久違食好西 🍽
隱世大廚主理 👨🏻‍🍳
驚喜不斷嘅一餐 ☺️

菜式會更改不重複 📜
鍾意食嘅盡快食多次 🤡
改咗餐牌有錢都食唔到 😂

前菜豉椒炒蜆同枝竹羊腩 🐑
可能你會問點解我見唔到嘅 🙄
因為佢哋用咗另一個外貌呈現 🥴

除咗滿足味覺同嗅覺仲顧及視覺 👁
例如佢嘅椰菜花湯完全顛覆我理解 😧
自問非常唔鍾意椰菜花但成個湯飲晒 🍲

其中一個非常推薦必食嘅係卡邦尼雲吞 🥟
洋蔥打成醬汁配切開係我至愛嘅流心蛋黃 🍳
除咗有打開禮物嘅感覺亦能保持蛋黃嘅質感 🤤

第二推介係我出咗名唔食絕對唔會試嘅牛油果 🥑
上面係之前食尼泊爾菜見過嘅脆脆包三文魚他他 🐟
證明大廚好有心思地用咗各國特色為食客製造驚喜 🎊

三推煙燻乳鴿我覺得非常好食肉質鮮嫩而且唔會油膩 😋
要知道出面食乳鴿好多時一係好乾一係好油半隻已經滯 🤢
冇廣告冇收錢冇誇張今次絕對係我平生食過最好食嘅乳鴿 🍗

如果大家只係想享受美食又或者想要驚喜感受一下視覺衝擊 💥
不妨可以嚟太子呢間餐廳試吓順便飲番幾杯調劑一下忙碌生活 🥂
話埋俾大家知如果晏晝嚟真係要早啲否則有排等因為晏晝食勁抵 🤫


Divine 119 ：
太子荔枝角道139號地下

喜逢連休 🗓 約為食靚女 👩🏻‍💼 一齊騷吓長腿 🦵🏻 冇比較就冇傷害 😭 輸咗對腳贏咗餐飯 🍽 呢間我一直想食好耐 🤤 終於等到有美女相伴去 ☺️ 仲要佢返工午餐特登過嚟 😘 選擇困難叫咗一汁三菜便當 🍱 除咗三款漬物慢煮蛋同茶漬飯 🥚 仲可以五選一揀一款心儀嘅主食 🥘 今次我哋加十蚊揀咗清酒蒲燒鰻魚 🐟 雖然感覺唔到有酒味但比平時嘅清新 🤔 鰻魚肉夠晒肥美但係唔會覺得濃味好膩 🥰 個人非常欣賞佢嘅茶漬飯用日本穀米御飯 🍚 撈埋紫菜芝麻飯素夠哂香口仲保留飯嘅口感 👍🏻 食完仲叫咗個蟲二特色甜品：伯爵茶傳統班戟 🥞 一睇菜單就俾佢嘅燒海鹽芝士忌廉醬成功吸引咗 🧀 再加埋牛乳雪糕同百花蜜根本就係為我而設嘅菜單 😂 當然我都不忘同我撐枱腳嗰位鍾意飲茶嘅靚女Foodie ☕️ 雖然本身已經叫咗茶飲不過伯爵茶配甜品都出名超級夾 ✨ 只係估唔到佢連個班戟都咁有驚喜班戟內竟然有紅豆麻糬 😍 除咗好好食之外成件事仲超級符合我對面位靚女嘅日常角力 🤣 大家去試嘅時候記得叫埋睇名就知我叫嘅櫻花忌廉草莓泡泡啤 🍺 蟲二： 旺角上海街618號頂樓

