之前老公買過這間餐廳晚市外賣給我，食過都不錯，所以今次專程過來食下午茶，因為網上見過餐廳有日式裝修，來打卡一下都不錯 一行三人，兩大一小，我們有預約，但很多人，還是要等一陣 點了一個木盒下午茶二人份量$428，份量都幾多，兩大一小食都夠食 咸點只是放刺身同鵝肝醬在最中餅上，但賣相精美，還有兩個龍蝦湯， 而甜點全部味道都無層次，全部得個甜字可以形容，馬卡龍外殼口感不太脆，鬆餅好硬，泡芙好淋 我認為咸點太少，太多甜品，食到好滯🙁 可能因為我之前外賣都只是食小食和主菜，無食過甜品，我本身好期待，今次食完下午茶後，食完有點失望😔

我以前中學時住屯門，屯門市中心有分店，有少量位置可以坐低慢慢食，當年經常同老公以前拍拖時食，所有蛋糕同馬卡龍，每個口味都食過，之後搬走了就無再專登去其他分店買過，然後過幾年又搬回屯門時，屯門分店已經沒有了，所以都有幾年無食過paul latfayet 當日到元朗yoho取預訂貨品，我剛好有張信用卡送的優惠卷，可以免費換取一件蛋糕，所以順路去換領蛋糕，原來已經加價到$60一件，當年賣$45一件，不過以前已經覺得好好食，當日我換領了Earl Grey Cheesecake回家做下午茶

星期六當天才上網隨意選擇一個聖誕市集行逛，黃昏時間才出門口，和小朋友看完周邊燈飾，再行k11 musea聖誕市集，已經差不多8點了，由於我沒有預約任何餐廳，商場内的餐廳walk in要等很久，所以選擇了去B2 Food Playground 幸運地一到達就看到有空位，之前其實已經來過兩三次，我每次都會選擇不同餐廳，今次我選了海膽烏冬，本身還想要吉列玉子燒三文治，但是已經賣完 我比錢後已經立刻取走食飯，沒有放涼時間，但食物還是凍的，可能因為無熱過，醬汁太杰，雖然外表賣相吸引，味道ok，但海膽只有少少，價錢過百，不太值

8年前二人拍拖時去過一次，今年結婚5周年紀念，帶上小朋友一齊重遊舊地👨‍👩‍👧 平日晚上8點到達，只有數枱客人，臨近沙灘，環境安靜，氣氛很好🥂 侍應見到我有小朋友，立即將大人餐具換成小朋友餐具，有時會同小朋友傾計，全部侍應都對小朋友好友善☺️ Set Dinner由$298-$1088，好多選擇，我們大人點了一份Set A & Set B，另加了兩隻生蠔，然後再點一個卡邦尾意粉比小朋友食。 經Open Rice預約，滿$600再送香檳黑松露菌煮南非五頭活鮑魚，今餐總數大約$1000，有鮑魚，鵝肝，生蠔食，CP值都好高👍🏻

第一次食鮨千壽，我入座後去了洗手間，只點了松葉蟹蓋海膽飯，其他由老公發辦，去廁所都只是10分鐘左右，回來時，枱上已經有前菜 章紅魚薄切黑松露帶子，沙律上有醬汁，同刺身一齊食，酸酸甜甜，好開胃 日本直送象拔蚌刺身，旁邊的是魷魚海膽卷$128，海膽好鮮甜質感creamy 老公再叫了一個梅子蕎麥麵自己食，一個豚肉烏冬給小朋友，食物飲品連加一，總數大約$1500 在市中心內的連鎖日本菜餐廳比較，這間食物質素算高，但價錢都是偏高的，但可以食到當日新鮮來貨的刺身，整體來說都可以接受

一場來到黃金海岸，一晚食了兩間餐廳，晚餐食了西餐，因為老公想食豬手，而飯後來到了紅葉茶屋，因為我被日式裝修吸引了，還有我是個抹茶控，只要有抹茶的餐廳就會去試 我入去時看到其他客人枱上的主食食物，外表都很精緻，再加上餐廳是日式裝修風格，這間餐廳好適合打卡 我們三個人，點了兩個甜品，一個抹茶Tiramisù，一個自選特製芭菲 抹茶Tiramisù$58，質感細滑，抹茶味還好，有點回甘 自選特製芭菲$75，味道正正常常，贏在可以自選配搭食材，價錢合理，性價比高

