VanilAclouD 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-02-20
踏入餐廳,彷彿時空交錯,走進了一場光影交織的夢幻之旅。裝潢獨具匠心,讓人聯想到電影Interstellar的浩瀚宇宙與team lab的夢幻藝術,營造出一種超現實的氛圍!但當我們回歸到餐桌前,味蕾的旅程似乎沒有跟上這場視覺盛宴。。。 冒菜,這道源於四川的特色美食,以其麻辣鮮香著稱,在香港算少見。我對這樣的美食體驗往往充滿期待! 就像車仔面一樣,自選配料本應為味蕾帶來無限可能。然而,這次的冒險卻有些讓人失望。 凍豆腐,有雪藏味,未達預期。肥牛平平無奇。冬菇,口感柔軟,但份量寥寥可數,可惜。至於芝士腸,可能本不合理地期待着金妹牌芝士腸的味道,也有點失望。 不過,倒是土豆粉,以其Q彈滑嫩的口感,為這頓餐點綴了一抹亮色!蕃茄湯底,對於不愛辣的食客來說,是個安全的選擇。 以$66的價格來看,在中上環是合理的。帶着滿心期待,這次的冒菜之旅,算是一次足矣的經歷。一場視覺盛宴後的味蕾平淡,讓人略感遺憾。。。
評分: 味道 2 環境 5 服務 4 衛生 5 抵食 3
2024-02-20
去到拉麵街,行過大壹燒鵝,你可能以為呢度就得燒鵝好食,點知叉燒飯($60) 都有得一戰! 呢度啲叉燒真係可以話係好食到出奇!肥瘦剛好,唔會令人覺得太肥膩,每塊叉燒都燒到外皮微微焦脆,香味四溢,令人一口接一口,完全停唔到口! 更加出色嘅係,佢哋將叉燒一切成小方塊,一啖一舊,唔單止方便食,每一件叉燒都可以完美配合飯粒,令每一啖都甘香而不膩。 份量方面,真係可以話係「大碗滿足」,對於飯量大嘅朋友來講,絕對係一大福音。每一件叉燒,都令人覺得呢個價錢同每個卡路里都係十分值得! 去到記得唔好只顧埋頭燒鵝,叉燒都絕對絕對值得一試! 推介美食: 叉燒
評分: 味道 5 環境 3 服務 4 衛生 5 抵食 4
2023-10-31
由小食店剛開幕的時候,我已經開始食呢度嘅雞蛋仔和格仔餅。當時店舖仲未開始出名,由老闆哥哥親手炮製。記得當時舖頭出面仲放咗一首詩,內容大概係講舖頭有幾低調,高手在民間。除咗出品好食,老闆都幾幽默🤣 去到附近肚餓,當然會買一底過口癮。喜歡這裏的朱古力雞蛋仔,朱古力粒分布均勻又足料,而且可可味濃,與甜味平衡。裏面仲加上榛子粒,味道有幾分似繽紛樂。 我最鍾意呢度雞蛋仔嘅口感,外脆內軟,雞蛋仔蜂巢網格位都烤得卜卜脆,加上有少少甜味,好似咬緊脆糖,好特別。 小貼士:小食店出邊多人排隊,店舖依家喺網上外賣平台有外賣自取選擇,喺app嗌定係攞就唔使等啦🚀 另外,我都會揀唔要膠袋,等容易啲保持口感乾脆😋 推介美食: 朱古力雞蛋仔 評分: 味道 5 環境 4 服務 5 衛生 5 抵食 3
|