小男孩美孚店(荔枝角)

公司五樓的前「員工飯堂」部份，經修改土地用途為食肆，租予Baby Blue後,
日前終於開張了。食客可乘電梯直達，無需經過其他辦公樓層。

格調跟之前美孚廣場店差不多，都是以深沉的黑色為主，配以棗紅色梳化／餐椅。
但正門口實在太暗，要加設臨時光管照明。
店內空間闊，大門旁放置幾張舒適的紫色大梳化，可能是作包場party 時用。

食物跟價錢都保持一貫水準... 中上的水平：
蜆肉周打湯：非常濃、香，但個人認為重點係個餐包＋香草味的牛油，別處很少有！　
Set lunch 'C': 鮮蝦煙肉扁意粉，香草汁：唔講Quantity… Quality幾好，不過食到碟底有一層油；
田園沙律 Garden Salad (同事的)：很新鮮，用料很健康；
即磨咖啡：應該也是鎮店之寶...
可惜，綜合同事意見：keep 唔到溫度，太凍了，差了點；

服務: 侍應們都配備對講機，可以快速反應，好像很有效率，
但縱使客人不多，他們都「來如風去如影」，
跟這裡悠閒，高尚的情調有點格格不入。

和之前一樣，有「九送一」優惠（chop印仔），
可以跟同事夾埋儲，快些有餐送！

蛇王倫(元朗)

天寒地凍的日子，就會想做懶蛇... 同埋想... 食蛇。

當市區各「蛇王X」的蛇羹（細）都賣超過三十元時，這裡還賣廿八元，算是便宜。

蛇羹算足料，很熱很暖肚，
蛇肉夠多...雖然粉獻也多，
個人喜歡加足香草和脆脆，
不過這裡好像不及refill，差點被我用罊了！

次次食蛇都食到流晒鼻水標晒汗，
足見體肉寒氣一下子就被驅散了!!

吉野家(荔枝角)

辦公室地下的樓面，原是公司醫療中心，
去年服務外判後曾做過地產公司，金融海嘯令它結業。
鋪位丟空數月，現在成為吉野家（需經城規會批准更改用途為食肆）。

本來這裡位置幾好，可惜店子只佔地下樓面約三分一，
加上廚房用去不少空間，令樓面更細小，座位間比較迫夾。

已不是第一次光顧吉野家，對它的食品質素幾有信心，
勝在又快又熱又好味!!
不知怎樣才能快而準，把食物弄至統一的標準呢？
這樣連「老麥」都做不到了...

說回今次，跟同事共三人下樓Lunch，
(慶幸竟然有位，不用等）
小弟點了「蟹籽三文魚飯」，加一塊鯖魚（好像是）。
蟹籽三文魚飯真係好味 ，而且只能堂食，想帶走也不行，
聽聞因為怕蟹籽變壞…
把它們混和後的口感真的一流，
三文魚的腥味被中央的點點芥辣搶去了，蟹籽好脆，
加上大粒的日本「肥仔飯」，自己真係整唔到。

服務幾周到：同事不小心，把熱檸水打翻了，倒到一地都係 ，
清潔阿姐立即前來拖地之餘，樓面小姐更提供清水及紙巾給同事抹褲，
之後再補上一杯熱檸水，絕無黑面或埋怨。

下次如果有時間，買個早餐上office食都幾好!
hehe, 總有機會的!

意粉屋(東涌)

(30/9/09)

多謝 OpenRice 早前寄上 $150 現金券!!
時光飛逝，轉眼間已半年...
突然發覺現金券快到期，
日前用了$50，餘下$100必須在今天使用了...

就放工後，去機場分店 再吃個 Early-dinner (輕鬆時段)吧！
那裡應該會少人點，又有多D嘢睇...
抵達後才知…
哎呀！原來已約滿結業，店舖圍上木板，內部正裝修。
噢，唯有乘車到東涌分店吃！

有 OpenRicer 覺得侍應問客人要凍水或暖水，是很「細心」的表現，
但看穿了... 原來只是「標準作業流程」之一 ，
你回答了後，另一侍應會於幾秒後便送上，
因為他們都配備對講機，可作快速反應。

