女朋友係網上團購左兩張$118既放題，我地預約左5:30-7:30PM呢段時間。 我地準時去到, 但個經理同個服務員係咁係到蜜蜜針,當我地透明咁,5分鍾後先理我地,後面仲有5-6個人等緊,果下已經好無耐......D服務真係唔係一般差:1.上到去,個經理比左個最近門口既位比我地,D人一出一入開門關門D熱風係咁吹埋來,當時有客坐既地方佔左都唔夠1/4, 我地問可唔可以轉入去中間既兩人位, 個經理堅持唔肯換比我地,話一早就安排好晒D位就走開唔理我地......點知我地食完2個鍾喇,中間D位仲係空既!!真係唔知佢咩叫安排好晒,理晒譜!!(可能團購就只可以坐門口位喇!?)2.有個傳菜既唔小心整掉左D雜菌係我地隔離, 我地果個位係傳菜既主要通道, 但10分鍾都無人去清理, 而且果段時間無咩客, 好多服務員都悠手好閒咁, 個個服務員行過/踩到都可以扮見唔到, 之後我用手機影相, 佢地見到就你推我 我推你咁4-5分鍾先有人去執......3.見我地一拎起D野食, 見個盤空左就即時收走左個盤..但我地食焗蠔同申燒都有垃圾架..搞到都唔知掉係邊..仲要收左我隻碟就算..又唔比番個新既我..點食呀大老!!!4.有個服務員,我唔知佢返工定來表演, 佢收左order單, 一邊行一唱歌同手舞足蹈, 有次仲差d fing到我女朋友個頭!5.最理譜既係D服務員一D都唔識專重客人, D野岩岩上台, 我同女朋友岩岩食左一啖, 無啦啦有個服務員行過用隻手"卒"落我地張台既角位, 好似抹手咁既動作, 成張台都郁左下, 隔離大把空台, 點解要用我地張台抹手? 好有問題..之後成餐飯都勁無胃口...極之不推介呢間...味道尚可,但款式好少,而且呢間店既員工服務態度我會深深記得!