同朋友一行2人去食，6半左右到，俾樓下接待同事攔住，表示冇安心出行唔俾入，冇得揀填資料。 唔知係我俾接待同事留難/真係唔俾填紙，因為上到去見到門口有紙仔，只係冇筆同收集箱。 如果冇裝安心出行嘅，建議唔好約朋友喺度聚會，否則會非常尷尬，迫住喺門口即裝app/放朋友飛機。 其實用餐環境都大，如果間返少許區域出黎，俾人喺晚上10點前用餐，相信吸引力會大好多。 野食都幾大份，味道正常，但未到出色到非食不可，附近有唔少出色嘅火鍋店都做到。如果一定要安心出行先食到嘅，唔太會考慮encore。

呢間book mark咗好耐，終於book到位食lunch，真係好期待 要咗一個蟹肉牛油果醬蝦子粗意粉$148（set lunch），一個卡邦尼意粉$158 先上枱嘅係2個餐包，一個酸種麵包，一個黑麥麵包，暖暖地幾鬆軟，但算唔上好特別，一人一小個，份量唔多 之後上咗水牛芝士蕃茄麵包沙律+$25，主要係青瓜蕃茄加香草醬嘅味道，不過不失 之後再上蟹肉牛油果醬蝦子粗意粉，呢個真係好伏☹️☹️☹️，一上枱就聞到陣腥味，我同朋友都聞到，真係好腥！但都嚟咗，就照食，入口冇聞咁腥，但口感好淋冇咬口，而且蟹肉好碎，基本上係醬嚟，仲要個麵唔太掛醬，兩者嘅味道好分離，真係夾硬食完佢😖 之後上卡邦尼意粉，呢碟好少少，幾香芝士味，豬頰肉片都幾香，但個麵都係好淋，似上海麵咁，仲要唔掛汁，唔難食但亦算唔上好食 可能手作意粉冇平時啲意粉咁有咬口，但真係冇諗過會淋到似上海麵，對鐘意al dente 意粉嘅人嚟講，真係唔太接受到 平均$150一份，份量仲要好少，真係食唔飽，食完仲要去附近搵野食 最後加咗份紅酒燴梨配冰糕+$35（是日甜品），紅酒浸梨配雪糕嘅感覺，唔難食，但亦未到有好出色酒香嘅味，而且雪糕份量細到唔夠配梨食 餐飲要咗凍朱古力+$15，好香濃好飲，係黑朱古力，唔會太甜，但融得唔夠好，飲落口唔夠滑，仲有朱古力渣，想試嘅，建議買Mariebelle朱古力粉自己喺屋企沖，一樣咁好味 呢餐2個人食咗$419，咁嘅質素同份量真係偏貴，唔打算再嚟食，但服務係唔錯，店員都好用心講解每碟野食嘅特色 呢間好唔好食，真係好見仁見智，我見咁多好評先專登book位黎試，但真係好失望😔

見到旺中有大熱嘅星球蛋糕，食評平均都話唔錯，就忍唔住訂左個迷你星球（一人份）+伯爵茶味馬卡龍一粒，點知就係中伏嘅開始。 去到旺中2樓立食區拎，見到大熱嘅星球蛋糕放到成櫃都係，但一個客都冇，已經覺得伏伏地。 而且雪櫃入面既蛋糕似擺左勁耐，千層蛋糕個面係乾到反起既，星球蛋糕上面嘅蛋白餅都放到乾裂，真係望到都唔想食，如果唔係訂咗，我一定唔會幫襯。 到拎貨個時，店員拎左個5CM大嘅迷你星球出黎，外表係好靚，但真係好細粒，得出奇蛋嘅size，呢粒野值$48？！ 個時未食，覺得可能薄殼，都=一人甜品杯份量掛？！ 點知一打開，真係燥底，個殼有成0.3-0.4CM厚，啫係內容物得4CM左右，而且底又厚，基本上裝唔到野。 拎返屋企既途中可能有撞到，所以蛋糕打開殼後唔算好靚仔，但個餡一開始已經得咁多，就係一啖Oreo+海綿蛋糕+cream，味係香嘅，但真係一啖食晒，想食多啖都冇。 之後就剩返個又厚又甜得個靚嘅白朱古力殼，食咗1/4已經食唔落去，其他扔晒。 伯爵茶馬卡龍又係伏，食唔出伯爵茶味，只有死甜，外殼硬脆似m&s 口感，簡單形容，似Mc cafe出品。 以現貨原價計，2樣野要$56，但講真，咁既份量+質素只值$20，其他嘅只係打卡費。 星球蛋糕如果真係訂，可能真係要訂返4人份以上先會好啲，起碼有蛋糕食吓。 其他千層蛋糕、芝士蛋糕、馬卡龍一律唔推薦，除非你想買雪咗好耐，雪到乾晒嘅蛋糕......

