[一人俠]
路經厚福街 每次都有口福
今日見到呢間比利時窩夫 聞到些少香味 尚且一試 結果有令我感到驚喜!
舖位本身細 仲要用嚟做廚房 堂食坐位少得離譜 (目測10人左右) 而且要擺去街外行人路位置(但唔會阻人 放心 )
---首先 員工主動遞上menu 紙 有禮貌又唔hardsell   有加分
---食嘅選擇只有2樣亦係主打嘅2樣: 比利時窩夫 Belgium Waffle 同 荷蘭小鬆餅 Baby Dutch Pancake
但口味就有好多 有10種 價錢介乎$20~$40 不等
我叫嘅係一個Set, 即加$10一杯熱飲:
皇室香蕉 Banana Royal + 荷蘭咖啡 Dutch coffee (熱)

---
落單後打算堂食但冇位 等咗大概5分鐘終於有人肯走 坐低後等7~8分鐘就上齊 (等人哋走呢個point 有少少減分 )

開餐~ ^v^---好靚~ 少少香味~ 一嚟就食粒pancake 先啦, 點知一食, waa~~~  成個人開心晒

然後講講matching~
---pancake 同cream好夾; 同香蕉又夾; 香蕉同雪糕好夾; 雪糕同餅乾又好夾
只可以話, well planned!
我認為叫呢啲就應該要咁, 用唔同texture 同taste 嘅食物撞出衝擊~

---美中不足係個雪糕 唔夠好食 > < 如果可以dump 多啲本入返high class 啲嘅雪糕就好lu...
---baby pancakes 應有嘅質感都有啦! 而且個心係暖ga~  呢種溫度夾cream 同雪糕將個層次同味道都提升!
但如果再熱啲會更好~

---食到一半先發現, 原來我唔記得飲咖啡@@
一飲, wow! 杯Dutch coffee 畀我嘅感覺係唔正宗(雖然我唔肯定正宗嘅味道係點)
但係就同個朱古力味襯到絕! 2樣嘢作互補, 更加好味
好彩有叫咖啡, 成件事唔同咗!

杯咖啡我叫咗少糖少奶, 但如果下次再叫我諗唔落糖會更好, 會中和返雪糕同醬料嘅甜味, 更加合襯
咖啡入面奶味好香<3

下次再行尖東一定會再嚟,
試埋個窩夫(waffles texture 唔同, 要求嘅嘢都唔同)同其他飲品睇下match 唔match~

期待~

---甜品小惡魔今次嚟到呢排身邊好幾人提及嘅甜品工房
[好多字... 請直接飛去重點]
星期一晚十點幾十一點 多人到想哭 預咗要等超耐
---先攞飛 1人位
侍應服務態度今我留下負面印象 問句可唔可以借廁所(已經攞咗飛之後), 竟然被黑面回一句“廁咗壞咗喎”(黑面是重點)
不過唔緊要 我心情好 過馬路方便+補妝後再回來(慢吞吞用咗幾個字)當然先問問排到幾多號飛啦~ 結果換來不耐煩一句 梗係未有咁快啦
結果再等咗大概3個字左右 終於有位
個別員工態度真係令成間舖頭大打折扣 而其他侍應都係叫十次應兩次
# 態度唔得   多人唔係服務態度差嘅藉口!
# 環境一般 夠明亮但坐得唔舒服
# 價錢偏高 而性價比偏低

---廢話講完 入正題~~~
叫咗個寒天雨 汁要咗巨峰~
等咗好耐好耐 終於嚟到
小妹第一次食呢種甜品 感覺特別
我嘅食法係 將透明條條浸落提子汁度 生果亦然
但要自己掌握時間 因為寒天雨同個汁其實個味係撈唔埋㗎= = -->浸一下會唔夠 會明顯食到2隻分開嘅味; 而擺得太耐會偏甜
生果球反而夾少少
[或者可以試下一啖巨峰一啖粉, 好似都ok]---感覺唔係最佳mix and match
但口感同味道尚可 算得係好食但唔係真係好好食
係可以一試, 未必會再試嘅甜品

---甜度係過份甜(自認嗜/好甜人士, 而我都幾乎飲哂個汁, 但認為呢款甜品甜得嚟唔係好食)

---生果係OK 但唔係時令, 所以唔夠好食

---香味不足 大打折扣

---埋單都等好耐

淨係食物味道評分: 3.5/5
----------
我嘅建議係 呢間舖頭值得你嚟試一試 但性價比一定唔會高 自己衡量
P.S. 雖然講到好似唔多好咁 但我有機會嘅話 會再坐低試埋其他特別嘅甜品 (女仔總係畀特別嘅gimmick 打敗... 哈哈

先說明 這個生活態度是不用錢的!! (為了coupon 才去申請信用卡)

這餐享受的是:一個迷你mousse: 朱古力梨慕絲蛋糕 [名字不確定]
一杯 Cappuchino

先講mousse... 無得頂! 外表極靚~ 梨同朱古力係perfect match! 再夾硬硬朱古力餅底令成個口感更特別
香氣四溢 再講餐具(叉)雖然唔算特別, 但足夠去品嚐一個精美極緻嘅小甜品~ 選得合適
食得出係名貴朱古力, 而個朱古力粉亦唔係cheap 嘢
絕對係以足夠嘅料去整足以滿足你嘅味覺同心情嘅甜品
環境許可的話(原價$35) 嘅甜品係物有所值 推介~ 9.8/10

Cappuchino 水準之作~ 不算特別, 但香氣 甜度等各方面都係滿意以上
加上同我當日所選嘅甜品好襯, 兩者互補之下更加分
飲開咖啡嘅人會略嫌有些少不足, 但我只是個甜品-oriented 嘅小女孩
咁樣我已經OK 啦~ 9.6/10

成日行過呢間cafe 都畀frd 拉走... 佢哋話貴喎 冇興趣喎
今次獨自一人 終於上咗樓上!
本身已經好期待, 食完超級滿意!

未開始之前要讚佢個營業時間 等我呢啲夜貓都有好嘢食
好啦入正題

夜晚11點幾去食 所以唔洗等位
叫咗正餐一個pizza: (菠蘿辣肉腸pizza) [名字不確定] 同一件甜品: 香蕉白咖啡慕絲

由於pizza 製作需時, 坐低之後要等十幾分鐘, 不過可以接受
先講環境... 雖然係Charlie Brown 主題, 但場內可見都以Snoopy 為主, 十分可愛!!
港.... 女士們可隨意同snoopy 公仔/蛋糕自拍
另有不停放映Snoopy Cartoons, 回憶舊時時光,

pizza 食材分佈比較平均, 熱度一般, 菠蘿同腸都好夾,
唯批底可更厚, 現在"兩頭唔到岸", 應該一係脆底, 一係厚底
另外pizza 熱度流失太迅速, 要好好改善!
熱食嘅話, pizza 我畀8.9/10

到甜品mousse
係可愛嘅snoopy 頭!!!  未食已加分!
白咖啡味道唔係好出, 但搭配香蕉能帶出一個mix and match 的感覺
加上朱古力蛋糕底 三者配合度極高
是穩陣得嚟, 睇得, 食得, 又回味得 嘅"三得"delicacy.
係"精緻"階別 我畀9.6/10
要講improvement 就係可以更香overall 食物味道上可以更進一步, 賣相就十分OK, 環境唔洗講
係起碼要試一次嘅餐廳!
有機會會再去!!