當天是星期六，中午未有外出，但又不想留在家食晚飯，等老公放工一齊去食飯，住在屯門區，但又不想去屯門市中心，所以即慶入黃金海岸食飯，沒有預約任何餐廳，當晚都開始有涼意，想坐户外有氣氛的餐廳，所以選擇了這間。 我們沒有點太多食物，因為想去附近的餐廳食甜品，只點了兩個是日餐湯，豬手，意粉， 和兒童餐 酥脆豬手$170 豬手外皮脆卜卜，肉質嫩，有肉汁，但配菜有d少，只有椰菜沙律加薯角 兒童餐漢堡包$60 兒童餐可以不用叫，直接叫一個大人漢堡包會比較好，因為兒童餐的漢堡無醬汁，只有漢堡包入面一片漢堡扒，小朋友不會一個人食完一個漢堡包，大人要分擔一齊食，叫一個大人餐漢堡包，我認為會比較好食，起碼配餐都多都點，一定會好味過兒童餐， 松露嫩雞米粒意粉$135，我認為三道菜入面，意粉最好食，小朋友都比較喜歡食這個意粉 總括而言，不過不失，食完可以在附近散步一下看看海景，都不錯

星期四看完展覽，來到between食晚餐，無預約，無需等位，大約7:30入座，7:45已經要last order，因為他們好早關門，老公當天好肚餓，所以點了好多食物 🥚雞蛋三文治$58 無什麼特別，就是碎蛋加糖心蛋的三文治 🍤海老天婦羅$58 炸得剛剛好，外層鬆脆，配上芥末蛋黃醬好食 🍟炸薯條$38 薯條是小朋友想食，配唐辛子蛋黃醬，蛋黃醬好味 🍝煙三文魚意粉$128 醬汁太杰，好咸 🦐🍝大蝦意粉$128 這個反而醬汁太稀，好水，味道好淡，不太好食 🍰限定青提千層蛋糕$68 千層蛋糕已經是當晚全場最好食，皮鬆化，吉士醬重雲尼拿味 🍈限定蜜瓜芭菲 大約$100 蜜瓜雪糕味道好假，好像人工果汁味 Between 只適合食下午茶，點了7種食物，兩款主菜都不太好味，小食同千層蛋糕還可以，只適合影相打卡，食物味道普通

我已經5年無食過omakase，因為做咗全職媽媽，24小時帶住小朋友無機會食到，今年生日我想食日本菜，上網發現鮨竜除了omakase，還有兒童餐同其他定食，有好多元化選擇，所以訂位了 帶小朋友食飯通常都無可能坐bra枱，但我們8點才到，見人客比較少，bra枱有位，抱住嘗試心態問一下店員，竟然可以同小朋友一齊坐bra枱食omakase，所以8點後食飯有好多好處。 因為星期一至四晚上8點後，全單8折連加一，折後大約$2700，無計兒童餐，平均$1300一位，就可以食到高質新鮮刺身，性價比極高👍🏻 因為我最愛食海膽，所以我選擇了omakase雲，老公選擇omakase風，而小朋友食兒童餐。兒童餐對於一個4歲小朋友，份量都比較多，所以爸爸要幫忙分擔一下🤭 Omakase雲-每一道菜都會加入海膽，會比風食兩多款海膽，師傅說雲的海膽是最高級的 Omakase風-比雲少一道菜，壽司會多一件，菜式大致上相同，有些菜式會無海膽，轉成其他食材 食到mini bowl時，師傅會問客人想要多飯/少飯，食完壽司時，我開始有飽肚感，所以選擇了少飯，男人多數都未飽，這時侯可以選擇多飯 整體來講，食物質素同服務良好，還可以帶小朋友一齊食Omakase，是一個很好的生日晚餐🥰

半年多前，在銅鑼灣分店食過御前上茶，當時食了窩夫，芭菲，蕨餅，那時還未出菠蘿包和燉蛋，所以今次點了這兩款食物。抹茶雪糕菠蘿包$48(6/10)
雪糕的抹茶味道仍然是那麼濃郁，帶有回甘。抹茶菠蘿包外表非常脆，但脆皮部分只有一半麵包煙韌有咬口，但這個吃的時候就不方便，因為在前面咬，雪糕會從後面擠出，所以食得時候要一前一後。
其實雪糕和菠蘿包都是好吃的，但一齊食就不夾，還是分開食更好。抹茶焦糖燉蛋(4/10)
這個抹茶味特濃，比雪糕更濃。焦糖是硬，不是脆，而且食不出這個是燉蛋，因為完全沒有蛋味，這個吃的口感像抹茶mousse。