Bill Tai Tai 自認無肉不歡，
但同事強推此店，就趁中秋早收試試，
店子並不顯眼，非常細小，裝潢可以用raw來形容，
不過就給人一種身處外國的感覺。

素食對於我來說頗為陌生，
不是從何叫起??
於是叫了一個small salad + flat的combo 再加一個炸薯條和友人share，
small salad 選了roasted veggie ，當天共有4款野菜︰南瓜、翠肉瓜、茄子和車厘茄(我走了茄子)已經預左唔會好食，但食落又幾好味，主要係野菜好新鮮，少少roasted 加埋sauce 都幾飽足！

Flat- 素菜卷
原來size 有成隻手臂咁長！！我見到眼都突！食唔晒！仲要同個friend 一人叫左一個combo添...
我個人比較喜歡吃沙律多過這個卷，好似中東包的皮，wrap住野菜s，唔係太習慣，感覺好寡。

炸薯條
好好味！因為我好鍾意食連皮炸的，好raw的薯條。值得一提是個茄汁sauce，非常美味，沒有一般罐頭茄汁的死咸，味道淡淡的，蘸了很多來吃了也不會口渴！一大兜才$30，推介！

是日新嘗試，有機會 會再去，但價格頗貴，不是天天可以去的飯堂，這一餐已經是$160 per head
建議第一次去，2位以上(2位正常食量的女士)可以各人叫一個small salad，一條flat share，唔夠再叫便可。

是一個愉快的二人前晚上
原本只想到大坑走走RELAX一下飲一杯
卻遇上喜出望外的美味日本料理- ZANZO

ZANZO 外觀很有格調
店子很細
坐BAR 檯最有風味
門面的鐵制大窗很有feel
拉高可以"行" 一細小長檯面在大窗下
便成了一個開揚的bar 檯位置

先來點無酒精飲品開場1) 燒牛舌- 燒得剛好，唔會太淋又唔會太硬，令人好想再吃！2.雙色燒蠔- 黑味噌VS 燒汁，我吃了黑味嚕燒(左邊)，友人說燒汁更美味，下次要試！ 3.炸蝦天婦羅w/ 特調wasabi sauce
意想不到用上啖啖肉的大蝦，好彈牙，非常好味！
那個特調wasabi sauce也十分有驚喜，值得推介！  4. 燒明太子飯糰 個人極之愛吃燒飯糰，這個燒飯糰要推介給大家，非常有水準，外面燒得香口，但內在的飯軟綿綿，明太子內餡亦不欺場，相當充實！不嗜好飯糰的友人亦覺不錯！ 5.燒牛肉  最後一定要推介"燒牛肉"，牛肉靚，牛味重、燒得剛好，太正！水準之作！
最怕燒牛肉一是太生、多血水，一是燒成牛肉乾似的！這個just fit 的燒牛肉用來配啤酒一絕！

今天過海吃家族飯，選址在康怡附近太吉樓地下新開的泰國菜- 泰屋。
家人試過幾次話好味，
泰國人家庭式經營，
因此BILL TAI TAI都非常期得。

聞說個咖哩蟹$250好得
個汁好好味，但今天這個咖哩蟹很瘦，沒有膏，有些失望.... 這個咖哩蟹有段小插曲，話說因為當日蟹的來貨價貴左(老闆娘話)，要收我們$280再送個"椰汁大菜糕"…，不過就此老公大人就覺得不公道，因為餐牌上明明寫$250 ，沒有"時價"這些標示，結果店主都收返$250，這一點店主可以改善一下標價，避免客人誤會。

另外叫左個鹽燒魚
啖啖肉，好好味，當日條魚好肥美，食極都仲有肉，很滿足！可以ENCORE生蝦刺身$78就好失望，蝦唔新鮮，好細隻，沒有苦瓜片，不推介泰式奶茶$15，很滑，甜味適中，推介馬拉盞通菜$68，有水準，不錯總結︰店子太細，坐位較迫，不太舒適，繁忙時間等候時間會頗長，食物有水準，可以再來。

開心大發現，原來日牛的午市單碟肉套餐好抵！
今天2個人來，齊齊叫左$78 特選牛
上菜速度唔錯
湯底未來先去自助區夾野食，我個人認為選擇都幾多，而且野食都fill得好足，唔會想食的只有牌得個"吉"兜等極都唔refill讚的是蔬菜洗得好乾淨！仲有我喜愛的皇帝菜添！每樣都只係夾左1-2粒，樣樣試少少，最終都吃得太飽了！一定會再來，希望keep住咁好的水準喇！

