action_motor 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-12-14
知道安定商場新装修,全新形像,改頭換面,於是建議去果度搵食!見到Killiney 燈火通明,特高樓底,仲以為係食西餐pasta, 原來係食星加坡嘢。 我們點了咖哩雞鎚飯,喇沙,美綠,西檸梳打。先講個咖哩雞唔夠入味,雞肉(鞋) 喇沙不過不失,湯底夠椰夠濃,辣辣地好開胃!豆腐卜好入味 另外,難以想像間舖頭點生存! 以呢個價錢喺呢個地段,晚市出現曬櫈景象!建議佢推出套餐增加生意吧!
評分: 味道 3 環境 5 服務 4 衛生 4 抵食 3
2013-12-12
放工唔知食咩好, 同男友行入山林道探探, 就係俾佢舖頭個banner 吸引左入去, 估唔到有露天雅坐, 可以輕鬆悠閒地嘆串燒! 好鍾意個煙肉卷燒蠔, 煙肉絕不是平時食的煙肉乾, 蠔亦好新鮮! 燒魷魚筒飯香噴噴的, 醬汁香濃, 魷魚弹牙! 麻辣雞翼都非常惹味 ,外脆肉嫩! 麻辣醬恰到好處, 不會太辣, 麻麻地開胃刺激! 另外, 好欣賞燒茄子個賣相, 以紅椒絲作點綴! 好味又靚靚! 燒粟米略嫌輕量左啲, 香甜爆汁!但唔多夠食
評分: 味道 4 環境 5 服務 5 衛生 4 抵食 3
2013-11-24
店內冷氣肯定低於二十度, 凍到我二話不說, 先點了Hot chocolate, 賣相令人振奮! 可是杯朱古力唔熱, 厲害厲害! 仲要甜到jam喉, 激氣! 先來個餐湯, 香噴噴! 熱烘烘! 入口濃濃蒜香, 好味道! Mini burger 太少醬 ,太乾身! 肉質結實, 肉汁欠奉! Scallop Carbonara 亦同樣乾身, 帶子先唔講鮮味, 口感似好實淨嘅魚旦 下次還是選擇去Outback吧!好食啲仲平啲呢!
評分: 味道 3 環境 4 服務 4 衛生 4 抵食 3
2013-11-24
金順蘭州拉麵係一間家庭式經營小店, 店內只有4張枱, 地方亦比較窄, 但值得推介! 拉麵係即叫即拉, 入口煙韌彈牙! 麵質幼滑! 湯底清香, 絕非味精嘢, 確係清淡之選! 煎餃子, 皮夠薄! 表面煎至金黃色,咬落脆卜卜! 肉汁鮮甜,正! 再來, 必食嘅腐竹白果薏米豆腐花, 簡直係鎭店之寶, 豆腐花香滑, 配合腐竹薏米糖水, 出奇地夾, 清喉潤肺, 仲有冷熱選擇呢! 埋單兩位只係$140-, 物超所值!
評分: 味道 4 環境 3 服務 4 衛生 3 抵食 3
2013-11-24
一直覺得Kcal 係一間有Heart 有質素嘅隱世餐廳, 我每隔幾個月就光顧一次, 可是漸漸覺得佢每況愈下。 餐湯稀溜溜的, 除了鹹, 就飲唔出其他味道 西冷扒叫了medium 五成熟, 出奇地沒有overdone, 肉質鮮嫩! 另外, 點了menu上廚師推介嘅意式黑毛豬肉丸意粉, 之前我都有食過呢個意粉, 唔知係咪減低成本定係肉丸造法唔同左, 難食非常!肉質霉霉地, 很腍身!一試難忘, 仲話係chef recommend , 抵鬧! 其他食物如homemade bread , 沙律, cheesecake, 質素平平, 不值一提! 相信短時間内不會再幫襯!
評分: 味道 2 環境 3 服務 4 衛生 4 抵食 3
|