今次係小弟第二次食齋, 其實一向都唔多接觸素食, 亦唔算好大興趣,
呢間新派素食店未開張之前已經收到朋友推介, 話係朋友開,
係半自助形式私房菜~ 其實開頭聽到都唔知係點, 又半自助又私房菜@@

31號開張日, 陪朋友來捧場, 8:00時段有個半小時任食,
第一日已經座無虛席, 好多人~
去到唔需要等位, 即刻可以坐入去。

店面好細, 只有30多個座位, 而且每張檯都係4人檯,
我地6個人去食, 店主幫我地拍埋左一張檯, 可以6個人一齊坐,
後面有檯人好似成8-9人, 都拍埋左幾張檯,
但睇落佢地有少少迫, 如果人多又唔介意分開少少坐隔離檯, 會舒服少少。
(其實好近可以照傾計, 唔使一定要痴到實)

檯面有張餐牌, 寫住今日精選嘅套餐, 西式嘅... 好新奇, 齋都有得据扒店主解釋每人有一份set, 另外出面嘅自助食物任飲任食

頭盤黎喇，今日係大蝦天婦羅(賣相本來靚d, 我想食嘅時候先記得影相整亂左)
嘩嘩... 好有驚喜! 個蝦好似, 好得意=] 天婦羅炸得好脆而且無乜油, Good！
同檯嘅朋友仔都好鐘意食。

之後係主菜, 燒春雞一上檯我笑左, 真係整到半隻雞咁樣XD
可以選汁, 我選左黑椒汁, 個汁都幾香, 不過唔辣。
隻雞口感好得意, 唔似齋~ 好味!
又一大驚喜︰配菜甜紫薯！外層脆口嘅, 而且甜甜地, 入面淋淋地嘅粉質蕃薯, 好好食！
平時好似好少食倒咁紫嘅蕃薯, 原來咁好食！

甜品叫心心相印係桂花大菜糕&普通大菜糕, 個汁士多啤梨味~
平日桂花糕好似有魚膠, 食素人士唔食得,
我諗因為咁所以佢地用大菜代替魚膠,
質地一定唔同平時桂花糕, 但都幾香, 我就覺得可以再甜返少少, 話曬係甜品

出去睇左一轉, 出面有o既食物有素翅, 炒飯, 齋鹵味, 咖哩薯仔唔知咩, 羅漢齋, 涼拌粉皮, 炸蕃薯、炸芋頭、炸乜乜...

飲品有幾款汽水同埋日本玄米茶~

店主話自助食物次次出o既唔同無特定菜單~廚師見乜野新鮮就煮乜@@食完頭盤主菜, 每樣攞左少少返黎食

素翅--我唔太鐘意食碗仔翅, 所以呢個我無食. 不過朋友們話好正炸物--好多款一盤過, 夾左一堆返來大家大抽獎XD
我食倒嘅有炸蕃薯、炸芋頭, 好食,
眼見朋友抽獎咁抽倒炸蘿蔔, 炸薯仔, 炸蕃茄... 乜菜都炸得？
同天婦羅蝦頭盤一樣, 炸得夠脆唔厚粉, 而且唔油膩。
(張相係一見佢新鮮出爐即影, 之後已經比我攞左半盤XD)齋鹵味--好味, 個人最愛係酸齋, 唔肥膩, 個味整得好好

炒飯--好似咖喱炒飯？幾香夠乾身, 如果可以加少少提子乾落去炒仲正！

咖喱--我去攞嘅時候已經比人攞曬, 得返薯仔>.< 咖喱味校得好, 薯仔炆得好淋, 好味！

仲飲左2罐可樂......好飽好飽, 食完個套餐已經飽左一半, 食埋出面嘅食物真係飽到上心口~
8:00PM時段$128一位, 新開張有9折, 仲有張永久9折咭送比客人,
新開張優惠上Facebook讚好專頁仲有8折, 我地當然照做埋,
埋單$103一位, 好抵！

無諗過食齋都咁特別同咁飽, 而且味道真係唔錯,
唯一無咁滿意嘅係地方比較迫, 太多人行出行入有少少唔方便,
另外就係個人認為自助食物可以再多少少特別款式, 希望有埋水果同素魚生！ 

是日與家人一行十幾人到流浮山食海鮮

哥哥嘅朋友介紹, 今天係第一黎嚟呢間餐廳。

蒜蓉蒸扇貝, 好甜好新鮮。
賴尿蝦, 雖然唔係賴尿蝦皇, 但一D都唔腥, 仲好甜。

其他菜式都新鮮同埋好好食。
本人覺得最正嘅係賴尿蝦, 因為平時唔多中意食,
但今次食左幾隻, 覺得好鮮甜=]總括來講質素OK, 係遠左少少, 要有渣車O既朋友先方便D~
下次會再去呀！

