動甘介紹個menu,話main course+$58就可以轉set,會多左個湯,頭盤同飲品,仲話今日有個special係紅酒燴羊膝,但係我女朋友唔食羊,我又一心係黎食朋友介紹既西冷牛扒,所以冇叫到.我地轉左2個set,叫左個salama黑醋雜菜沙律and凱撒沙律,椰菜花忌廉湯and什菜湯,main course係個黑松露鵝肝飯and5成既西冷.
個waiter拎左d包黎仲介紹d牛油點d咩黑醋點d咩,服務態度一級棒!!!個蒜蓉多士唔係講小,勁好味!!個芝麻餅條雖然好香但dry左DD,個餐包夾住個粒好似焗過既蒜頭,個味好夾,都唔知D COOK點解諗到既.個雜菜沙律酸酸地好開胃,凱撒沙律D菜好爽好新鮮.
之後到個湯忌廉湯creamy不突止仲有好香既椰菜花味,什菜湯好濃味不過d什菜少左d...
終於到個main course啦,首先登場既係個鵝肝飯,個鵝肝外脆內軟口感勁好,d飯煙煙軔軔有趙頭,加上有黑松露,令到個飯好香.到個西冷啦,真係要讚下個師傅,個成數控制得好好,好有牛味,仲好有咬口,唔似其他餐廳d牛甘一味得個淋字,西冷果條肥油,煎到好香,係個口咬到唔想吞落去XD
埋單$640,一定介紹朋友去食!!!下次仲會請埋個介紹人去食餐飯,真係知心好友,冇介紹錯!!