有一晚同朋友約咗去旺角行街睇"畫展"順手食個飯，諗住反正食咩都要百幾蚊不如食放題，去到放題集中地兆萬中心門口有4間走來比傳單我地，見呢間單張上都有我地想要嘅嘢就試下啦，反正好唔好食得個知字 好食嘅下次約人多個選擇，個派傳單嘅話佢地同事帶上去才有9折所以我地就跟咗一個哥哥兜一大個彎上去，上到去(8:00pm)見坐唔滿，當時諗可能只係地點不在兆萬中心嘅問題。
誰知坐低15分鐘就知出事，只來咗兩罐飲品(韓國CREAM SODA)加一個牛奶雜菜鍋同兩客小食，個牛奶鍋賣相還好, 只是沒有外面吃的放得咁滿,而且無牛奶味，只係一鍋有雞湯味嘅白色水，料又只有三分一鍋三分二都係水(湯)，兩客小食係牛肉粒同炸帶子,小食碟只有手掌大而餸*牛肉粒細到五毫子直脛都長過佢，仲只放得半碟,炸帶子一睇就知係訂現成貨的魚旦味炸帶子......誰知原來我地已經係好彩，遠處有一位大叔好大聲地客訴佢坐了半小時只來了一客粟米粒,拍枱話要走....
之後坐咗37分鐘才來了刺身和其他小食，點解叫小食？係因為佢份量只有前菜的size,炸帶子這種可一粒粒計算的我明白，但不明為什麼叫個煮雜菇同葱爆肥牛都是用醬油碟上！！（光顧過牛陣的話，會知道同款的碟是用來放醬油的！)個雜菇味道更加係咸而無材料本身個味道，仲要話係"炒"同"葱爆"!!煮法根本不同，蔥爆肥牛一食就知係就咁用水煮出來!刺身更加係份量勁少加唔齊款，我同佢講:"係你樓下個派傳單的話有虎蝦我才上來的，我填咗你又唔比我咁點？"
之後15分鐘後才來另一碟刺身，才有3舊蝦比到我，首先我前後比咗3張刺身紙佢，佢只來了兩碟，然後我同朋友中意嘅會寫10片 唔知好唔好食嘅只寫2片，結果每次來的數量同款都錯哂
其他小食都係，不論你寫幾多份量佢都只係得到一份"醬油碟"，而且一張紙平均要等15至30分鐘才會到
最後2小時的用餐時間未到，我地已覺得浪費時間同力氣去消耗垃圾食物，個半鐘未到就走咗
食過咁多間旺角放題最差呢間，以後唔會再幫襯
除非我只想搵地方比168只飲汽水，佢只有呢樣嘢係5分鐘到

今日放假同屋企人路過見未食過就入左來試，其實本來喺門口見倒裝修信心已不大，但見佢話自己用靚挪威三文魚，所以抱住一試無防的心態入咗來。
屋企人叫咗咖喱牛肉定食，來到卻是吉野家式的大碗蓋飯ˊ_>ˋ，牛肉切得比吉野家厚，份量都ok,算抵食，我叫咗鯖魚配湯烏冬，很正宗港式日本料理 金x郎的風格，一點都不日本的淡淡淡湯底，鯖魚是即燒的，外皮燒得不錯，三文魚腩令人失望，沒味嘅 也是很金x郎，但$58不太值，只有6片。不過有令人驚喜的，日式薯餅$30 好好食，紫色蕃薯加栗子粒，跟Suzuki cafe的一樣，但味道不會有過份調味太甜的感覺，淡口一點，幾抵食。
服務員連入來講幾多位都搞錯，掛住睇電視，可能悶咗好耐，有制服但超怪好似無著褲咁，也不主動添茶，要客人叫先會過來。