常去中環的holly brown，今次閒逛進這間Caffe A' La Mode by Holly Brown，晚上8時許，只滿了4成，順便走進去馬上有位。

只是飲野傾計，每人叫了杯飲品再share一個甜品而已。

Ginger coffee (hot) $50+
入口有一朕咖啡的苦味和姜的辣味，頗難入口，加了一包咖啡糖味道才變得溫和，我相信如果夠熱，味道又會唔同，就今天這杯咖啡的溫度，不推介。

另外的甜點不知名，只是加了大量半溶的棉花糖，食落去幾特別，雪糕係云呢拿味，份量少左d，整體portion可以大返少少就更ok。

有機會會再來試下tea set，見其他post 好似好吸引的！
這裡最好的地方是8點坐到10點，吹水吹2個小時都唔會趕人走，是幽靜聊天好地方

賀同事仔生日，在[芒果脆脆]vs 這個[彩虹蛋糕]之間決擇，見到[彩虹蛋糕]有個好可愛的糖皮足球做裝飾，同事仔又係足球迷，唔使諗，識食一定食[彩虹蛋糕]

選擇是正確的！大部份同事都未食過，食落裡面原來是水果，味道不太甜，頗為美味，可以encore!
推介！

Bill 太太最近迷上韓國料理，今次HAPPY FRIDAY 都要食韓國嘢！因為Ad hoc 出動的關係，都唔使指意在唔使排隊的情況下食到好味的韓燒。

6:30pm 的尖沙咀韓國街，好多小店都已經排晒隊，唯獨是"韓cook" 唔使排，睇睇餐牌，又唔係勁貴，入面都坐左8成，點解唯獨佢係無人排呢？？就等Bill 太太去解開這個謎吧！

1) 前菜︰蓮藕、泡菜、豆芽
食落就知係自家製的，泡菜沒有死咸味、蓮藕好味、豆芽一般，3個人都係這個portion，唔係幾夠，但沒有refill的服務，有點失望。2) 宮廷年糕$90
這個要$90的炒年糕，沒有用上很上乘的配料，加左少少椰菜絲，少少魚蛋片絲，用韓國味噌炒的年糕，也算美味，最主要是韓國年糕本身很Q，煮很久也不會失去其Q彈口感。好味但不推介3)韓式豬手$130
大大份的！幾抵食，豬手好味，豬皮好有咬口但不會太硬，但其實點解佢係韓式，除左個碟邊的少少辣醬可以解釋到之外，其實就是一碟美味的烤豬手囉！推介！4) 韓式冷麵 $75
是飯腳的favorite，我不知怎評價, 碗大麵少，味道ok5)韓式煎餃子(6隻) $60
很驚喜的味道，餃子好大隻，外脆內juicy，"餃子控" 友人的大愛！Bill太太都會推介6) 辣嫩滑豆腐海鮮湯 $80
最後就是我的favorite，每次食韓國料理我都會點的食物，因為豆腐是我的大愛之物，這個湯非常著通，豆腐唔係特別嫩，最敗北的地方是跟來的白飯好糊，太多水，用來撈飯食唔係太好，不推介。3個人埋單$435，人均$145，晚飯算不太貴。其實"韓cook" 食物ok，但坐得迫d，唔係太舒服，食物尚可但好食到"叮"一聲的食物唔多，乏善足陳，又無韓國人坐鎮…所以人氣麻麻地喇可能.

點解等位是0分鐘，因為我地是5:30PM到而且一早BOOK定位。

環觀市面上，跟韓國周街都係的韓燒食肆確實不多，"喜來稀肉"就勝在來到香港都無乜走樣

環境︰ 座位與座位之間寬闊，坐得舒適，抵讚！
食物︰  種類選擇頗多，有其他side dish 提供如石鍋牛肉飯，水冷麵、大醬湯，味道價錢份量都好好
服務︰ 大部份時間自己燒，無乜服務可以提供，店員9成是少女，生手難免，但笑容搭夠！
價錢︰  人均都$200，有燒肉，有side dish 再加酒水，算是很划算的dinner!

