因為係boxing day,所以預早1日打電話book咗枱，同老婆，外母同個女一齊去試下德國菜先。 一入到去，環境幾好，不過真係好嘈。佢哋有live band,不過全晚多數都係唱happy birthday！ 講食物，其實以我認識嘅德國菜，不外乎beer,腸同咸豬手仲有農夫包！ 先叫個炸芝士沙律，食落無咩特別，炸芝士都幾漏…… 再嚟個牛尾湯，好足料，味道好濃烈。 跟住農夫包配牛仔肝醬同Cream cheese,兩個味道都幾好，我同老婆就鍾意牛仔肝醬，因為比較香啲。 阿女最鍾意嘅腸嚟喇，有雞肉啦，豬肉啦，辣味啦…不過我哋4個人食，都有啲吃力，份量都算多。 主角咸豬手嚟喇！侍應好好幫我哋切埋，都幾大隻！啲皮好香口，好脆，裡面又唔乾，唔錯唔錯！ 4個人食飽晒都唔洗$1000，都算係咁啦！可以再去！推介推介！

本身自己同女朋友都好鍾意食米線,所以荃灣咁多間都食過晒!

首先,要讚讚環境唔錯,幾闊,座位幾好!
員工服務態度十分有禮,good.
今次叫咗大腸,腩肉同魚餃中辣米線.
好多餸.份量好夠!
米線好爽口,大腸同腩肉都好入味,係魚餃差少少..
湯都唔錯,係唔係好夠辣
大至上都好好,值得再食.

上個星期同女朋友仲有一個fd去咗茶軒食晚飯.
嗰度環境都唔錯,坐得都算舒服.
我哋三個人,叫咗個二人餐,另外再叫多一個餸!
有梅菜扣肉,三杯雞同沙茶醬炒肥牛.
上菜嘅速度都幾快.
不過,啲餸一嚟,我哋都打咗個突,真係好少,好細碟!
但係味道都幾好.
佢而家做緊promotion,凡惠顧都可獲贈珍珠奶茶一杯,不過叫餐就無呢個優惠喇!
總括嚟講,都算ok嘅!
細食嘅朋友不妨可以去試吓!

喺荃灣嚟講,算ok啦!
首先,地方唔太大,坐得唔太舒服,成日俾人撞到!
啲阿姐嘅服務態度....唔好要求咁高喇!
食物方面,味道都幾好,腩肉,肥牛,豬軟骨值得推介!
但係份量就幾有問題喇!米線同餸都太少!配菜太多,男仔一定唔夠飽!
而個麻辣湯底好油,同譚仔差好遠!

上個星期,同女朋友去朗豪坊行街.見到泰蘭花咁多人食,就去試吓啦!
等位都唔算太耐,十五分鐘左右啦!
我哋order咗一個小食拼盤,一個招牌泰式金邊粉,半打沙嗲豬同雞串燒,一個咖喱雞肉.
上菜速度都幾快,服務態度唔錯!
小食拼盤有春卷,蝦餅,魚餅,豬頸肉,香葉包雞.
春卷,蝦餅都ok.魚餅,豬頸肉就咸咗啲.香葉包雞就very good!!好香,好入味!
招牌泰式金邊粉好好食,不過油就多咗啲.
最唔得就係沙嗲豬同雞串燒,好"鞋",好"un"!
咖喱雞肉就幾好,都幾多件雞,咖喱幾香,配埋個包一齊食就excellent!
價錢唔係太貴,$340.份量又夠,食到我同女朋友都full晒!

先兩日,等埋女朋友收工,都成十點幾.喺荃灣搵吓有咩食啦.
見到小巴黎,又見到幾多人食,就入去試吓啦!
環境都ok,坐得幾舒服!
睇吓個餐牌,都幾多款式!
我哋叫咗一碗雞絲扎肉湯檬,一碗香茅豬排凍檬,一個炸軟殼蟹,一個越式雜錦拼盤.
食物嘅份量都幾多,個豬排好有香茅味!
但個軟殼蟹就唔係太好,唔夠香口!而個拼盤都唔錯.春卷同雞翼嚟到都仲係熱辣辣!GOOD!
兩個人食飽飽,埋單$150,價錢都可以.
值得一試!