呢次應該係第一次同朋友去素菜館聚會,
記憶中, 同家人去食素已經係好細個o既事,
最有印象o既素菜係芋頭魚同齋鹵味~

朋友介紹話呢間素菜館好多明星幫襯~~

當日8點左右到逹, 唔使等位, 齋舖入面都唔滿座,
門口貼滿明星相~ 果然真係好多明星幫襯~~

一行6人點左︰魚生拼盤, 芋頭魚, 糖醋肉排, 炸蜜瓜奶, 沙拉海鮮卷 ,金銀蛋菜

以上o既菜名都唔係準確XD

魚生拼盤-認真麻麻地... 同大x然素食差好好好遠, 但價錢唔平...
成個拼盤得兩個款係似魚生, 其他o個d好似魔芋之類o既野, 口感唔適合做魚生。

芋頭魚-好好味, 我地唔食開齋o既人至愛, 炸得鬆化唔油膩。

糖醋肉排-都ok, 個汁校得唔錯。

炸蜜瓜奶-好好食~炸漿夠脆唔厚。

沙拉海鮮卷-唔好食>.< 個卷淋淋地, 入面d料食落口感麻麻地~

金銀蛋菜-ok除左芋頭魚, 每碟餸o既份量唔算太多, 其實大家食完唔太飽,
但又覺得啲野食一般唔想再叫多個餸,最後決定留肚去糖水店食甜品~
埋單每人竟然都要百幾蚊, 覺得唔太值得, 果然係明星食府, 貴夾唔太飽, 味道一般, 應該無下次。

本人住元朗, 其實大大話話都幫襯過好多區o既pizza hut~

但間間o既質素唔係每一次都好~
所以突然想pizza hut都寫下食評~

是日同友人二人一齊黎食~
閒日關係等左十五分鐘唔洗就有檯~(平時星期六日勁多人排隊)

兩個人叫左一個扭扭批, 一客雞翼拼盤, 兩杯可樂。次次去pizza hut都必食辣味雞翼, 但今次又想食埋格格薯,
最後諗不如試下蜜糖雞翼~ 又ok喎~! 比起原味雞翼好味！
不過格格薯就略為淋左少少~

扭扭批好好味, 芝士多, 夠香, 焗得夠脆唔淋,
不過美中不足係唔夠汁, 食到咁上下我先記起呢個係千島醬批, 但好似唔太覺有千島醬味,
下次要叫"多醬"

可樂唔好飲, 無汽, 至在任飲>.<

總括來講食過幾次元朗分店都幾好, keep住！會繼續黎食~

埋單成27x元, 感覺只係叫左兩樣野,有點貴~>_<

朋友介紹去呢間雞煲又平又好食,
今日一行5人訂左檯黎試下。

訂左檯早左少少黎到, 諗住要等一陣, 都要等30分鐘, 好誇張=_=
全個門口都迫滿人...

5個人比左一張六人卡位我地,
坐得幾舒服寬敞, 唔錯~

先黎左個雞煲, 果然味道不錯~
有朋友唔食得辣叫左個小辣o既~ 但都好香好夠味。
隻雞都唔太老, 幾滑~大家都掛住食雞, 食到差唔多完先寫野食~
佢地係任叫任食的, 我地二話不說每項都寫3-4份, 因為一般任食都唔會比足份數~
食物黎得快, 肥牛同肉類都算新鮮,
外面飲品種類OK多, 仲有餃子自取, 不過唔明點解餃子唔可以寫埋響紙上面比人揀？

最後每人限取一杯雀巢雪糕。

總括來講其實會再食, 但等位情況都幾嚴重~
最差係BOOK左檯都要等咁耐, 唔BOOK檯想WALK IN食飯一定唔揀呢度。

平時聽朋友話去呢間食館打邊爐多,
今日想食小菜, 咁啱朋友又介紹呢間...

我地8個人, 叫了8個餸...

有炸大腸-炸得乾左少少
啫啫雞煲-個味勁正, 但好少雞...
宮保雞丁-味道淡口少少, 都OK
辣魷魚鬚-唔記得個名, 勁正！魷魚底仲有粉絲, 索曬辣汁好好味
芝士白汁枇杷豆腐-超推介, 好香芝士味, 又好大碟, 抵食~勁正！
椒鹽排骨-正！
肉碎豆角-正！
蒜蓉炒白菜仔-OK！

每人白飯一碗+汽水1支, 份量夠曬飽, 埋單只係每人$8X
我覺得又好食又抵食, 會再去！