weekday三點幾同朋友係灣仔區揾食, 打電話問咗摩廚confirm無tea time落場時間, 於是walk in一試這間網評不錯, 價錢又可以接受既份子料理店。

鋪內位置不多, 大部份係吧枱位。吧枱就一定坐得唔太舒服, 特別係無位放袋唔太方便。好彩去到成間鋪加埋我都係一隻手數晒咁多客人, 唔理三七廿一即霸埋隔離位放野。而吧枱對正個小廚房, 雖然無一般餐廳D大火拋鍋等等, 但睇住佢地將一袋袋食物放落水煮都幾得意。

第一樣食物: 63度蛋+香菇啫喱。菇味非常濃郁, 隻蛋亦好滑。但唔知係唔係為咗等人食到蛋及菇既原味, 無論菇定蛋都專登唔落鹽。對我黎講, 頭幾啖吸引, 但越食越唔慣, 好似爭咁D野。
(附上那塊餅點完蛋同菇好好味 ) 黎到主菜, 今次叫咗兩個: 一個係低溫油浸三文魚。魚肉非常滑嫩, 有點生熟之間剛剛好既感覺。三文魚味濃而唔腥, 加上淡淡既中式薑蔥豉油味, 是次至愛。另一個主菜係牛仔粒(唔記得exactly點叫), 唔入味+肉質有少少老。到招牌份子撈麵:menu話呢隻麵係店家混合咗北方擔擔麵同南方廣東雲吞麵自創。講到咁grand當然一二三開動, 個人覺得麵質稍嫌太硬, 亦都無咩突出的麵香或質感。而令個麵叫做份子既"份子"麻油泡沫, 老實講, gimmick大於實際作用。當然, 唔難食, 整體而言, 不過不失。雖然成篇文好似無咩點讚, 不過平心而論摩廚既食物其實唔錯, 雖然未必會專登再去, 但經過都會再食。始終份子料理喎, 咁新鮮既一樣野, 百多元便可以食到, 如果無試過, 當係去見識下都唔錯。

團購六道菜二人晚餐: 99大元.
以今時今日香港的物價, 光這價錢, 質素不差已是好.

位置: 新蒲崗工廠區,由港鐵站出發要走大約10-15分鐘.
餐廳挺難找, 不是因為它位於橫街窄巷, 而是因為它既沒有在外放置任何招牌, 正門亦像是一般食肆的後門, 令人直覺地視之而不見. 最後在街上白轉了幾圈後, 大膽假設, 小心入內問人求證, 才"驀然回首, 店一直在這"

餐廳內的擺設略簡陃, 但尚算整潔. 由於地方小人客亦不多, 雖只有廖廖兩三付應, 但一入門便有侍應招呼, 點餐亦非常順利, 算是合格.

入正題---食物.
六道菜, 99大元, 當然不會有五星級食肆逐一上菜的服務. 除了蟹, 其他菜式都是差不多時間送到.
1.冬蔭功湯泡花甲:一個字"鹹"! 淺嘗四五口, 放棄......   2.青木瓜柚子沙律+越南米網春卷+沙嗲雞串: 份量少, 味道較清淡(可能是湯太鹹的緣故, 之後的菜顯得味淡). 青木瓜絲爽口, 春卷亦炸得很香, 算是好吃; 雞串則......有沙嗲醬充撐, 總不會太差.
3.咖喱炒蟹+印度烤餅: 咖喱汁只有甜味, 沒有辣味, 對少吃辣的我來說反是好事. 肉蟹頗細, 但勝在多肉及甜. 大扣分的地方是廚師並無幫客人鉗爛蟹殼, 而餐廳提供的鉗非常十分極度污糟(用紙巾抹出黑色), 在鉗-->污糟與不鉗-->吃不到之間, 我最終屈服於前者 總結來說, 食物質素一般, 但勝在價廉, 就算是非團購, 正價亦不高. 要是平日經過附近, 可以再光顧.

小辣雞煲 - 辣度可以接受, 雞肉好滑, 煲入面加咗一大堆芫茜, 超香; 但唔知係唔係太貼心將雞斬到細細件, 感覺上件件都唔多肉食。食完雞, 伙計走黎加白色湯底(無得揀, 唔知係咩但朋友仔話好飲)後雞煲搖身一變成為任食火煱。
打邊爐既料質素一般, 但要有既大路野, e.g. 肥牛, 魚皮餃, 墨魚丸, 響鈐都有齊。唯一係得豉油同辣醬提供, 作為香港人食火煱無得混醬, 有少少唔慣
團購關係汽水同啤酒(淡味日本啤, 青島要加$)任飲。 
一百蚊唔駛飲飽食醉; 座位寬敞, 地方唔新但乾淨(非常重要!); 侍應有禮貌, 但可能人多稍忙既關係有時要DIY(我地自己換碟同去隔離枱攞點野食紙); 上環站一出轉左行唔駛三分鐘既地鋪, 大大個招牌, 非常易揾方便, 總體來說值得推介