今日本來買外賣, 點知一落街落雨, 而且有少少想食其他野, 就諗起上次經過既黑木堂。
第一次去係去拉麵店, 果時唔知原來附近有間食魚生既黑木堂。
果次記得係食蒜油拉麵, 味道唔錯, 不過份量比較少。

今次第一次黎哩間, 睇相賣相一流! 好吸引!
個人比較中意食熱野, 叫佐個燒豬腩飯個兩串燒豬腩好香好正!
飯都好有黏性, 蛋絲都好多!三色丼, 好新鮮, 份量都唔少, 都幾好食!

另外值得一讚係啲茶, 好多日本餐廳啲茶都係有色無味。
哩間啲茶唔算濃, 但起碼真係飲到有茶味。

可惜下午無串燒, 有少少失望, 唯有下次再去食晚飯。

夜晚行過CWB, 搵唔到想食既野, 就行去灣仔諗住食泰國野。
行到門口, 女友突然想食隔離間串燒, 就指住 蒲田 門口啲相。

入到去, 人都幾多, 見到有個 Bar Area, 放佐一啲生豪, 睇落都唔錯。

一見到Menu有牛舌串燒, 唔洗講已經決定要叫,
因為牛舌已經變成我地見到Menu有就必食既食物之一。雞軟骨串燒: 凍佐啲同炸得乾佐少少牛舌串燒: 真係好好食, 好香而且唔乾, 味道仲啱啱好

食完即刻叫多一碟,記得趁熱食!黑豚肉豬排拉麵: 味道唔錯, 豬排淡佐少少, 不過肥瘦恰當, 麵我個人覺得淋佐少少冷烏冬: 哩個真係唔錯, 放埋啲薑茸落去啲豉油度, 真係帶出佐薑既香味同鮮味, 麵條都好彈牙魷魚鬚: 無咩味而且硬同凍佐少少

整體黎講都唔錯, 係有少少衛生問題:
1. 用手背抺咀再上菜=.=
2. 食物盤有水整濕佐佢隻手, 個侍應可以唔理後面有無客, 向後彈去後面張枱……

仲有一樣唔滿意就係, 點解張張枱唔放個水樽, 係要放係我張枱, 幫完其他客倒水又放返係我張枱。
成餐飯震黎震去! 點解唔放返係水吧枱呢?

當時唔出聲係見到佢地好亂, 好手忙腳亂。希望可以有改善!

下午兩點左右, 唔知想食咩, 就一路行下睇下, 啱啱行到哩間店門口, 一直都想試一次就決定入去。
可能已經過佐繁忙時段, 客唔係好多唔需要等位。

環境都幾舒服, 服務都唔錯。

之後叫佐兩個 Set Menu:牛肉烏冬, 味道唔錯, 可惜湯太甜。
牛肉都好鮮。海鮮烏冬, 隻蝦可惜在浸淋佐, 不過鮮味搭救。

因為Set有跟飯, 所以都好飽肚, 但可惜唔係用日本珍珠米, 總覺得差佐啲野!
不過都會再返去試下其他菜色。
 

油渣，我印象中只係得油炸的，而且只有我呀媽呀爸個年代先興既野食。但佢唔係，而係好似水煮咁～
雖然無香脆可口，但肉香的味道卻不錯，不肥膩！

餐牌就只有幾樣，腸，雞翼同菜～
腸仔無特別，雞翼卻有家的味道，家庭式的煎雞翼，
菜也只有幾種，但我每一次去，碟菜都係非常翠綠
同級食店黎講，未食過一間次次去的菜都咁靚！

整體黎講，佢唔係好食到非食不可，但食過一次都會想再食多次
特別一提，加埋辣椒油，碗麵仲正！

話說係街見到人派傳單，女友想食放題。已經手拎一張另一間的傳單。最後決定再行多一陣睇多幾間先。 行到一度，好多人派放題傳單，咁有個仔突然插入黎，俾張雷門傳單我，又喺我耳邊不停講野……誇到呢，又話咩三大必食放題，又話約有十個明星食過…… 最後我都有入去，不過唔係因為佢講啲野，而係佢張傳單啲相真係幾靚幾吸引。 上到去，好多人，諗住無死啦，多人食唔會差到去邊。等位好快，約5分鐘左右， 禮貌還ok，係啲位好似好窄同個廁所唔係好clean。 野食放面，等既時間可以接受，但食物質素就唔好提，都要略略講下： 刺身，真係好刀工到呢，又薄又細塊，希靈魚刺身仲衰，手指尾兩節既大細.所有刺身同張tempo差唔多厚…… 基本上串燒之類都有雪藏味，係個燒雞串幾好，壽司真係omg,舊舊飯都散，個曼魚壽司不如唔好出把啦，又薄又散，完全唔似曼魚！ 叫佐個清湯牛肉咼，清湯就好似水加小小味精，味精水…………牛肉有啲好似切細塊上…… 整體黎講，食一次就算，比得咁既錢，度度放題又差唔多，就算食物質素差都無哩間咁差。 題外話，我好想問返個仔，佢口中既明星係唔係好似古裝劇企後排啲士兵，一出場比人插一刀然後哎呀！嗰啲！