金寶湯鴨 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2019-09-08
今日早放工,同朋友公司附近食個tea,佢搵咗呢間喺街市對面嘅小cafe 入到去果陣冇乜人,但坐咗一陣,好快就full咗。 叫咗一份pancake ,一份蜜糖磚,一個果茶share Pancake食落幾鬆軟,個海鹽芝士汁好香好滑,加埋雪榚好match 藍莓蜜糖磚—個麵包皮稍為硬咗少少,朋友冇食到個邊邊,但我係麵包控,食晒喇😛😛 果茶好香,又唔會太甜,滿滿嘅生果好幸福❤️仲有個蠟燭熱住,唔驚佢凍,好貼心! 推介美食: 水果茶 評分: 味道 4 環境 5 服務 4 衛生 4 抵食 4
2017-11-01
想咗食韓國嘢好耐,今日同一班朋友嚟咗旺角食韓國嘢。第一次嚟,覺得幾寬敞。叫咗好多嘢食😛 分咗燒嘢同埋部隊鍋。個海鮮部隊鍋嘅湯好好味,辣得嚟又唔會好難入口,入面嗥蜆同青口都好新鮮,加埋個公仔麵就一流哈哈!燒嘢果度最印象深刻係帶子, 好甜好好味。我見啲牛好大件好嫩咁,可惜我唔食牛啦!不過啲朋友都話唔會好un, 幾軟淑😆 啲蝦超大隻好鮮甜~~另外仲有叫咗粉絲呀,醬油蝦呀同其他小小嘢,不過都唔夠個部隊鍋同燒嘢咁出色😛 不得不提啲侍應姐姐勁nice~~幫牯哋剪開啲大大舊嘅海鮮同牛,thanks so much! 最後食飽埋單果陣仲有生果送哈哈 但我已經飽到食唔到,交晒俾朋友處理😂😂 overall 呢間韓國餐廳算係抵食得嚟又幾好味。記得一定要叫海鮮,因為真係幾新鮮! 推介美食: 鮮帶子, 鮮大蝦 評分: 味道 4 環境 4 服務 5 衛生 4 抵食 4
2014-05-18
今日2個人去左荔枝角食晚餐 本身諗住去譚仔既 但基於太肚餓既關係, 我地去左地鐵站附近既jazz cafe 係地面見到個menu, 好似都ok, 但無寫價錢 諗住呢d廠廈唔會太貴啦~就決定一試 上到去, 要行2層樓梯, 同埋d樓梯都幾污糟 上到去, 見到個裝潢都ok, 不過一個人都無 佢一拎份menu黎 wa....淨係意粉無湯無野飲要$108 其他食物都係無湯無野飲, 大概介乎$108-198 真係有d貴得過份 話加野飲同沙律要加$30 我心諗 如果呢度係d咩大酒店或者中環名店 咁都算 但d人服務又唔係特別好 環境唔係特別好 真係唔明咁貴係邊 最後叫左2碟最平($108)既大蝦天使麵 之後野食黎 d天使麵好硬 似米粉多過天使麵 蝦得3粒 有2條菜 無其他配料 成本價完全係唔洗10蚊 中伏到一個點 .v. 仲要無主動斟水 但都有10%服務費 總括而言 完全係難食加食得超級唔開心 我諗我地食完就明白點解全程一個客都無...除左我地 .v. 無下次!
評分: 味道 2 環境 3 服務 1 衛生 2 抵食 1
2013-10-23
今日難得早放學所以同幾個朋友一齊黎times square食school food! 上到黎已經發現好多人排隊 >< (但明明唔係好晏..都係12點鬆d -3-) 但由於想食左好耐, 所以都決定繼續等! 拎左飛, 排左半個鐘, 終於有張4人枱俾我地 叫野食 叫左個濃湯拉麵, 卡邦尼年榚, 烏卒卒(墨魚汁飯團)同埋泡菜太陽蛋炒飯~ 野食都黎得幾快~ 首先黎既係濃湯拉麵 個拉麵一聞落去朋友就話好似公仔麵 其實食落都幾似 不過d麵身都幾彈牙 所以.......係高級公仔麵 ^^" 個卡邦尼汁好普通, 同出面食既卡邦尼意粉無乜分別 不過d年榚好煙"un"!! 口感好正~~*3* 碟面既花整得好靚 d飯團都排得好整齊 p 食左一粒..不得了!! 真係好好味~~ d墨魚好煙"un" 但又唔腥或者唔會太咸 d飯加左少少墨魚汁~~好濃味~~ 唔會覺得好似食緊日本壽司咁~~真係想再叫多碟食 -3- 隻太陽蛋煎得好靚~ 泡菜都唔會太辣~~幾好食! 如果可以有少少飯焦應該仲正 (因為佢係鐵pan上 ) 好期待下次再黎食其他菜!! 推介美食: 卡邦尼年榚,烏卒卒
評分: 味道 4 環境 3 服務 3 衛生 4 抵食 3
|