今次試下黎左厚福街H8既千江雪試下呢間日本放題！首先今次講下環境先！都幾特別WO，有D古代FEEL！有個兵馬俑係門口，哈哈！成間餐廳都好富有中國色彩！由於平時通常食放題都會預先BOOK定，今次仲BOOK到間房，房個環境都幾好而且都好乾淨，仲要係塌塌米房！環境放面，我同屋企人都好滿意！
之後我地又係照以往一貫作風！狂點刺身！由於本人實在太鍾意食三文魚，所以我第一時間食三文魚先，好肥美同好厚，好滋味！至於北寄貝都好爽口，帶子又好鮮甜，呢個刺身真係無得頂！賣相又吸引！讚讚！蟹籽沙律D料都好足夠，最緊要係蟹籽、蟹肉同沙律醬都好滿足！
到食串燒喇，今次自己食左都有3,4串和牛串燒，因為實在太JUICY喇！牛味重又肉味多！第二個讚！今次仲點左本人最愛既芝士年糕，芝士年糕唔係間間日本野都好食架！因為有D好粉，呢間個芝士年糕即叫即炸！外皮脆，芝士岩岩好流出黎！第三個讚！
另外仲試左火鍋！個火鍋好特別！係用個銅鼎上架！火鍋湯底都好濃郁！仲試左個牛肉他他燒，牛肉配襯D沙律菜，隻醬汁又特別。一首配搭！第四個讚！
最後一個讚係留俾D侍應既！服務周到！而且都好友善！

知道媽咪鍾意食日本野,平時睇雜誌見到平成二十二成日都有賣廣告.今次就借媽咪生日順便一家人黎試下。不過好彩有BOOK位,係門口已經見到排緊隊，去到講完名都係等左五分鐘到已經安排到俾我地！
食放題第一時間當然係狂點刺身同壽司喇,刺身同壽司D種類都好多：三文魚、吞拿魚、貝柱、甘海老、劍魚腩、北寄貝、醋青魚、馬刀貝、立魚、螺、希靈魚、帶子等等..質素都好好.比起好多放題都新鮮好多，最重要係D刺身切得夠厚呀麻！哈哈哈哈！三文魚又夠肥美！正！最開心係食霜降牛肉壽司，完全唔似出面個，牛味十分充足！手卷方面都唔差！起碼紫菜夠脆！

食完一大輪刺身壽司之後，開始試下D熟食喇！
天婦羅係熟食既必食之選！粉唔厚！新鮮炸起熱辣辣！唔似平時D放題得D粉又無料！好欣賞佢個天婦羅蠔，蠔又夠大隻！好滋味！
而且佢有一個叫自家煮牛腸，D羅白好真係好入味！好似食緊清湯腩D羅白咁！
燒物方面，我比較欣賞佢既燒牛舌同雞翼！牛舌係用中間最靚個合，口感好好！雞翼都燒得好！最難得係可以燒得有汁！
如果你話以呢個價錢，我覺得呢間真係值得食同可以一去再去！起碼野食夠新鮮，熟食又即煮！炸物一試就知唔係炸左好耐先拎出黎！
最值得一讚係呢到D服務態度好好！我地狂點佢地次次都好快會過黎收紙同埋無漏單既情況出現。又會出動黎加下水，起碼唔駛吹先！