🤎 每次講起任食打邊爐就會諗起牛大人! 已經同friends食過幾次，今次同媽咪去食！ 🤎 牛大人分咗三個Grade: 分別係 “精選嫩牛”，”美國特級安格斯”，”澳洲極上和牛”。唔同時段去價錢會有唔同，同埋小童會平啲。以正價價錢嚟講就分別係 $248, $288, $328。全部都係食120分鐘！ 🤎 今次同媽咪嚟食就食好啲☺️ 食$328既”澳洲極上和牛”套餐！每人仲會贈送兩粒澳洲M9和牛牛丸兩粒🤤 又真係好好食😂 🤎 湯底有10款可以揀。因為媽咪唔食辣所以就揀咗台灣鳳梨雞鍋☺️ 除咗雞肉之外，湯底仲用咗鳳梨同埋苦瓜熬製，不過其實飲落鳳梨味唔算太重🤔 但係都幾清甜😊 🤎 醬料，配菜，丸都係自己出去攞~ 推薦大家食芋頭貢丸！以前喺某超市買過都好貴😂 但係都真係好好食！另外都有好多唔同流心丸😍 🤎 之後肉類，小食，同埋啲飲品就喺網站嗰度落單！選擇都有好多，有啲熟食都可以嗌，例如魚香皮蛋豆腐。我自己仲嗌咗即炸午餐肉😂 因為太耐冇食😎 送菜速度非常之快😆 而且完全冇漏單，值得一讚👍🏼 🤎 嗌得最貴嗰個餐梗係要食靚肉🤓 食咗幾款肉我覺得最好食都係澳洲和牛M5牛肩卷！超重牛味，同埋咬落去油脂肉類分佈平均，牛味同油香一次過滿足到😚 我都嗌咗幾盒食😂😂 🤎 沙白都好新鮮。亦推薦大家叫台灣鯛魚片，冇骨，又滑！但係記得錄嘅時候要用個殼裝住，如果唔係會淥到散晒🤣 🤎 蔬菜方面推薦皇帝菜，另外仲可以喺網站度叫水蓮！好少食嘅菜，不過好爽好好食☺️ 🤎 飲品就可以去飲品櫃攞，網站都會有特別飲品可以嗌👍🏼 我哋攞咗支白桃烏龍同洛神花茶，之後仲飲咗支可樂🤣 🤎 最後會有甜品紙，每人可以叫一個甜品。雪糕有Movenpick同Haagen Dazs 揀。另外仲可以揀仙草凍。我哋嗌咗一個雪糕一個仙草凍~ 仙草凍都好豐富好大，啲珍珠幾彈牙幾好食😆 🤎總括嚟講，我覺得牛大人真係效率好快，抵食又好食😆 推薦推薦😍👍🏼👍🏼

