今日呢度係我嘅第一餐， 除咗佢，我前後都無食過任何食物… 食完大概半個鐘後就開始肚痛！？ 食味好淡無乜味，每樣都無特別！ 個飯好明顯落得多水得滯去煮， 上面舖嘅‘’明太子'‘真係唔講唔知～ 仲以為真係會有一舊明太子添😂 QR code、menu、staff全部都唔friendly 想搵人係無人，窗口位好熱唔夠冷氣！ 環境無其他食評嘅相咁好， 真實係個環境好麻麻，得個海！ 你坐咗出面就完全無特別 staff木無表情我欠你咁真心唔好做啦～

同同事3個人食lunch，只得1、2枱客，坐低時都無乜特別，3人都叫左吉列牛定食～ 男侍應放低左2個爐，我地都以為佢比少個，去日本食都每人一個爐啦！原來係慳皮3個人用2個，ok咪一齊用囉，不過個男既唔駛黑晒面咁應機化！？ 好啦～都定食黎到，哇，d牛肉色澤一睇就唔多新鮮，吉列皮淋既，我真心驚唔乾淨，所以每舊牛都燒到熟晒先敢食.... 至於其他，番茄有2粒，豆腐一塊，全部配菜小得可憐，連碟豉油都能清晰見到碟底！ 飯仲居然放左d味之素上去，得啖笑 呢間專門店服務差差差到爆，咁難食既吉列牛都有人話好食，我都係睇op既人講到有幾好食先試，點知伏到一個點，話好食既人係咪餓左成年？

睇住佢開因爲日日搭車都會經過， 今日試左，叫左塩酥雞排肉燥飯加台灣腸！ 雞扒應該有醃過，但食起黎唔似塩酥雞味，又乾！肉燥太少了吧～雞已經好乾，肉燥又少根本撈唔到飯食...糖心蛋都幾滑，台灣腸味啖！ 整體感覺覺得所有食材都唔岩味咁，而且真係好乾... 果3樣調味粉落左都無助食材變美味，反而令到食味更難食，一d都唔match。 飲品揀左凍蜂蜜紅茶，一貫香港餐廳飲品=無味！ 令外餐廳方面，樓底高無壓迫感，但冷氣亦唔足夠，食到流汗 幸好價錢唔貴，不過位置咩都唔近，唔會特登再去！ 睇食評話好好味....我諗冇咩要求既可以一試嘅～伏

第一次幫襯只係買左盒泡菜紫菜包飯， 要成$46一盒！？哇～以為收得咁貴質素唔會差得去邊！點知....d飯淋到呢～煲耐d可以變粥啦！我估佢落多左水成煲淋成咁唔想浪費就照用～ 裡面既泡菜係無味的，而紫菜都係淋的...我究竟食左d乜野？ 離開時見到店員好得閒咁響路邊食煙...乜你地唔係新開架咩？行到佢地廁所位置（其實我離開好遠的），聞到一陣臭味... 唉～一個咁簡單o既食物都整到神級咁難食，我唔會比自己中第二次伏！

幫襯左好幾次，第一次食韓燒覺得不錯
之後又食午餐都好好味！
但點解可以響個幾月內質素下降得咁快？仲要超唔穩定...
淨係講今次，我食午餐叫左個鐵板泡菜炒豬肉飯！佢可以同我上次食既完全唔同味！？

係接近難食！？

泡菜味又酸又怪，都無講佢得果3、4塊薄薄既肉片...