曾經呢間係我最鍾意的其中一間雞蛋仔店，每次去紅磡都一定會留quota幫襯 上次幫襯，其實已經覺得差左，原味冇左蛋香味，朱古力味亦冇朱古力味 但疫情下，覺得未到難食就多少幫襯下，幫襯下呢間老店，支持下老闆對手藝的堅持和執著 但今日再幫襯，只會用伏黎形容，以後亦唔會再幫襯！😡 唔知係咪因為疫情生意難做，老闆一路掛住拉客，雞蛋仔翻完又翻，烘到過晒火，難食到嘔 見老闆將底雞蛋仔翻左4-5次都冇拎起，已經覺得伏伏地，但見表面冇燶，又唔好意思要換 但一食落口就知中伏，硬到石頭蛋糕咁，雞蛋仔的外脆內軟完全冇，除左硬就係硬，食左一舊就成底扔左落垃圾桶！！！ 雖然唔想浪費食物，但真心難食到入唔到入口🤮 題外話：等雞蛋仔的時候，有人問老闆雞蛋仔要等幾耐，老闆話3分鐘，對方唔想等就走左，老闆一路話等3分鐘都等唔到，點點點 其實，老闆有冇諗過，可能係因為你的雞蛋仔已經差到連等3分鐘都唔值，只係靠人情味在撐，話人唔願等前，試下自己整的雞蛋仔先？？？ 雖然只係小小$19，本想支持老闆對雞蛋仔的熱情和手藝，但可惜早已變左味，就等呢間店留係我回憶中最美好的一頁，唔會再幫襯👎🏻👎🏻👎🏻

這次又瘋狂的買了5件cake, 包括green tea latte cake, spring rose cake, caracas cake, lemon tart, creme brulee - ginger&lime,caracas cake（$36）是其中一件我覺得比較特別的，上層以creme brulee的口感和香味來製作，食起來偏甜，但焦糖的味道不強烈，
cake底是牛油批，很香，很鬆化，但不算香脆，內有點梨肉平衡整體口感，
我較喜歡這種的配搭，另一件我愛的是lemon tart($36) 這款屬偏酸的口味，檸檬的酸和香味，會令你精神一震，
配上薄薄的牛油批底，簡單的味道，但卻是讓人愛不釋手的味道，
接下來的3件cake, 都是不過不失的味道，green tea latte cake($36) green tea的香味不濃，但勝在夠香滑，味道還可，
spring rose cake($36)這個的味道我已經不太記得了，只記得是整個都是莓酸味的mousse, 質感輕柔，但rose的香味欠奉，味道不差，但缺乏驚喜，只屬普通，creme brulee - ginger&lime($48) ginger味夠濃，整體較重味和實身，但質感過硬，而且不夠滑，焦糖表面不香脆，
整體味道強差人意，絕對比不出pl的出品，而且還比pl貴......
lgb 勝在選擇夠多，價錢合理，產品有一定質素，所以間中一試，還是可以的

這天買了hazehut crumble, flourless chocolate cake,
awfully chocolate甜品的份量真的很大，看起來小小的一塊，但飽足感十足，食了3/4塊cake, 我已經覺得膩了，所以最好兩個人share 來食 hazehut crumble($46), 硬硬的cookie底部，配上香濃的hazehut&chocolate cake,及表面的crumble, 味道不錯，但內裏的牛油味太濃了，我不太喜歡，太膩了，我食了一半已經想放棄，
這款雖然味道不錯，但超強烈的牛油味，實在不是我愛的，
flourless chocolate cake($40), 第二次介紹了，今次買回家加熱後配vanilla ice cream 食，香濃微脆的chocolate cake, 配上冰冷柔滑的雪糕，很好食
其實，跟心太軟的味道差不多，但用flourless cake的chocolate味道會更香濃，而且cake較實身，所以口感會更硬和豐富點，飽足感亦加倍，
雖然chocolate cake真的超好食，但食完後又開始擔心卡路里的問題......間中一食夠了