💙 生記飯店始創於 1976 年，主打傳統粵菜，至今已經營業咗48年了。其中仲有13年獲得米芝蓮推薦。近排喬遷左到灣仔駱克道新店，決定和朋友黎一試究竟😋 💙 新店都保留咗傳統嘅感覺，一入到門口就見到大大光猛嘅招牌，後面就係一整牌嘅米芝蓮推薦展示。地方光猛，如果有私人聚會亦都可以以間起私人空間。 💙 平日時間都好多人等位食飯，建議如果想你食嘅人首先訂定定位，便可勉強等待之苦😊 💙 難得嚟到呢度一定要食一啲平時比較食要食嘅菜。 所以第一度已經決定咗嗌上湯枸杞浸厚切猪膶 $188 呢個係生記招牌菜之一。嚟到都俾佢啲豬潤嚇親，因為好耐冇見過咁肥厚嘅豬潤啦！平時見開嗰啲都係好薄同埋乾柴咁。真係好似好耐冇見過豬膶大過塊雞胸肉🤣 咬落去口感仲不得了！竟然係彈牙然後中間有啲半熟嘅感覺！第一次食豬潤係呢種感覺😳 原來食材選用左本地農場供應的新鮮黃沙豬膶。烹調時先煮至八成半熟，然後餘下上枱前再用枸杞熱湯灼至僅熟。唔怪得豬膶口感咁鮮嫩！另外菜色仲配上辣豉油。鍾意食豬潤嘅朋友必點！👍🏼 💙 招牌生拆泥鯭肉丸粥 (四人份) $188 用傳統瓦煲上，熱度保持得很好😊 泥鯭去皮拆骨，唔擔心會食到魚骨。除咗泥鯭仲有肉丸。泥鯭粥口感綿密細膩，同泥鯭的海魚鹹鮮味完美結合😙 更開心嘅係竟然配埋油炸鬼!!🥹😍 💙 家傳手磨生煎蓮藕餅 (八件) $128 用上傳統手法，蓮藕用上人手剁碎，蓮藕餅 外皮煎金黃爽脆，咬落啖啖蓮藕香。 💙 椒鹽鮮魷 $168 椒鹽鮮魷最緊要就係外皮唔好淋，呢個鮮魷外皮炸至金黃酥脆，入邊鮮魷咬落都好爽👍🏼 💙 另外值得一讚係服務都唔錯，同埋感覺到侍應好似都喺度做咗好耐嗰種人情味😁

❤️ Suage係來自北海道嘅湯咖喱，辣度都可以自己選擇~ 份量仲好多! ❤️ 今次其實已經係第二次食啦😆 喺朗豪坊4樓一上電梯就見到，位置好開陽，坐得都算舒服👍🏼 ❤️ 除咗主菜，餐廳都有小食嗌😁 今次就試埋啲小食☺️ ♡ 唐揚BB池魚 $38 雖然話係BB魚，但係其實都唔係真係好細條🤣 都食到啖啖肉，仲可以連埋骨一齊食，點上沙律醬很滋味👍🏼 ♡ 蔥香烤牛舌 $38 呢度嘅牛舌係薄片，附上檸檬，咬落口感爽口~ ♡ 海苔天婦羅魷魚 🦑 $28 天婦羅粉入邊加咗海苔粉，厚道適中，魷魚咬落去爽口唔會韌👍🏼 作為餐前小食很不錯😋 ❤️ 柚子雞髀湯咖喱 $88 ♡ 每款湯咖喱都可以揀拼拉麵, 烏冬, 或者飯。🐼就揀咗飯。另外辣度可以揀1 BB辣-20地獄辣 or 99無語辣。 ♡ 我哋揀咗原味無辣同BB辣🤣 BB辣基本上都冇乜辣味，下次挑戰辣啲先！ ♡ 枱面仲放咗圖片指引，講點樣將飯同湯咖喱一齊食先最好食😚 ♡ 湯咖喱隻雞髀好大隻，好多肉！肉嫩，但柚子味不算太重。仲有半熟蛋，蔬菜等配菜，一定夠飽👍🏼 ❤️ Jumbo豚漢堡蕃茄蝦湯咖喱 $108 ♡ 另外我就揀咗香港限定嘅蕃茄蝦湯咖喱口味！湯底既蕃茄同埋蝦味都食得出，兩者都幾夾。 ♡ 豚漢堡係將豚肉搓成漢堡，在塗上炸粉炸香~ 自己研究咗兩種唔同食法。一種就係浸落湯入邊吸收湯嘅精華。另一種就可以直接食口感會比較香脆😝 ♡ 伴菜有半熟蛋, 茄子, 南瓜, 蕃茄, 蓮藕, 西蘭花🥦，真係食到我超飽🙈 ❤️ 巨峰乳酸梳打 $26 叫埋杯乳酸梳打飲好夾，仲附上兩粒藍莓