這裡沒有所謂「輕鬆時段」餐牌，
但一看「特別餐牌」的價錢及菜式，其實和「輕鬆時段」大同小異，
且有更多前菜和甜品的配搭。

今次叫的主菜是「挪威煙三文魚帶子炒飯」配沙律：
香草烤雞沙律：新鮮、開胃、醒神！
烤肉丸 (加$20有六粒)：極力推薦！
半熟的肉丸，入口鬆軟，更有”拉芝士絲”的感覺，
跟香濃的蕃茄醬很配合，
吃過之後，定會覺得IKEA的「乾硬化」肉丸不再入流！
三文魚帶子炒飯...
用意大利Risotto的肥仔米，入口有嚼勁，
可惜海鮮份量不夠。
這店的咖啡都是即磨的，香濃幼滑哦！

由於不屬「輕鬆時段」優惠，用VIP card結賬有85折，
打折後不用$100，剛好可以用兩張coupon，
還多了三數元作小費，一毫子現金也不用付！
再次多謝OpenRice！！

意粉屋(葵涌)

多謝 OpenRice 早前寄上 $150 現金券!! (忘了因何事得到)
可是時光飛逝，轉眼間已半年...
突然發覺現金券快到期了 ，
必須在月尾前使用...

就放工後，找間近公司的吃個Tea吧！
雖然坐三個站巴士，抵達時已過了下午茶時段，
但有「輕鬆時段」的early-dinner hour (6-7pm)，也好呀！

有 OpenRicer 說侍應問食客要凍水或暖水，是很「細心」的表現，
但原來這只是店方的「標準作業流程」之一 ，
你回答了後，他們會在幾秒後便送上，
因為他們都配備對講機，可作快速反應。

叫了個主菜「香草忌廉海鮮闊條麵」：
蕃茄蝴蝶粉湯：濃郁、用料充足；
香草忌廉海鮮闊條麵：令人回味！
尤其是忌廉... 有點芝士味的creamy的汁，
配合闊條麵... 食到成口汁，I’m lovin’ it!!　
海鮮就無特別，雖然蝦是爽，但說穿了也是急凍的。
咖啡是即磨的，濃香幼滑哦！

結賬了... 已加一的 Bill total is $85.5 (有好笑事)：
我俾了一張 $50 coupon，個女侍應見我俾 coupon....
叫我補番 $25.5… 當時已經覺得俾少左，
但不排除她說錯銀碼，因我冇看清楚張單。
我走啦, 行過cashier，再看看張單（是$85.5沒錯），
問個女仔有冇計錯數, 她仍然唔覺！
我再問佢有冇收少$10 呀.... 她才知！

如果她再三說冇錯，我就會跟她說：
「你肯定冇計錯數既話, 我走架啦...
你唔好走出來追我呀!! 」

這裡位置較高，位於5/F，不太易找。
食物質素是 value for money…
尤其在這傍晚時段，最抵食！

麥當勞(美孚)

如果唔係早一晚冇整定早餐,
加上有 coupon, 真係唔會來.

雖然萬聖節快到,
但... D職員唔好晨早就俾個"遊魂野鬼"咁既面口食客睇啦!!

個個都非常機械化 + 木無表情,
最氣憤的是: 柯打個豬柳蛋漢堡餐,

明明見個包製成了, 被放在那枱上待領,
但個個 "遊魂野鬼" 就只係走來走去...
去拿薯餅, 及沖熱飲!!

須知早上的食客個個都趕返工!!

... 等了幾分鐘, 見那枱上已經堆積了五, 六個包,
付錢後, 等食物的人龍也越來越長...
我再也忍不住, 問經理為何不拿取包類物品給客,
但他好像聽不到, 仍然木無表情或回應,
過多一會, 才一次過把包分給各counter 的食客!!

說回食物.... 都係麥記 standard 啦:
豬柳蛋漢堡熱度唔多夠,
薯餅就剛炸起, 好熱好脆,
咖啡就一貫香濃, 醒晨!! ...但份量好似少了?!

咁既服務質素及態度,
令人不必要地久等... 幾"即時製" 都冇用啦!!
都唔即時拿來俾客既!!

加拿大餐廳(西環)

多謝 OpenRice!
請小弟和朋友睇"復仇"!!

