香港好少有正宗川菜，

係新假期見到有個報導話屯門有間平食四川酸辣粉好食，所以專登入黎食

麻辣薯粉

辣味十足，又麻又辣，爽，紅薯粉十分粗身，口感煙韌，而且吸收灑湯底既精華，十分入味，很好吃。配料要左豆卜同支竹加煵肉，每款都是＄6﹣8 ，超值！ 豆卜同支竹又係吸收灑湯底既精華，十分惹味！

口水雞

口水雞份量十足，辣度剛好，不會太辣失去雞的鮮味，而且雞肉頗滑，十分惹味。朋友點左個酸辣米線都話好味，麻而不太辣同酸菜一齊食，十分惹味，最重要米線都吸收灑湯的精華，啖啖都很開胃，綜合黎講試左兩個湯底都好正，難怪當日黎都坐無虛席。咁既價錢，有咁既質素，十分難得！不過如果開返間係市區會好D，始終屯門有點遠同唔方便。

成班Frd講左成幾個月, 話凍就燒野食, 但香港唔知做咩鬼, 話凍話凍, 凍到就黎12月都未凍, 可能遲D香港真係會無冬天!

終於上個星期開始轉凍, 開始感到冬天就黎到, 最啱燒野食!! 我記得年幾之前已經黎過一次, 見到呢間樓上CAFE有個細露台, 可以俾人燒野食, 燒完自己攞返入黎食, 不過上次黎無試, 因為要預訂的, 所以食西餐! 今次上網搵見呢間CAFE仲係度, 未執, 你知而家度度都好多吉鋪

好似講得太遠,入正題。野食係唔錯好味, 放係入面用保鮮紙包住燒先自己攞出去燒, 乾淨企理衛生。帆立貝最好食, 大粒, 很香蒜蓉同牛油味, 燒出黎濃濃地但又多汁, 正; 蝦夠大隻, 蝦頭仲有膏, 肉質唔梅, 爽口彈身, 最緊要任食任Fill, 牛肉串燒出黎真係好香口, 唔會話好乾, 仲好多汁同好有牛味, 醃得相當唔錯, 反而係牛扒唔知點解好咸, 咸到我地食完一塊, 完全放棄左佢! 其他蔬菜類都算新鮮! 仲會提供埋好多醬料俾我地用, 牛油, 蜜糖, 孜然粉, 辣椒仔, 味椒鹽, 想乾手浄腳, 地點方便, 俾一個價錢任食任飲, 食完拍拍屁股走人, 呢度係唔錯既選擇。

成班frd 約左同其中一位仁兄慶生，壽星仔話想食放題，大家都唸住豪"小小" 唧啦！結果俾我地book左呢間只需豪"小小"之餘(238位)，個壽星仔仲係free 唧添!!
大家本來唸住"放題"都係果D野啦!最多咪環境好D...對食物唧質素都冇咩期望。估唔到竟然有驚喜!!
首先，當然係例牌來大量刺身同壽司啦!!刺身厚身大件，而且仲好新鮮肥美!!尤其是係三文魚同劍魚腩!!!!!壽司方面，飯少料"多"，質素仲拍得住版長!!軍艦就細件左少少，不過咁就可以食多幾件，最讚唧係有"海膽軍艦"!!!

我地仲叫左D串燒同炸物!!
串燒牛舌同羊架都好香口，雖然D羊架唧肥肉多左少少，但係又唔係好羶，唔係好食得羶味唧我都食左成件。串燒整體來講係ok唧。
炸物方面，可能係因為平時對炸物完全唔會有期望啦!!今次覺得有好大唧驚喜!!首先，必讚唧係"炸日式芝士年糕"，外皮少少脆，咬落軟棉棉温温地，D芝士仲有少少流出來咁!!!!!雖然已經食到最後，但都忍唔住食多左件!!另外，炸吉列蠔都好好味，外面好脆，裡面仲creamy 添!!!其他唧炸物，好似炸豆腐、炸餃子等等都唔錯。另外，因為我地用左個生日優惠，舖頭仲送在個公仔俾我地個壽星仔!!個公仔又幾得意，有D心思!!

小食店黎講真係唔錯！雖然要等下但係都值得啦！！唔好睇小其實都有好多選擇嫁！！主要係做外賣生意嫁！！
韓式炒年糕 - 個汁真係一流，甜味同辣味平均，仲有少少蔬菜伴碟。
韓式魚蛋串 - 比韓國街頭的薄身，不過味道好唔錯。
什錦拌飯 - 個飯夾埋配菜同隻蛋撈埋一齊之後好香，好好食！
煎泡菜餅 - 呢個一般般，但可接受!
炸醬面 - 唔錯嫁，但可以更好。
最後試炒粉絲, 有洋蔥九菜爽口健康，韓式粉絲的薯粉好鬼彈牙, 炒埋一堆好唔錯, 仲飽肚添。
整體來說都幾好食，特別係個韓式炒年糕，下一次一定要再食！
下次行過肯定又會停低買番一，兩樣先會走人ＫＥＫＥ！！
 

店子顯然走平實的路線, 所供著的是最地道的料理, 但直覺味道會是不簡單。 三十多款的選擇, 不乏最家常的韓食如牛肋骨、石鍋飯、人參雞湯等等。點完餐就隨即送上泡菜和冰水, 非常細心。
泡菜餅好似是韓食必點的項目之一！！^_^ 餅中間心黏糯的極富咬感, 每口都係泡菜的辛香和酸勁, 十分之惹味, 係個簡單卻最完美結合。之後食左炸醬麵,我「雪」一聲就滑入口中, 柔韌但又充滿彈力, 醬的濃度剛好, 不會太希, 甜甜的, 另外朋友叫左韓式牛肉飯, 有點辣,我都食左少少,但已經夠我整頭汗喇.....!!
最後要一提, 店內的職員亦好親切, 相信這是每天客人滿滿的其一因素.!! 希望我幫到大家,大家都要快D去試下啦!!^_^
 