💙 第二次黎到啟德AIRSIDE☺️ 今次就同朋友一齊食中菜！去到門口已經覺得裝修好靚😍 係高級現代感x園林既感覺🌳 座位都好闊落，坐得舒適。 💙 餐前小食係有點紅棗味既合桃，又幾好食~ 開完茶之後都會用蠟燭熱住個酒壼，所以啲茶都可以 keep住熱👍🏼 💙 鵝肝流心脆球 $108 嵐月既特別小食！外層酥脆，內裏軟糯，入面有鵝肝醬，作為小食真不錯！第一次食呢個小食，值得試下☺️ 💙 香煎花膠扒伴三色藜麥 $298 健康之選😎 花膠扒夠厚，入口滑溜，骨膠原滿滿。三色藜麥包含咗西蘭花, 椰菜花, 紫椰菜花, 同藜麥。 💙 嵐月西班牙黑豚叉燒 $298 呢個叉燒好食窩！肉質軟嫩之餘有我最鍾意既燶邊🤤 隔離仲有一串提子乾，甜甜地用黎配叉燒👍🏼 💙 野山竹笙浸烏筍 $168 想嗌個菜食，好少食烏筍，所以嗌左呢個。覺得無嗌錯，因為切成絲既烏筍加上高湯，咬落爽口，好好食😋 仲有吸滿高湯精華的竹笙同杞子👍🏼 💙 皇帝蟹脆米泡飯 $238 泡飯份量比想像中大！都夠三個人食😳 蟹肉份量都不少🦀 ，另外都有勝瓜等配料。 最開心係有脆米，可以根據自己喜好加落去湯飯！脆米增加咗口感，令到泡飯更加惹味😝 💙 石獅黑麻糕 $68 震揗揗既黑麻糕係石獅子造型，超可愛！打卡一流😎 食落有咬到粒粒黑芝麻，味道都濃。前面有餅乾碎伴碟☺️ 💙 餐廳整體感覺都唔錯，覺得可以再同朋友或者屋企人嚟食😊

🖤 前幾日同🐼一齊去食鐵板燒。晚飯套餐最平$588又幾抵~ 🖤 首先係沙律🥗 有煙三文魚，上面仲放咗格陵蘭魚子醬。伴碟放咗粒龍珠果😊 調味就用上柚子黑醋，幾開胃。 🖤 鐵板海鮮兩品，有四款海鮮可以揀。我同🐼咁啱夾埋有四款，於是嗌咗各一，咩都可以試吓☺️ 🖤 第一樣係鮑魚，聽師傅講用清油浸一個禮拜，所以咬落去唔會韌。上邊加咗啲秘製蒜蓉醬，令到味道更加惹味。 🖤 刺身級北海道帶子，下邊用咗意大利黃瓜。上面亦都擺上咗啲魚子醬☺️ 帶子食落嘅鮮甜👍🏼 🖤 另外仲有東星斑，同扇貝~ 🖤 全部海鮮伴碟都加左蝶豆花海鹽泡沫，家樂海鮮一齊食可增加鮮味同鹹味。 🖤 肉類一品可以揀豬或者雞，咁我哋又係揀咗各一😊 豬扒用上宮城豬扒，配上特濃蒜香牛油醬🧈 雞扒就用上秋田雞扒，配上秘製辣醬汁😚 🖤 海鮮炒飯飯粒粒粒分明，上面仲加咗隻蝦🦐 🖤 最後甜品係香芋雪糕同埋柚子雪葩。幾特別嘅係上邊加咗啲紅豆沙爆珠，咬爆之後入邊有啲紅豆蓉😁 🖤 我哋仲嗌咗兩杯麒麟啤酒🍻 盡一盡興☺️