可是當晚Palace IFC只做九點九場，
放工後「吊吊Fing」...去西環食晚餐啦，
之後時間仲好鬆動。

門外橫誇兩個鋪位的大型霓紅燈招牌不見了 ，
好像有點失色…

這是 特別介紹套餐B，
雖然菜式名字幾長，
但好寫實，一望就知好豐富，計有：
周打魚忌廉湯：Rich and Creamy，雖然garlic bread薄了點，也不太脆；
鮮墨魚 野菜鮮果(香芒)沙律：有點「九唔搭八」，但用料新鮮，
入口開胃... 即係芒果幾酸；
鮮菌燴鮑魚海鮮伴天使麵：幾大堆頭，
也不致於（如Fat Angelos/ Outback般）一看就知食唔晒，
雖然「海鮮」好明顯係雪藏野，在用心烹調下，也很美味；
意大利芝士餅：Home-made，唔得，冇芝士味；
咖啡... 一般啦，用來醒醒神後看戲也適合。

深啡色的牆上掛滿「懷舊」物件，
但未能帶來典雅之感，反覺雜亂無章。

以抵食來講，就….滿分！
服務也OK，態度「街坊」之餘，不失有禮。

星巴克咖啡(薄扶林)

想起去 Starbucks....
小弟只會光顧這間...
(好似廣告 slogan )
假假地都係 HKU Graduate, 這裡有七折... 抵!!

一件 Sausage Roll; 加
一杯 Caramel Latte (short) 才 $24.

跟往日下班後趕上課的日子不同;
今日我下班後返來訂 Hp Notebook,
接著悠閒地 "食個 Tea",

呷著咖啡, 看看雜誌,
又看著別人匆匆在這裡買杯飲品,
買點吃的就趕著上課....
另有一番風味!!

麵軒(馬鞍山)

是日請了假，下午去石門工業區內某Testing Lab參觀...
中午就入馬鞍山醫肚先。

從巴士站一上來，就見到這小店…
快將Lunch time仍然未滿座，就試試啦！

叫了圖中的湯麵...
雖然對粟米雞絲印象模糊，
湯麵很好，有嚼勁，不太淋；
個牛奶湯非常好，有香濃牛奶味之餘，
　又清新，味道恰到好處，
　最後飲了大半碗才停口！

咖啡是即磨（機沖）的，一飲就知，
不過都OK，精神一振！

店內光線適中，座位也算舒適，
不過Lunch time，店員不斷於狹窄通道中穿插，
悠閒感覺消失...

侍應方面，沒有落錯單，上菜都快，
態度？　可能是Lunch time peak hour，個個快快手手，
冇問題喎... 唔知點解，其他食客劣評如潮既?

糖百府(佐敦)

踏入九月，仍然「夏日炎炎」...好熱。
今次去旺角店再食雪花冰。

點的是：咖啡雪花冰，加
「樹皮」朱古力碎 + 榛子糖漿（自己落）+ 木瓜粒

雪花冰真的份量十足，比別店高... 足有5-6吋！
開始時容易造成「雪崩」，要很小心的吃哦！
咖啡味很「搶」，令朱古力可有可無；
榛子糖漿得個「甜」字，不覺有榛子味 ；
鮮果（木瓜）被壓在底，必須最後才吃...
這要扣分！鋪排差勁，堆砌高度，令人有錯覺。

不過，冰真的很幼滑，入口即溶，回味無窮，
間中食一次唔錯，抵佢賺既～！

各店統一裝修都係橙色配黑色方桌/椅,
感覺深沉，欠活力...
建議改用淺色桌椅，會光猛好多！

後記：糖百府新店預告～
深水埗福榮街 （跟「傷心酸辣粉」隔幾個鋪位）

寶太郎(赤鱲角)

支持到 T2 消費!

放假如果有空，小弟都可能入機場或東涌消遣。
特別是機場T2，貪人少少, 好舒服, 又可以睇飛機。

之前吃過不少 Burger King，今次試試其他食肆。
這間「寶太郎」就在 BK 對面。

叫了個「豬軟骨拉麵」餐，跟咖啡：員工價 $36 (記得是)。
拉麵軟硬適中，有點嚼勁，得呀！
豬軟骨都OK，幾淋；
湯底都合格啦，好像不夠香，不夠芝麻啫…
餃子「瘦」了一點，沒香味，冇特別，吃了也沒印象…
咖啡是即磨機出品，都幾香，合格。

下午約1330-1345，每日一班的星航巨無霸A380就會抵達香港，
今天隔著玻璃見到呀！

不過，這塊大玻璃也有壞處，就是令冷氣不夠，
冷氣出風口只在兩邊食肆的上方，
難以令坐在中間的食客感到涼快。

Remark: 其實, 都係無需車錢才值得入來,
如果唔係, 一出一入也要近三小時呀!

