銀龍粉麵茶餐廳 (天水圍)

今天又再一次同老公出街食早餐，係我地岩岩起身既第一餐，所以叫早餐，今次黎到天水圍天富商場，其實商場內都有3間快餐型式既食堂，都係我常去既，今次決定選茶餐廳食，銀龍餐廳
因岩岩起身，所以都點左d湯粉麵試下，我點了肥牛既酸辣湯米線，老公點了常餐沙爹牛肉麵配迷你豬仔同奄列，冬啡同熱啡
個酸辣米線份量都算ok,夠熱，但係酸辣果放面就未合我口味，酸辣果樣野係肉碎加酸菜同雪菜果類，唔夠酸亦唔夠辣，不過味道都ok

富臨酒家 (屯門)

今天是我爸爸的生日，他選了這間富臨，地址已唔就腳，我地個個都要坐輕鐵先黎到，但是爸爸選的都照去，地方幾大都幾多人食，叫了個套餐，第一個乳豬，外皮有小小咸不過都夠香脆，
二個瑤柱扒蔬菜，有瑤柱有草菇，味道都可以接受
三個炸蝦拌奶卷果d，哩個幾好，唔會太濃炸到黑蚊蚊咁
重有一個蠔豉蝦膠，有d西芹拌底，e個新鮮有口感
最差的上枱了蠔皇花膠拌蔬菜，有冬菇唔過份既咸食得落口，個花膠真係咸到你想死，好似鹽水花膠咁，最食得咸既我姐姐都話咸……😫同經理講左佢換左個沙拉骨比我果個就真係樣靚又正喇
重有個翅，無左翅既感覺，出到黎水一般清澈，料多都無用，無咩味……難道係健康小鹽小咸小味😢
重有乳鴿，蒸魚 魚都夠大條但有點鞋
重有個糯米飯，飯質感好霖
貴花糕都ok
訂左壽包細隻黎到都拳頭咁大
本想爺爺生日都在此慶祝，現在不會了😂

極品雞煲火鍋專門店 (元朗)

聽朋友聽元朗開左間雞煲幾好食，今天相約兩位朋友黎試下，入到去先點了雞煲啦主打野，3個人叫左一隻,黎到一睇嘩份量超多又夠肉地好滑。

佢地重有個新張優惠每2位送一份肥牛，但我心想送既都唔會好得去邊啦，黎到既肥牛都真係唔錯喎，唔似人地送果黑蚊蚊唔放得落口既，值得一讚。

送既都唔夠侯再追加左雪花肥牛，好正，好新鮮。

重有串燒雞全翼，燒得岩岩好唔會生或過熟，真係好味道，我都好中意食雞翼，但每次食既都係有點唔熟的，哩道真係有用心去燒。

有我地最喜愛食既桶蠔，真係桶蠔黎架，一d都無縮水，無厄人，正正正。

重點左響鈴，金菇菜，芝士腸，芝士丸，餃子。

個雞煲真係超讚，我可以加左5次湯都重夠味。

下次一定會再黎

峰壽司 (屯門)

我今次係第三次黎哩問峰壽司食野，第一次係見新關試食，一試就令我愛上了，真的好好味好新鮮
今次都係照舊叫左幾款三拼壽司
貝三點盛 火炙三點盛 推薦三點盛
原因這三款都有我愛吃既帶子，最頭一次黎既時候真係比佢粒帶子嚇了一跳，超超大粒，不過第二次同第三次黎就細了不小了，但依然夠新鮮好味，而且一碟有三件唔同既壽司食，唔會食到悶

軟蟹手卷，值得推介比大家皮薄肉多夠肥，唔會好似有d超多既粉漿，蟹得小小，正

介辣八爪魚軍艦，爽口

今次黎到都有試左d新野

有個辛味什錦煲，58蚊內有帆立一粒開三片，三文魚三片，同肥牛一開三，九菜小小，金菇小小，味道都ok，但湯底不知是否唔夠熱，我只是裝一份落碗中進食時湯已是暖的……

有個雙重三文魚，貌似花之戀外型，頂頂是攪碎了的三文魚，我本都不太喜歡糊仔物體的東西，所以哩個配搭唔岩我口味

不過新出個好正既，芝士軟蟹反卷，頂頂是芝士粉蟹籽，飯裏卷著推介的軟蟹，不過本身芝士已有咸味點太多豉油黎食會過咸的

試過2款炸物都係無味的，又乾

不過黎哩間食野感覺好新鮮，有電腦你按，有送食物車，最重要係壽司質素好正，炸物雖然唔ok，但一樣會繼續黎食

真壽司 (荃灣)

今天收早,有老公接收工,便想食我愛吃的壽C,本想去食峰壽C的,之後經過哩間真壽C,看到門口餐牌有放題$168,之後另一個牌9:30後全單8折當然又吸引我入去一試,入到去侍應給了我卡位夠大張好舒服,之後我們想了很久不知要食放題好定8折好,之後個侍應就介紹我地食餐牌果D好有8折好底,最後都決定食餐牌既,叫左三文魚,介辣八爪魚,波璃蝦,海膽壽C,一口牛柳粒,芝麻軟蟹卷(餐牌寫住推薦),本來重叫左焗蠔但賣哂,之後改左牛肉烏冬...
第一樣都係壽C先到,嘩!!好大件,比我去其他的壽C地方的大件正,三文魚同舊飯一樣大唔記得影比大家睇,海膽C夠新鮮好味,之後都聽到海膽又賣哂了好彩我一早點左,哈哈,介辣八爪C不過不失,波璃蝦就失色不小了,原因舊飯夠哂大影到隻蝦好細.........
之後芝麻軟蟹卷包住蟹個漿太多隻蟹又細小一D都唔好食
一口牛柳粒賣相都OK但好似大粒左D個味甜左D
原來好戲在後來的牛肉湯烏冬牛肉鞋,湯底淡
E道服務好好折左都係245蚊咋