今次點了香草雞肉巧巴達，咖喱牛腩，拿破侖，香草巧巴達（好像是$58）雞肉上佈滿香草，很香，但不對我口味，不算特別，咖喱牛腩（好像是$68）咖喱很香，帶點辣，很開胃，內有幾塊牛腩和一塊薯仔，旁邊有幾片不脆的法包
咖喱的味道不錯，但不算特別好食，而且份量有點少，法包如果有烘烤過會更好，
第一次在不太餓的狀態下，點了兩份咸點是不飽的，
無奈之下，加點了拿破侖（$68），雖然賣相不錯，但以這個價錢來說，味道實在是可圈可點
不算香脆，又不夠牛油香的酥皮，加上很多有微微lemon香的cream,
口感層次都很單一，食了一小塊，已經沒有興趣再食了，
唯一值得讚的是lemon cream比較清新和light,
或許是食過更好的，咖啡弄的拿破侖實在是......唉
今次點的三個食物都很一般，以這個價錢和份量來說，我覺得有點少貴，
而且今次的店員都很忙，不停在我進餐時換餐具，紙巾等等，
枱的位置不大，進食及換餐具同時進行是不可能的，所以我要停下來，讓店員先換餐具，感覺很趕很匆忙，閒適的感覺都消失，相對令我失望的用餐經驗

因為有9折優惠，所以這次買了多款甜品，又增肥了
買了rose macaroon, green tea cake, blueberry cheesecake, 芒果拿破侖，及一盒細個裝的macaroon,rose macaroon($39), 比pl的出品還平$1
我個人覺得帝苑的出品很好食，薄薄的macaroon外殼，入口即溶，配上香滑，帶rose清香的內餡，及raspberries, 酸酸甜甜的味道，很難不令人愛上，
整體的味道不會過甜，很令我喜歡，但rose cream有點多，令中間部分的口感有點膩，
green tea cheese cake($39), 最令我驚喜的一款，本來看見表面的一層white chocolate,預計會很甜，但實際並非如此，
表面的white chocolate很薄，所以不會甜，
內裡是green tea mousse, 紅豆，配上green tea cake,
green tea的味道不會過份濃烈，配上微甜的紅豆，我覺得這個味道剛好，
blueberry cheesecake($39), 我一向愛香濃的cheesecake, 但這款的cheese 味較清淡，令我有點失望，
配上表層的blueberry jam及內裡的果肉，整體算是不過不失，芒果拿破侖（$138），香脆的牛油酥皮，配上少許的cream,及香甜的芒果，真的很好食
即使用刀切，都不會令拿破侖碎成一堆，太令我滿意了，而且香脆的牛油酥皮，亦是我超愛的，令我食不停口，mini size macaroon($160@10), 每個只有5元硬幣般大，很細粒 以$16來說並不便宜，
味道亦很少，有vanilla, lemon, raspberry,green tea, orange, chocolate, caramel,
整體味道不錯，外殼都是又薄又脆，拎上手會碎 內餡香滑，
我覺得green tea的味道比較獨特，不會過甜，配上淡淡的清香，我覺得剛好，
最差的是lemon, 我覺得味道有點人工，不太喜歡，
整體來說，我最喜歡的還是拿破侖

這天閒日，中午1時左右，來到這家小店，當時店內已經爆滿，等了20分鐘左右才有位，
點了豬腳干拌面，紅燒牛肉面，酥炸雞排，茉香奶茶，豬手干拌面（$40）面上有肉燥，青瓜絲及幾大塊豬腳，十分足料，
食起來有點蔥蒜的香味，但肉燥的味道不夠，豬腳亦不夠入味，但食起來很有彈性，
味道不差，但亦不算特別出色，紅燒牛肉面（$42）濃濃的湯汁，配上面及三大塊牛肉，
牛肉的肉質很香軟，而且入味，配上湯面，味道很不錯，酥炸雞排（$32）這個很好食 新鮮熱辣的炸雞排，外層的炸粉香脆，但不會過厚，雞排酥脆的同時，夾雜著油脂的香，和嫩滑的雞肉，比市面很多的炸雞排店要好食多了
整體食品的味道算是不錯，是較迎合港人口味的台式食物

閒日晚上的六時半，店外已出現等候的人潮，
school food的魅力真不可少看，約等了半小時多才入坐，
點了烏卒卒及廚師卡邦尼年糕，烏卒卒（$68）就是黑色的壽司加上墨魚，口感有點脆脆的，味道不錯，但亦不算特別，廚師卡邦尼年糕（$68）香濃的醬汁加上煙肉，年糕及粉絲，味道帶點辛辣，味道很吸引，特別是吸收了醬汁的粉絲很好食，
兩款食品的外觀都很精美，但份量有點少，一人一份是絕對不會飽的，
這個價錢，配上這個味道，我只會說還好，食物沒有那份吸引人一試再試的味道，
相對來說，我更愛傳統的韓國味道，新式的，還是試過就夠了