Wow! Burger(筲箕灣)

星期日游完水，想去東大街 王林記，食碗魚旦粉既...
不過行過這裡... 新開左間Burger店喎，
牛肉好似好厚，就試試啦。

呢間小店，牛肉漢堡既質素係幾好，
手打牛肉，又厚又鮮，
跟The Big Bite, Triple O 有得揮，
不過... 服務就有好大的改善空間。

店子細細，一眼睇晒，
得廿個位唔夠，但有五個伙計，其中兩個負責廚房，
入去時有十多個堂食客，但全部伙計都冇野做，
叫左個　“芝士牛肉漢堡” 跟 “冰極薄荷” 凍飲，
餐$26，但唔包薯條。

即叫即製... 本來幾好，不過呢...
店仔細細，人手多多，都不設送餐（只係行兩步，遞個餐盤給你），
要客人離坐去櫃台取。
雖然係美式快餐店的style，但今時今日...
咁既服務態度，係唔係有點問題呢？
(如果全部伙計都好忙，我唔怪你)

那麼多人手冇野做，
好似冇做速遞至附近樓宇，淨係識收拾。

真係擔心呢間小店會因人工成本過高而結業。

糖水佬甜品(深水埗)

首次試這間糖水店。

不像松記的多樣化，
這裡只有較傳統的配搭，沒有冰類食品。

叫了個雜果西米露。
雜果好多好大塊，有西瓜、蜜瓜、哈密瓜、菠蘿、芒果，
菠蘿和芒果較酸 ... 正面D講係 "好開胃"。
西米爽，有點嚼勁。

夏日炎炎，食客不斷，
吃完剛好有四人進來，
要讓位給他們，想坐久些，看看電視也不好意思。

不用$20，算係幾抵... 有機會再來!

Todai(尖沙咀)

早前在OpenRice 見 Todai 登廣告，說會暫時結業... 之前做九折的消息，
就約朋友在月底前光顧… 上週訂了位，兩個佬去食。

雖然人氣旺，但星期一晚未有全滿，訂位客加上walk-in客入座後，
粗略估計，約九成滿。
個場算幾大，不過三尖八角，
有些位更加在扶手電梯底或通道旁，一眼睇唔晒。

話明係日式自助餐，當然係掃壽司/魚生先！
日式食物枱在場的中央，擺放壽司、魚生、生蠔、長腳蟹及沙律吧。
第一、二碟主力吃這些…

[長腳蟹] 殼雖然軟，但跟肉較難分離，肉質新鮮，但比較鹹。
（圖中黃色那工具…其實不知怎用，用牙籤還方便！）
[壽司] 燒牛肉壽司幾特別，其他壽司和魚生都有水準；
雖然知海膽壽司貴，只吃了一件，因為接受不了那種味。
[魚生] 最受歡迎的三文魚及吞拿魚被人不斷提取，但refill充足；
味道好，不太肥膩，但說不出outstanding；
[生蠔] 細細隻，幾鮮味... 吃兩隻夠了，不太識欣賞，也怕腥及肚痛。
順帶一提：雜錦魚生飯我很喜歡！

其他：
熱食唔多... 我也沒多大興趣。
[青豆蟹肉忌廉湯] 香濃美味！
[沙律] 差不多有齊各種配料、topping及sauce，我吃了兩次；
款式當然不及五星級酒店的多，又冇人幫你「撈」，總體係「得」。
[甜品] 不錯！貼心的切成細細件（Japanese style?）...食客可以試多幾款；
[雪芭] 一球一杯，多款 topping 任加。
如果不是吃到最後沒quota… 100% full，還會試足各味！

服務OK，收碟和加水頻密。
加分：朋友跌了筷子在地，正自行往櫃台找尋，
當時侍應收碟之餘，更貼心的遞上新的一對...
朋友找不到回來，見桌上己有新的，覺得幾amazing!

再會了, Todai! !! Hope can EAT you later!!!

後記:
其實... 所謂的九折，只是「免收加一」而已。
(Round-up後, 價錢如下：

大快活(葵芳)

放工後來到葵芳，食個Tea...

這個餐很抵，有件「成呎長」豬扒的包 + 咖啡，才$19。
豬扒煎得好香，又不燶或硬；
即磨咖啡香…但不太濃，正合我意。

自從離開了舊公司＠灣仔胡忠之後，
很久也沒有光顧大快活了。

這個商場，近年來變化很大，
明顯想「高檔」一點，把低消費的餐廳或品牌都趕走，
或迫去較角落的位置... 但應該也不忘加租。
只有大集團旗下的品牌，才能在此生存。