joyfulet 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-12-06
講真﹐碟麵真係唔難食﹐只能說未能習慣 $38一碟豉油皇炒麵﹐CCTVB午間新聞都過一半時間(即約十分鐘)都未到 附送青紅蘿蔔湯﹐無肉﹐但好甜﹐除了店舖內售賣的各種新奇食品/添加劑﹐又或者加糖﹐真係唔知點仲有乜煲得出呢種甜味 碟麵黎到﹐好熱﹐有鑊氣﹐ 不過麵質唔得 最唔習慣的是用草菇﹑蘿蔔絲炒﹐令碟野又係甜既 甜既豉油皇炒麵﹐我真係習慣唔到囉 $38﹐後面水上人粥店賣$11﹐好食好多 牆上好似好有氣質的有兩對對聯講佢地個名 另有一首詩﹐頭兩句係﹕ 一粥一飯,當思來處不易。半絲半縷,恆念物力維艱。 後兩句作得好差 又唔同人講頭兩句係引自《朱子治家格言》 價錢已經夠抽水﹐連作詩都勁抽水。。。
評分: 味道 3 環境 3 服務 3 衛生 3 抵食 2
2013-11-15
呢間野由早到晚冷冷清清﹐標榜24小時營業﹐居然都屹立左一段日子﹐就去試一次 (聯和墟一半食肆連晚市都費事做﹐少數更每週休一日﹐免得連人工都蝕埋) 茗茶$2 香片唔香 叉燒腸粉$17 (唔係即拉﹐而係整定由明檔攞過黎) D叉燒粒其實都OK﹐夠嚼口﹐不過細粒得太孤寒喇 金錢肚 中點 $16 個樣OK㗎﹐都多金錢肚 不過勁有嚼口﹐咬好多啖之後吞都仲哽住喉嚨 墊底的仲頂癮﹐居然係炸薯條﹐足證佢哋無常識﹐搵炸野墊住D油﹐難以下咽 總體覺得可一不可再 唯一例外係夜麻麻﹐聯和墟冇飯開﹐又好想食點心的話﹐才會就範
評分: 味道 2 環境 2 服務 2 衛生 1 抵食 3
2012-09-12
話說同一日在宜家家居餐廳及咖啡室因式食物及服務食到一肚氣兼食唔飽(因為6:15PM都居然冇雞翼食)﹐行完IKEA就再戰熱狗當補番數 條腸仔雖然爽﹐但味道普通﹐容易被茄汁蓋過味道 芥辣稀兼唔辣 但反而個包﹐需然唔夠熱﹐皮唔脆﹐亦唔香﹐但有內涵﹕夠軟熟 $6咋﹐係咁上下啦
評分: 味道 3 環境 3 服務 3 衛生 3 抵食 4
2012-09-07
還記得它在投注站對面﹐或是在海聯廣場旁邊的日子﹐我都經常幫親﹐ 就係搬左去依家個位咁耐﹐我到依家先食第一次 酸辣湯白菜鮮肉餃麵 湯比較拮﹐濃到有D似福建滷麵﹐ 若果話係上海式酸辣湯﹐則欠缺質感(例如木耳)及刺激感(一般上海式酸辣湯用黑胡椒或辣油) 個餃D白菜就正常啦﹐冇乜驚喜 但肉呢就唔夠鮮囉 太耐無食過﹐就咁叫麵﹐都唔記得係粗圓條形白麵﹐其實有好幾款麵條可選擇﹐酸辣湯配扁身或幼身麵應該會入味D
評分: 味道 2 環境 2 服務 2 衛生 2 抵食 2
2012-08-31
夜晚差唔多10點先至係九龍塘聽完講座﹐一行7人當中有人提議到深水埗食咖央﹐做柴可夫既我10點三係劉森記附近放低佢哋﹐10點半先至搵到位﹐打俾佢哋話搵唔到﹐都係去劉森記罷了 正﹐我深水埗首選劉森記~﹗ 晚上10點半﹐仍然人山人海﹐7個人要分兩張檯坐 總評﹕ 蝦籽同薑蔥一乾一濕唔係好夾 余君益辣醬﹐正~﹗ 鵝腸太瘦(唔夠蘭香麵家雞腸有特色) 辣椒豉油唔錯(不過唔夠蘭香麵家藥材味豉油有特色) 黑柏葉正 好彩我食得快﹐剛食完一抬頭﹐有阿Sir巡邏﹐即刻攞車﹗ 張單幾$$$﹖留番俾淨低幾位囉﹗ 推介美食: 蝦子撈麵,黑柏葉
評分: 味道 3 環境 2 服務 3 衛生 2 抵食 3
|