🤎 我同🐼其實都幾鍾意食中菜。咁啱搵到林仔茶檔，都算幾好坐，然後中菜質素都幾好👍🏼 🤎 天婦羅蠔餅 $158 呢度唔係普通茶餐廳🤣 食物款式大排檔嘅種類，竟然有炸蠔餅嗌！ 好耐冇食過炸蠔餅，一於食吓😁 蠔餅炸得夠火候，我落去好脆但係又唔會燶，蠔仔數量都足夠☺️ 配料有啲生菜紅椒同埋酸辣醬👍🏼 邪惡得來都真係幾好食😈 🤎 高湯魚肚浸娃娃菜 $84 食完啲Heavy野，下一個餸要中和下🙈 超鍾意食娃娃菜🥹 另外仲有魚肚, 蝦乾, 雲耳, 杞子, 唐芹🥰 魚肚吸收晒高湯精華，飲完之後都唔會口渴唔使擔心👌🏼 🤎 另外仲嗌咗杯紅豆冰同埋柚子梳打😁 爽呀！ 🤎 買單嗰陣發現仲要唔使加一👍🏼 有機會想再嚟食吓其他煲仔餸同炒嘢😆

💙 有時工作生活太辛苦，食嘢要對自己好啲🥹 啱啱星期六就揀咗呢間鐵板燒享受吓。 入到去樓底都幾高，仲有充足嘅陽光☀️ 所以感覺都好舒服☺️ 食鐵板燒唔使問我一定係會坐Bar枱😁 一邊食一邊睇住師傅煮先係精粹😋 💙 午飯時間去到見到有個九道菜午市套餐 $498一位。有龍蝦又有牛，都幾抵食😁 於是就嗌咗呢個lunch set~ 💙 前菜有三款，分別係牛蒡, 日本豆腐, 同煙燻雞肉配柚子汁。平時都係食煙三文魚多，好似第一次食煙燻雞肉🤣 口感都唔錯👍🏼 另外仲付上沙律🥗 💙 師傅會將所有食材放喺你面前俾你影咗相先😎 然後再會逐一烹調。 💙 鮮活澳洲龍蝦🦞 師傅將龍蝦拆肉，煎香。醬汁用咗龍蝦膏，香草橄欖油等。食落口鮮味十足☺️ 半碟仲用上食用花同紫薯粉，睇落好靚😙 店員細心提醒龍蝦頭唔好食住，因為一陣要用返嚟煲湯😁 💙 之後茶碗蒸非常之幼滑。上邊有芡汁同魚子。另外仲加咗黑松露油同木魚絲。淡淡黑松露清香好味😍 💙 美國Prime肉眼薄燒卷 師傅用上美國Prime薄肉眼，捲着蔥花同埋菇。食落口除咗有牛肉香味，仲有油脂香。 伴碟調味岩鹽黑椒。另外仲有醬汁選擇 (酸汁/ 麵豉汁/芝麻汁)，重點係有炸蒜片!😍 正！ 💙 伴碟蔬菜有冬菇, 蓮藕, 甘筍, 南瓜~ 💙 炒飯幾特別。我見師傅無用上蛋，反而係加左調味同埋少少酸梅醬，食落少少酸，幾開胃👍🏼 入邊仲有白飯魚同櫻花蝦，飯粒咬落去口感有少少煙靭。 店員又提醒可以留少少飯，因為一陣仲會上鰹魚湯，可以倒落飯度做茶漬飯😍 之後連埋啲鰹魚湯同少少Wasabi食又真係好正😙 💙 龍蝦頭連住麵豉湯出返現啦！😁 飲落其實龍蝦味唔算太重，但係可以再食返啲龍蝦肉都好~ 💙 甜品係綠茶紅豆丸子🍡 食完好滿足😊