講返食物︰

招牌護心肉 - 其實就無乜特別，叫原味就真係無乜味，要食就吃辣味的吧！護心肉散開晒一條條，好似肉絲炒麵那些肉絲咁上下size，無乜肉食，又唔可以叫做爽口，吃完可以話係無乜印象食左什麼。

招牌護心肉 - 無乜特別

0

招牌護心肉 - 無乜特別

燒肉類都係水準之作，不會令人失望。
而且side dish 都係好地道的韓國味道，例如是︰ 大醬湯、泡菜湯、石鍋牛肉飯、水冷麵都好好味。

的確是令人滿意的一餐，可以慰解"哈"韓情懷！

公司大伙午膳吃韓國菜，選了"韓辛" ，早早訂座，去到才發現，原來平日中午店子也不會客滿！

"韓辛"有$40- $55 的午市SET選擇，成20-30款，花多眼亂，大家叫了幾個午市SET + A LA CARTE 一齊Share ( 因為午市set沒有燒肉吃的！)

午市set: 大醬湯- 味道濃郁但偏酸，普普通通
午市set: 炸醬麵- 麵身偏淋， 不會推介
午市set: 冷麵- 麵身也是偏淋?! 伴梨子片、蘿蔔和冷麵一同吃，好涼快，炎夏的不錯選擇！
午市set: 蔘雞湯- 雞身內的糯米都流到湯裡，糊糊的，味道不錯，但雞肉是沒有味也非常粗糙，不會推介

吃韓燒怎能不叫五花腩、牛小排和牛肋骨!
五花腩: 不推介，有一朕很怪的豬"酥"味，即使以沾麵豉生菜夾住一齊吃也闢除不了那豬"酥"味
牛小排︰不錯，很淋滑的，沒注意火候燒得偏乾也不會咬不開。
小結︰牛比豬好味！
** 叫肉沒有跟生菜藍的！我們開口問店員就說送我們一小藍吧，大概4-5小塊，都夠新鮮！

side dish- 炸雞 ( 一半辣一半不辣) ，總共14塊，炸得偏乾，皮多過肉，普普通通。
side dish- 部隊鍋，沒有跟公仔麵啊！要散叫..，鍋內也沒有午餐肉，只有火腿，普普通通。
午市set不貴，但ａla carte偏貴，埋單每人$150。

總結來說，普普通通的一餐，韓國料理競爭這麼激烈，小店要加把勁提升整體食物水平才可以站得住腳了！

難得7個姊妹齊腳，兼賀一賀其中一位姊妹再做媽咪，另一位姊妹再一下個月生得，找了一間網上食評大好的餐廳。

大家事忙，約7時30分，約近8點先齊左3個姊妹，大家都叫左3個course的晚餐，早到者想上住前菜食住先，但問題就來喇，我地見人地有一兜兜麵包，於是叫店員比我地，佢都答︰"得得得！" ，過15分鐘都未有，於是再問，店員就話︰"廚師整緊呀，等多陣啦！" ，40分鐘過去，隔離二人檯遲過我地都有麵包吃得津津有味我地都未有，結局在近50分鐘的光景，約8點半，7個姊妹都來齊啦，足足1個鐘多D我地先有麵包，仲要係出口3-4次催才有！Why?

可能大家會諗，麵包啫！使唔使狂催呀？問題係有大肚婆在，佢足足等左差不多70分鐘三催四請先有麵包！有無搞錯?common sense is not common? 遲來先有麵包，應該是送錯檯，送錯唔緊要，但係店員不了了之的態度令大肚婆嬲左！真係太過份！

先來一輪惡劣的服務，再講講食物，水方面係一定要你開distill water，不提供tap water, ok，7個人開左2大支都無問題，問店員拿熱水，佢真係比一杯100度的熱水，問你點飲好呢？
講返食物，真係唔錯的，不過上菜的速度真的太慢，又是要等的！基本上幾個主菜水準都好好，份量也足夠。
叫了羊扒，7成就是7成，羊扒林滑，非常美味，嗜羊者如我大愛。另外試了黑毛豬，啖啖肉，很JUICY，煎得恰到好處，另外試了大蝦意粉，蝦夠鮮，炭火燒過，夠晒原汁原味。食物質素很好，
是整個晚餐最好的地方。

我地叫左3個course的version, 沒有餐飲，是食物"美" 中不足的地方。
3個course $3xx
4個course $4xx
5個course $5xx

我地叫3個course的version , 計埋distill water 之類再加一，埋單一人$470… 貴左DD，加上服務茶餐廳水準..，不推薦