今日好朋友帶左我黎依到食吉列野，真心唔錯嫁,佢都真係唔話得無介紹錯,去到職員好快就安排到位比我地,竟然係一個沙發既卡位,真係好好彩,感覺十分之舒服,個位已經十分滿意

我地都好快就叫好野食，之後就有野玩喇,職員叫我地自己親手用支木棍仔將D芝麻慢慢磨成粉，之後再加自己鍾意既吉列醬攪好佢，一路傾計，一路磨芝麻，時間就真係好快就過，好快就到喇D炸野，職員拎黎既時候會慢慢同你解釋D醬料用咩用途，夠哂細心，套餐就有味噌湯、同埋有D醃漬物、無限既椰菜絲同埋一碗白飯，原來白飯都係無限添加既,不過你又食得幾多呢。

果然係專門店，炸物既炸漿夠哂脆，最緊要係唔會太厚，唔會得個炸味而食唔到個餡料既味道。炸蠔食落十分肥美雖然唔算太大舊。 豬柳就比較特別,係半圓形既，肉質非常厚身，但食落都好嫩滑，唔會好似香口膠咁，肉質非常之好，食左咁多炸野，食番少少椰菜絲，感覺就會無咁熱氣，岩岩好。
 

有一日系天氣十分熱辣辣，我選擇左同朋友系勝香園享用我地既午餐，因為我都想食一d有酸味既面or粉，雖然依日真系好熱，但系見到佢已經都開左好幾把大風扇吹著,總算冇甘熱，可以接受,所以決定去試試。好彩該店員安排我坐系個吹到風的位置。佢真系好
HAHA我都幾中意食呢個茄牛通，尤其系番茄味，酸酸甜甜比我覺得真系一樣幾開胃既食物，牛肉又好滑,GOOD。再加買杯可樂,感覺真爽，又可以消下暑。
熱就系熱左D,如果你想食個到D食物,就真系值得去試試~!

 

依到既環境都算係幾光猛同埋舒服，朋友原來一早就訂位，不過都要等左先可以坐底，都算好多客人，大家都好快就揀好自己想食咩,順帶一提就係依到既野食賣相都真係唔錯既
先黎係依個刺身拼盆，全部都算幾新鮮同埋都好味，首先佢個三文魚夠哂鲜甜，最緊要係無筋，另外個墨魚片都唔錯,唔太韌，之後就係我比較唔好既喜靈魚，不過朋友就好鍾意,話佢鹽味好夠好好味，我食落都覺得佢既質感唔錯既。之後係螺片，正正常常無咩特別,但都唔錯既。
火焰壽司都非常好味，佢個燒牛肉片值得推介,食落有少少生，又幾香牛肉味，之後就叫左D燒物，羊架個肉質非常鬆軟，不過就無咩羊肉既羶味，都算好,不過我鍾意有少少,調味方味就有少少好濃既黑椒，食落真係十分惹味。
 

估唔到黎依到食野都要等位,不過唔緊要喇,傾住計等都好快姐,等左大約十分鐘到,佢今日就安排左我地3個人坐卡位,真係夠哂好彩,平時都好少去迴轉壽司店食野,但坐卡位真係幾舒服,同埋都方便好多呢,一開始就見到依個代鮑魚沙律軍艦,呢款軍艦相當有特色,賣相都吸引,個沙律醬食落口唔會好稠身又唔會有好膩個種感覺,加埋代鮑魚切粒粒,兩樣野配合得唔錯,幾好味嫁,個紫菜都夠脆身,可能岩岩放左黎
燒竹夾魚壽司真係非常鮮味,幾夠火喉,不過真係唔係好知佢叫咩名,但真係幾好食,之後就係依個蛋皮壽司卷蛋卷,雖然比較薄身,只有少少蛋皮,仲有青瓜條,鬆軟肉鬆,同埋蟹柳,估唔到依到仲有依個刺身飯, 咁岩就拎左個三文魚+蟹棒既刺身飯,依個真係非常好味道,三文魚都幾正嫁,唔錯。

 

依到就有如香港既生活節奏一樣,成日快快快加埋人多多,不過依到既野食真係吸引既
今日就黎左試依到既奶茶同埋佢既菠蘿油,依兩個簡直係絕配,係奶茶方面,真係好滑,今次就試左依個熱奶茶,凍奶茶都應該唔會太差既,茶味都好夠,都幾正下嫁。
另外當然就要講下依個菠蘿油喇,雖然唔係好健康嫁喇,但係鍾意食菠蘿油既人又點會怕,另外最重要既就係佢成日都有熱辣辣新鮮岩岩出爐既菠蘿油,難怪依到既菠蘿油咁受歡迎,食一啖就知道個皮真係好脆,最緊要係佢熱辣辣既包,加埋一件好厚既牛油,不過遲左少少食溶得太多,如果加多舊牛油就真係正喇,一黎就應該依左佢先。
仲有一個好特既下午茶,一個炸雞翼加埋酥皮蛋撻都係好值得推介既！雞翼係用全翼,好少地方用全翼夠哂份量,再加埋個靚蛋撻,好味道。