最好笑係如果你叫午市menu以外（有餐牌）既食物，佢會建議你揀番午市menu裡既餐，店員聲稱一樣仲有$6可加既飲品，但黎到後居然係完全5同既野！？

店員態度普通5算nice，依加連墊枱張紙都縮小到A5size，係咪要控制成本搞到出品參差？

呢篇係比美孚新開嘅龍津（因未有得寫食評）
買左一個格仔餅同十粒燒賣！
果個帶口音嘅後生仔，徒手拎起個餅搽醬都算！仲要無尾音粗聲粗氣問我攞$！
哇～好似我得罪佢咁！我第一次幫親咋喎！？
跟手我要多十粒燒賣佢又粗聲粗氣問我要5要辣，此時我真係5方5比佢辣著...
講番個格仔餅，一攞上手勁輕，咬左一啖，燶的！？我真係5想再食落去！
至於燒賣，除左少少辣，豉油麻油都5多滴！
佢收我13$，我開頭以為只係格仔餅嘅價錢，後來原來係total數，心諗：咁平！？
個格仔餅當炮灰算～
我未幫親過龍津，但聽講有啲名咁所以試下！中晒伏！BL得！

同朋友星期六去食飯，叫左個焗豬扒飯同凍柯華田，個飯啲飯一粒粒，size好似正常米嘅一半似米碎，仲好似煮未熟咁，成個飯好難食！
凍華田一般茶餐廳貨色
朋友食印尼炒飯，無問佢no comment
不過啲侍應服務真係差到惡劣，經理勁黑面，有2個女侍應（尤其帶眼鏡馬尾果個，另一個短髮+肥）真係惡劣到5知點解會請呢啲人？
依加轉左menu cut左好多野食，但水準差到咁！？美孚真係無好野食～

因為樓上要排隊所以先揀呢度，點知入左黎就勁後悔⋯
下午4點諗住食小小野，睇完成份menu都無樣野係''小小''嘅，選擇就真係得''小小''！
終於叫左pancake加杯cookies and cream飲品～個pancake唔鬆軟又散，3大塊乾爭爭落左糖漿都好難食，同碟嘅煙肉就好脆好食！
重點都唔係食物同價錢問題，令我一坐低就好後悔嘅原因係呢度仲嘈過街市，唔太大嘅環境各食客竟然可令到間cafe嘈到咁⋯環顧四週嘅食客各自高談濶論，有啲肉緊到面容扭曲，同枱小朋友雙手大力敲枱家長完全無理會⋯
咁嘅環境呢間cafe已比唔到人可以放鬆心情嘆下茶嘅感覺！
最後埋單，waitress只係放低左本薄就走左去無再番黎了～

1. 侍應溝通不良，侍應A叫我地坐某個位置，轉頭又比B安排第二個位，仲要比我地聽到佢點教A安排位比客人！？呢啲你地無train過架咩？

2. menu又巢又爛，茶餐廳都識過膠吧！

3. 我見侍應們好似'候'住客人幾時食完咁，一旦發現即刻上前收拾，極打擾仲未食完嘅其他客人！

4. 朋友叫左個english breakfast，蛋唔滑三文魚好咸，包揀左牛角包係燶嘅！！佢食完話唔值呢個價，頂多值60幾蚊⋯

5. 我叫果個係煙肉豬柳蝦意粉，份量比我想像中小得可憐，個汁話係辣但我食唔出，不過味道唔錯，豬柳超硬無味道～蝦都係無味道！

埋單二百幾蚊一啲都唔值，唔知仲以為佢地試業！依加好多食店同侍應都hea住黎做，試問仲點會再試？

男朋友生日，請佢食飯！
㨂呢度係因為見朋友響fb post既食物相好吸引，所以早幾日book左尋日6：30枱，早左半個鐘到店裡一個客都未有，經理都好友善招呼我地坐！
㨂左放題$288，限時100分鐘，有69種食物選擇～足夠有餘了！
我地叫左好多牛，最好食我覺得係厚切牛舌！勁多汁！！另外虎蝦好大隻都好好味，羊架唔知係我地燒得耐有點乾，其他牛都好好味～
醬料方面除左燒烤汁外，仲有調左味既蒜茸、豆瓣醬！最特別係有鹽～呵呵，岩晒我！
用少許鹽同大量蒜茸加落牛舌上食真係無得頂！超正⋯⋯罌裡面既蒜茸差d比我地點晒！
我地order左好幾轉，last order後仲繼續食緊，居然食左2粒鐘，staff們一點黑面都無超讚！
一定有下次，希望下次水準仍咁好！