💜 有時屋企無咁多board game，又想同朋友傾偈玩下坐耐啲，樓上cafe都係好選擇！ 今次黎到呢間樓上Cafe，老細好親切，好好傾🤣 💜 上到去餐廳唔算大，但啲座位都算闊落。如果有需要，仲可以包場添👍🏼 💜 一入門口就見到有多款board game任揀😊 💜 全部嘢食都係即叫即整~ 💜 野食我叫左卡邦尼煙三文魚意粉🍝 煙三文魚都幾大塊👍🏼 鋪滿成個表面 醬汁好creamy，全部意粉都掛晒汁😁 💜 第二個叫咗牛肋條螺絲粉 我覺得呢個餸食落感覺好中西fusion🤣 因為中間仲加咗啲生菜🥬 牛肋條好腍，醬汁有少少辣，非常惹味🤓 幾推薦呢個試吓😁 💜 小食嗌咗芝士薯條🍟 薯條份量非常多🤣 同埋醬汁都係老細自己調教，香口得來唔會太膩👍🏼 💜 嘢飲就仲嗌咗一杯凍薄荷朱古力🍫 我好鍾意薄荷味😋 💜 仲有一杯就嗌咗”開聲茶”，入邊加咗甜金菊。聽老細講好似有喉嚨痛客人飲完之後真係即刻開到聲🤣 健康推介👍🏼 💜 想同朋友/另一半上嚟玩吓board game坐吓，都係一個唔錯嘅選擇。如果想預訂，最好打電話預約呀~

🧡 第二次同媽咪黎食啦😁 呢間餐廳朝早食點心，夜晚就食小菜。 地點喺金雞廣場，方便易去。入到去樓底都幾高幾好坐，係個冷氣凍左少少 🧡 紅燒乳鴿 $55 又叫返乳鴿食先😝 外皮燒得好香👍🏼 都算有肉。 🧡 沙拉骨 $88 沙拉即係Salad~ 好耐都無食沙拉骨啦！ 每舊豬肉出面都均勻沾上沙律醬 肉質唔乾，慢慢每舊骨咬都幾滋味😚 🧡 大肚婆炒飯 $82 聽個名好得意😆 原來呢個炒飯重點係用左薑米🫚！薑蛋炒飯，另外再加左啲翠肉瓜, 叉燒同蝦仁等。 炒得幾香，同唔會太濕，份量都多夠大👍🏼 🧡餐廳要收茶芥 $5一個人，但唔使收加一😁

💙 今次同媽咪去到上環食日本餐廳😍 鮨政係由日藉廚師處理，好有信心👍🏼 💙 去到可以揀坐對住廚師嘅吧枱，或者卡位坐。我哋平日去到都多人食，仲有好多唔同國籍嘅人客😆 💙 首先梗係要試吓壽司先！我哋嗌咗壽司拼盤 (上) $420 首先嚟咗八舊壽司先☺️ 分別有大吞拿魚腩 (即係大拖羅)，油甘魚腩，吞拿魚，醋鯖魚，池魚，左口魚，深海池魚，熟蝦🍣 💙全部刺身都係大大嚿，又新鮮！仲有啲醋飯完全唔會散，果然係日本師傅夠功架👍🏼 每舊壽司都已經加咗Wasabi，唔同刺身仲配上唔同嘅調味，有青檸或者蔥等等。我自己最鍾意都係油甘魚腩同大吞拿魚腩！ 💙旁邊仲有薑同埋玉子。我想講啲玉子真係好好食！🥹 好似好耐冇食過咁好食嘅玉子😆 💙 之後仲有一碟係三文魚子軍艦，葱吞拿魚腩蓉軍艦，同埋六件三文魚細卷☺️ 💙 食完壽司要食返啲暖笠笠嘅嘢💟 冬日限定Menu有三款唔同嘅鍋物！我哋揀咗雞肉丸豚骨鍋 $280 💙 有個細火爐熱住，熱辣辣食好味👍🏼 湯底係乳白色，我覺得除咗豬骨之外可能仲落咗少少豆乳或者牛乳🤔 好鮮甜好味🤗 💙 除咗雞肉丸，仲有雞肉件。雞肉都完全唔會嚡。我哋仲加咗$30要烏冬，食到一半之後店員會再將個鍋拎入廚房煮烏冬，然後再拎返出嚟食😆😆 繼續熱辣辣好好味😚 💙另外提提大家如果like咗 @sushimasa_sheungwan ig，會免費送一樣甜品呀！😆