John Cool 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2019-10-11
夜媽媽做完嘢又攰又肚餓,一個人行行吓去到華麗廣場見到間自已攞比佢燒, 老闆兩夫婦都好熱情,問我係咪啱啱收工?第一眼就比佢睇穿咗😩, 就決定比你燒~突然諗起日劇「孤獨的X食家」 我比較鍾意食海鮮,所以就揀多啲海鮮食 蒜芯:爽口、多汁 韭菜:呢個時候係咪當做呢?唔痴牙喎 白鱔:男人必食,因為我鐘意食😂 多春魚:一啲都唔苦,食到個肚位置就好爽口👍🏻 牛舌:咁岩撞正老闆即整即燒,啲牛味非常出👍🏻👍🏻👍🏻 金菇肥牛:一般般,因食唔出係牛味 黃花:一夾就骨肉分離,食落有口感,絕對新鮮👍🏻👍🏻 燒魚干:有啲硬 可惜呢個時候無啤酒,老闆話要我去轉彎士多買,仲叫我揀啲凍嘅比佢幫我雪 題外話/補充資料: 食食下突然有個小妹妹係我面前跳舞跟住同我揮手,夜媽媽咁恐怖,突然聽到有把女聲大叫 : "唔好攪住哥哥食嘢啦,快啲過嚟食埋碗麵"😅 原來呢到有麵食,但我已經好飽食唔落推介美食: 蒜芯, 黃花, 牛舌;, 白鱔;
評分: 味道 4 環境 2 服務 5 衛生 3 抵食 4
2014-06-20
身邊有好多同期生日朋友及同事,今日跟一位同事出去食wine lunch,特別搵個坐得舒服Greyhound,有”咕順”梳化位,叫咗支白酒,慢慢傾下緊 頭盤 炸雞(不過無啤酒):唔錯有水準,以一開二上台易容易 Carbonara : 真係想唔到會咁差,醬汁似水,完全水還女,粉還粉,味道就好淡 漢堡burget : 多肉汁,口感嫩滑,夠水準,好味, 題外話/補充資料: 服務水平唔太表揚,已分開叫頭盤、主菜等等,再有一支酒,但上菜就全部一齊上晒,全台面都係嘢食,好似係間茶餐廳食飯!
評分: 味道 3 環境 4 服務 2 衛生 4 抵食 3
2014-06-20
Happy Birthday to you ! 因為生日太多人約食飯,同事今早就約定我食lunch,所以安排咗一點去新世紀搵嘢食啦,最後決定健康又舒服嘅三文治店 健康嘅同事就食碎蛋焗薯仔,佢就覺得味道軟腍,新鮮薯仔味,伴菜脆口 我點咗挪威三文魚沙律餐,有磨菇忌廉湯,咖啡。 磨菇忌廉湯:忌廉及磨菇味濃郁,磨菇口感就非常乾 挪威三文魚沙律:三文魚一般,沙律油味道鮮明,但口感最吸引係蘆筍仔,非常嫩口汞新鮮 咖啡:Cappuccino 整杯味道好平均 推介美食: 挪威三文魚沙律
評分: 味道 3 環境 4 服務 3 衛生 4 抵食 3
2014-06-20
三五知己探朋友途中見到有間麻辣嘢,比佢門口嘅大海報吸引住,所以係門口睇下食乜嘢,原來係”麻”同”辣”嘅粉麵和串燒,我自已對”麻”味道都幾偏好,決定同友人一齊去”挑機”,希望唔會失去味覺。 入到舖頭都幾地道,以四川、重慶擺設,啲姐姐仲要著住件好民族風味圍巾,一見就知係佢啦”落單”,見到有支重慶”乳奶”想叫,民族姐姐話擺設唔飲得喎。 食物嚟啦... 燒馬友:夠新鮮、入口香滑、有重慶味道同時不失魚本身味道~辣度(微辣) 燒雞亦:真係燒,唔炸完再燒,而且有雞味,肉質剛剛好~辣度(小辣) 燒雞脾菇:嘩嘩...原來可以燒,呢個係我個人認為最勁,因為菇類好快乾身但又要熟,真係考功夫及細心,入口有口感(噱頭),保留有菇菇味~辣度(中辣) 燒韭菜:重慶串燒必有,所以試下,都唔錯~辣度(中辣) 羊肉串:唔太羶,肉味濃厚~辣度(小辣) 燒蕃薯:細細粒,食落方便,香甜,又健康~辣度(無辣) 燒魚干:唔夠干身~辣度(無辣) 牛肋骨:入口惹味,肉質嫩滑~辣度(中辣) 食完啦,但唔覺有”麻”,問下民族姐姐點解唔串串燒”麻”? 佢笑著答我 ”靚仔,麻辣燙係粉麵,要幾麻有幾麻, 串串香係串燒,要幾辣有幾辣” 好,下次我就嚟試下你地有幾麻? 推介美食: 燒雞脾菇;,燒雞亦
評分: 味道 4 環境 4 服務 4 衛生 3 抵食 4
2014-06-07
同家姐食飯傾計,想飲杯紅酒,但又想食啲濃味嘢,所以揀咗呢間泰國菜,諗住坐得舒服咗慢慢坐,整體食物都有水平,可以嚟多次,因為座位舒服! 頭盤 沙律: 木瓜沙律 味道特出 / 有口感 / 唔夠凍 酒 : House red 揀得唔錯 / 淨飲偏酸 / 食物入口後酸味全無 / 配得好 / 有前後分別 / 原本一杯隨後再叫一枝 主菜 青咖喱蟹 正常 / 味濃 / 唔太辣 / 夾酒可以 / 有肉質 / 夠新鮮 / 肉質滑 配菜 香酥簿餅 新鮮 / 唔太油 / 夾青咖喱 飲食 Pathai 有口感 / 蝦夾口 / 味道一般 服務 有水準 / 只限經理 推介美食: 青咖喱蟹,青木瓜沙律
評分: 味道 3 環境 4 服務 3 衛生 4 抵食 3
|