見好多好評，所以特登前黎試早餐 環境光猛 多位坐同睇落新淨 一坐低就同個女侍應點餐：我指住餐牌講想要沙嗲牛米 點知呢個女侍應（金頭髮、戴橙色錶、粗框眼鏡、心口有銀色長形吊嘴）好惡咁話「睇唔到喎」 我無發火，即時口講一次沙嗲牛肉米炒蛋熱奶茶 佢又抄唔晒，再問飲咩 當然我唔會發脾氣，因為唔需要，只有透過openrice表達我的不滿 香港點解咁少客？咪就係因為呢啲員工囉 lesson learnt: 睇好評之餘，更重要係睇負評先

叫餐要$598一位 但又因為唔太肚餓唔想食餐入面嘅蛋糕 所以散叫咗前菜龍蝦汁帶子同埋主菜白鱈魚 但係個waitress話見我都叫咗$500幾蚊所以送湯、飽俾我 又送杯白酒俾我 可惜我嗰日唔太想飲 雖然飲咗啖幾好飲 前菜黎啦 好靚 好好味 估唔到呢個價錢食到fine dining 質素 本來對魚嘅賣相冇咩期望 因為諗住都係煎魚啫 點知一上菜簡直係令人驚艷！ 魚份量好大 一啲都唔油膩 環境寬敞 落地玻璃窗 加上服務一流 下次必定再黎！ 美中不足係對住地盤景 不過對於我黎講冇咩所謂平時食飯

為咗米芝蓮二星而黎食 結果係失望而回 首先一入去環境好侷促 枱同枱之間距離好近 明明一早訂咗枱 但係張枱都係對正大門口位 唔緊要 我諗可能啲嘢好好食或者服務好好都會搭救 點咗tasting menu六道菜（$1680） 上菜前先黎餐前小食同麵包： 最值得一讚係佢嘅橄欖油有分五年同10年 10年嗰隻甜啲，用嚟點麵包好好食 第一道菜 imperial oscietra caviar: 賣相做得好靚 質料調配得好好 叫咗杯hot mocha, 三杯入面呢杯個拉花已經係最靚： 都唔緊要嘅 始終嚟呢度都唔係為咗飲咖啡… Hokkaido abalone: 雖然賣相一般 但係鮑魚煮得好腍 配埋pork belly食好味 到招牌紅蝦意粉： 可能我對半生熟嘅蝦一般 唔係太合我口味 但係入面好多膏 我隔籬位朋友食得好滋味 意粉我覺得好食 軟硬度啱啱好 另一位朋友加錢轉做大紅蝦： 呢個就冇跟意粉 侍應話隻蝦大啲 所以要加$280 但係我哋比較過又唔係大過頭先嗰隻紅蝦好多 然後到aged pigeon: 煮得幾腍幾好食 不過同上面嘅配菜唔係好夾 下一道- omi beef: 因為係和牛所以有啲肥 個人純粹唔太好肥膏.. 最後嘅甜品本來係日本士多啤梨，但係我哋特登轉做榛子疏乎厘配豆腐雪糕： 疏乎厘整得好好食 但係扣分位係個雪糕一上枱已經係融咗米芝蓮二星出品嘅餐飲唔係應該要控制得好好咩個上菜時間？ 最後，成餐我最唔滿意嘅係 杯水係要提先會倒 咁何來係米芝蓮嘅服務？ 以呢個價錢嚟講 名不符實 唔會再嚟lu..

見食評咁多讚賞 諗住試下 點知淨係打電話 問佢幾月幾號可唔可以訂枱 對方已經態度差 問有冇菜單佢話俾唔到喎 又唔解釋點解唔俾 唔緊要 九龍城區大把更好嘅火鍋店 淨係講電話已經態度咁差 永不光顧

平日黎試食個早餐 一早睇食評都知呢間態度差 但都想試下 因為見餐牌幾多野食 八點鐘都有多張空枱 甚至有幾張卡位都係一個人坐 也未有人等位 點知就唔俾我坐卡位 要我坐長枱 坐低咗都要叫我起身不過我都一粒聲冇出過 算啦..都係食餐飯 唔想嘈交 好啦想叫個B1,轉炒蛋 點知佢大聲喝話 冇得轉喎 點知俾我聽到隔離枱叫B5又可以轉炒蛋 快快脆食完就走 俾錢食飯都要受氣 一定冇下次

新蒲崗茶記早餐首選 雖然環境係逼啲 但食物質素真係幾好 叫咗1號餐，炒蛋夠滑 多士夠脆 奶茶香濃 通粉又足料 唔係間間有鮑片😂佢呢間仲要有埋菜 當然湯底就唔夠mikiki入面間敏x好 但平過佢 $35埋單 最重要係服務都ok

因為喺附近返工 所以呢排日日試唔同小巴站附近嘅茶記早餐 暫時呢間比較抵 （當然會繼續試🤣） $30火腿仿鮑片通粉 雙炒蛋 熱奶茶 +$2 多士 算抵食 炒蛋一般 多士不錯 通粉還好 最正係有埋鮑片 不過質素一定唔夠敏華好 但價錢佢絕對有優勢 好多餐廳都$35或以上 至於環境就唔太大

想黎好耐 因為一直好鐘意張敬軒啲歌 今日終於黎到同朋友慶祝生日🤗 環境好靚 好重復古味道 連洗手間都係打卡位 lunch menu: 我同朋友都點咗全餐（頭盤+湯+主菜+甜品） 跟餐有餐飲同麵包 麵包微暖但稍硬 配上牛油食還可以 前菜揀咗慢煮三文魚 感覺個三文魚唔算好慢煮 似食刺身三文魚 不過個汁都幾開胃 番茄湯好多蕃茄蓉 羊：味道ok 不過太多肥膏 朋友叫咗牛，中規中矩 甜品 creme brulee 都係ok 沒有wow感覺 呢餐主要食環境 服務都ok 唔係非常好 但價錢算貼地 埋單兩位 七百幾包加一

星期二晚六點獨自walk-in 大把位 坐上層 有大落地玻璃窗 景觀比同區餐廳好 可惜服務員要提先倒水 等食物期間見到除咗有一般長枱之外仲有半圓卡位 幾好😄👍🏻適合幾位閨蜜一齊食飯 餐單係散叫 今日推介海膽意粉 🍝 一於試試 意粉煮得剛剛好 汁夠稠結 海膽味ok 下次搵多啲人食可以試唔同菜比較好

An afternoon tea with my brother here the day before Easter Holiday The best service in connection with afternoon tea tried with surprise ! Two layers of food with savoury ones at the bottom and sweet pastries on top: Whats more, after finishing the set, the waiter brought this cage and asked me to select one He said it might contain a prize upon breaking the egg but of course I couldnt get a prize haha Savoury food tasted better than sweet ones, especially the muffin and scones which were really spectacular! Muffin was stuffed with salmon, tender and soft... the best muffin so far For scone, it had a crunchy skin while the inside was soft and moist... In gist, delicious food, relaxing environment and excellent service that worths a try if you want something more than an ordinary afternoon tea!