放假相約 👭🏻 一齊食好西 😋 同事成為朋友 👩🏻‍💼 其實真係唔容易 🥰 今日想休閒咁渡過 ⛱ 所以揀咗呢間咖啡廳 ☕️ 雖然我哋兩個都係為食 🤭 因為佢個菜單真係好吸引 📔 個傻妹叫咗好襯佢嘅超級餓 🤰🏻 我就揀咗龍蝦汁軟殼蟹天使麵 🍝 休閒傾計梗唔少得懶人小食拼盤 🍱 加埋紅棗茶同白桃沙冰埋單三百幾 💰 好彩好眼光我今次真係又冇揀錯餐廳 🍽 呢度除咗環境舒適啱晒同朋友敘舊傾偈 💬 而且食物同飲品都好高質令我哋非常滿足 ☺️ 必試天使麵個軟殼蟹簡直大到有啲難以置信 🦀 90s Lazy： 旺角山東街50號1-2樓

久違放假 🗓 又出街食辣 🌶 今次有魚頭田雞 🐸 人生第一次原隻食 🤭 唔知大家會唔會抗拒 🙅🏻‍♀️ 我自己就其實幾鍾意嘅 🤔 講返呢間新開嘅重慶辣鍋 🍲 香辣湯底中間有唔辣羅宋湯 🍅 除咗貼心外你仲可以當濃湯飲 🥰 打邊邊之前首先叫咗個無骨鳳爪 🦅 除咗香麻夠入味之外佢仲用咗烏雞 🐦 唔知食完係咪真係會滋補又養生啲呢 🤗 另外必試嘅就係重量級嘅古法生摳鵝腸 🦢 雖然冇連帶肥美嘅脂肪不過食落完全唔韌 🤩 比起冇多餘加工嘅招牌毛肚多一份爽脆彈牙 👍🏻 既然係兩個女仔去食嘢點少得叫返個特色甜品 🍮 今次就叫咗個出面比較少見到有嘅創。世紀冰粉 🍧 專人服務而且無添加只係用桂花紅豆等天然去調味 🌸 其實我覺得湯底本身已經非常出色唔需要另外點醬汁 🍯 不過因為佢嘅醬汁枱實在太有特色所以都過去影咗張相 😂 而且仲有好多嘢想試不過驚眼闊肚窄食唔晒浪費唯有下次 🤷🏻‍♀️ 哥老官重慶美蛙魚頭： 尖沙咀厚福街8號H8 1樓

真心愛 Churros 🥰 第一次係響韓國食 🇰🇷 食完一次就勁鍾意佢 🤤 最近上網見到呢間新開 🆕 放假即刻要去朝聖試一試 🤩 睇完個菜單發現全部都想食 😂 最後揀咗其中嘅至愛士多啤梨 🍓 Wonderland 鮮士多啤梨同雪糕 🍦 酸酸甜甜配上外脆內軟真係冇得輸 😍 其實佢有好多種購買方式俾大家選擇 🤔 最基本就咁食或者加一啲醬同埋脆脆粒 🥨 甚至係加上新鮮生果或者冰凍雪糕一齊食 😋 Twist & Buckle： 尖沙咀漆咸道南29-31號溫莎大廈地舖

終於都放假 🗓 即刻約好朋友 👭🏻 享受悠閒下午茶 ☕️ 因為知佢鍾意貓貓 🐱 特登帶佢去試吓呢間 🍽 成個下午茶都充滿貓貓 🐈 由咸嘅迷你三文治芝士酥 🥪 到鬆餅蛋糕貓咪曲奇馬卡龍 🍪 每樣都充滿貓貓同色香味俱全 😋 一邊飲住花茶一邊享受寧靜放鬆 🖼 舒適地傾吓偈講吓八卦嘢咁就一日 🕟 所以其實幸福真係可以好簡單就擁有 🤗 ～森林搖籃曲～ 小三文治出奇地脆，好有驚喜 貓貓馬卡龍除咗好靚仲要係榛子味 千層酥入面仲有流心，超級啱我哋口味 DK Cuppa Tea： 上環新街市街19號地舖

逛尖咀 🛍 順便買帽 🧢 見到有甜品 🤩 即刻狗衝試吓 🥰 呢間舖頭除咗靚 ✨ 主打特色口味雪糕 🤤 配搭唔同類型嘅甜品 🍨 成功襯托出唔同嘅效果 🤗 今次揀咗榴槤味配黑色筒 🍦 鍾意食榴槤嘅人一定要試吓 👍🏻 仲有荔枝混竹炭配脆皮雞蛋仔🧇 竹炭可可椰子味道獨特朋友大愛 ☺️ 唔想食雪糕嘅仲有沙冰同茶可選擇 🍵 雜莓沙冰超合我心而杯果茶唔會好甜 🍹 最後仲有口痕叫咗嘅新鮮熱辣地瓜脆條 🍟 響別緻嘅店內一路食一路飲傾偈談心超正 😘 DAMA： 尖沙咀梳士巴利道18號Victoria Dockside K11 Musea 4樓411號舖

享受假期 🏖 可惜無得飛 ✈️ 唯有食餐好嘅 🍽 今次泥到尖沙咀 🥂 過泥通常係去酒吧 🍺 所以好彩無揀錯餐廳 🥰 價錢唔算平但高質合理 😋 批薩成功榮登我嘅第二愛 🥈 有其他批想試但首選煙三文 🥴 芝士好香而且有完美拉絲效果 🧀 煙三文唔會太咸而且有菠蘿減膩 🍍 餅底正常質素整體而言值七十五分 🍕 不過今次要特別推介焗田螺同藍青口 🐚 九十分有誠意有質素由鮮味到調味都好 👍🏻 我同朋友兩個食到停唔到口簡直回味無窮 🤤 就連個藍青口附送嘅蒜蓉包都外脆內軟完美 🥖 溫馨提示： 原來上網訂位有折扣可惜我即日搵所以冇得訂 🤢 Smoked Salmon Pizza USDA Prime Beef Wellington French Baked Escargot Sun-dried Tomato White Wine Cream Sauce Sautéed Australian Blue Mussels Crazy Juice 🧉 彌敦左岸： 尖沙咀赫德道5-9號德裕中心地下及1樓

妹生日 🎂 絞盡腦汁 🤯 請朋友推介 💭 搵到呢間好嘢 👏🏻 我妹享受生活型 🌝 閒時會去吓咖啡廳 ☕️ 仲要成日見佢食好嘢 🤭 做家姐嘅點敢怠慢是但 🥴 好彩呢間完全冇令佢失望 ☺️ 由座位至景觀到嘢食同甜品 🍮 首推呢個三文魚人生食過最好 🏆 可以嘅話短期內已經想再去多次 🥰 中文譯係龍蝦汁鰻魚魚子慢煮三文 🐟 講真正常而言我都幾唔鍾意食熟三文 🙄 應該話除咗煙三文之外我唔會食呢種魚 😅 不過妹生日佢想食所以當然睇佢頭叫嘢食 👸🏻 後面將所有嘢切半擺好嘅相可見到魚肉鮮嫩 📸 食完個魚就覺得個雞脾只係不過不失無乜驚喜 🤔 不過頭盤都揀咗嘅 24 Months Aged Parma Ham 🥓 本人覺得配襯咗黑松露醬除咗新鮮感仲提升咗鮮味 😍 整體而言呢間餐廳係瓜響六月食過最好食嘅其中一間 🍽 Penthouse： 銅鑼灣登龍街1-29號金朝陽中心2期Midtown30樓

銅鑼灣行街 🛍 近近地天后食 🛣 想試吓啲新鮮嘢 🤔 就睇中呢間Kebab 🌯 果然不負所望勁好食 🤭 兩個女仔分咗個夏威夷 🏖 諗住有啲菠蘿唔擔心食膩 🍍 原來已配軟腍雞肉大量蔬菜 🥬 貪得意叫多咗個油炸鷹嘴豆餅 🧆 炸得夠乾身唔會食完覺得好油膩 😋 而且蒜味同薄荷味兩種醬汁都好食 ☺️ 其實最想食係芝士薯條不過朋友細食 🍟 Kebab Hawaiian BBQ Chicken & Falafel Habib’s 哈比斯燒肉串和咖哩： 天后電氣道83號利景閣地下7號舖