本來約左幾個朋友去茶樓聚下舊, 一開始係建議去茶樓食，

但有位朋友說最近見到間店名極為有趣的茶館, 仲要係通宵營業，

我地大家都未試過

於是乎,  就咁決定了試依間肥婆。

其實依間野係中午時間會好多人，多做街方生意

其它時間段唔駛點等，間肥婆係正下環街百佳對面，極好搵。依間野環境一般般，但勝在入面既野超抵食。

嚴格黎講，6個人食到嘔竟然先係200蚊有找。

蝦餃係即叫即蒸。其它點心都可以出面自己攞, 然後叫個阿姨劃點心紙。雖然唔係大酒樓既質素，但勝在24小時營業，同埋價錢實惠。中午時份我會建議叫個魚腩食下，新鮮一D都唔腥。如果，你行街行到攰攰地，想搵個地方休息下，飲杯茶，肥婆都係一個唔錯的選擇。

打風落雨，都真係冇咩心情行好遠食午飯，
今曰跟同事去到國泰食午飯，其實皇朝依頭, 邊到都貴，冇咩性價比可言，
國泰做的是打工仔生意，所以唔好期望有好好GE服務態度，簡單一句話自己顧自己，到左自己睇菜牌，叫飯。

食左依間野快一年，我個人覺得最靠譜的有以下幾款:窩蛋牛肉飯就真係一直生蛋打上去 ，有D朋友頂唔順的話就最好唔好咁叫，食既時候整爆隻蛋同換飯攪暈佢。咸蛋肉餅飯既肉飯有D似屋企媽媽整既肉餅, 肉餅偏咸，鬆軟好食。其實鳳爪排骨飯我會比較鐘意食佢既鳳爪，味道就係茶樓果D，整體黎講, 還可以。

如果專登黎國泰食，我又覺得絕對冇依個必要，但如果你係依頭番工，又近依間野，我會認為國泰又係一個打工仔食晏選擇。

今日係爸爸生日，而且又好耐未食過鮨味亭，又冇咩特別想食, 於是乎一家人重臨舊地，黎到鮨味亭慶祝爸爸生日，鮨味亭有2間分店，我地選擇左去海富花園果間，因為海富果間相比高士德果間鮨味亭寛敝唔少。而且渣私家車的話可以泊係栢惠。

我地Book左枱8點，一去到就己經有位子。如果想去鮨味亭食既朋友，特別是週未，一定要打電話去預約，因為如果等位，可能要等半小時到一小時。Anyway, 入番正題，到左之後坐左一陣, 個服務員就遞左個菜單俾我地，個菜單入面既菜色幾靚，但美中不足的是，個餐牌己經爛到不堪，不過無妨。

落左單之後, 好快就上左第一味，亦係我至愛三文魚蟹籽薄餅 (三文魚壽司薄餅 -我都唔係好清楚叫咩名 MOP38)。三文魚蟹籽薄餅，其實就係飯餅炸到外層脆卜卜，然後再係上面鋪滿三文魚碎同蟹籽，然後淋滿BB Cream, 食落去層次感十足，又脆(飯同蟹籽)又軟(三文魚)。依個薄餅係4人至5人份量，2個人唔建議叫, 會好膩。海龍皇卷物其實就係鰻魚卷物，但特別既地方係用炸蝦同青瓜包係裏面，食落會好爽口，而且饅魚亦不過不失, 推荐。鵝肝, 依個其實幾好味, 但好膩油左D，鵝肝SIZE大概係四份之一隻手掌咁上下大。牛肉火鍋入面係7成熟左右的牛肉片，加上蘑菇、金針菇同埋生菜，面頭有隻半生熟的蛋。整個鍋物做得很不錯，磯燒生蠔, 老實講同上次食千色的味道差不多，但千色的蠔比滋味亭大隻好多，滋味亭勝在數量多，有6隻。黎到日本料理店，當然都要試下佢既壽司，我會推荐三文魚腩壽司同吞拿魚壽司，吞拿魚壽司同埋三文魚腩壽司都幾鮮甜肥美。最後，我地最後叫左個冷麵同埋主打窩拉麵，賣單大概7百幾元澳門幣。

我平時都好鐘意睇下日本料理店的店內裝飾，噫, 細心睇有驚喜，完來食左1個鐘多少少，依加時間係蛋壽司。

前幾日同左一班同事去左公司附近食LUNCH, 由於放飯時間, 好多間食店都無晒店。

咁啱上行咖啡有位，未試過就入左去，試下食個中午飯，食完之後，確實有少少驚喜。

講番位置先，上行咖啡位於皇朝倫敦街環宇豪庭地下(即是聖約瑟大學果條街，味皇正對面)

推開門入去其實就己經感受到很強烈既葡式咖啡店味道，但可惜樓下無空位，我們就上了二樓用餐，二樓的怖置顯然跟一樓的格局有很大出入，無裝修似的....強烈建議大家在樓下用餐，二樓比較悶熱。講番上行咖啡的Set Lunch，她的set Lunch是每天轉變的，我概括為3類，MOP50, MOP55 和 MOP60。套餐都跟一個餐包, 一杯飲品 以及 一個主食。我點左個菠菜大蝦意粉，飲品方面選熱奶茶 (注意: 凍飲要另外加3蚊)

坐左一陣, 服務員就拿了一小籃餐給我們，餐包係甜既，而且脆卜卜，喜歡食咸餐包既朋友仔可能會有D失望，其實我都係鐘意牛油配咸餐包。Anyway, 主菜來了, 意粉可圈可點，意粉汁味道偏濃, 汁很重cream 味，蝦係幾爽口但可惜冇咩蝦味(應該用鹼水腌左幾耐。)我同事就分別點左:由於我冇食過，只能靠大家無限的想像力，但同事都認為味道是不錯的。

冇獨有偶，今日我們再一次到上行咖啡午餐   好!! 今次就試下星期二的匈牙利牛配飯

我認為今次的匈牙利配飯的汁做得不錯，其實係有D似食緊牛腩飯，牛腩鬆化易嚼不黏牙如果食午飯，我認為上行咖啡都算是一個不錯的選擇,  服務幾好, 食完飯會主動俾一杯水你，食完又會馬上幫你收拾桌面,  而且又冇咩蚊滋，總體黎講，幾好。

有時候, 出面條街熱辣辣, 屋企人有事唔得閒煮飯; 又或者想係屋企他他條條，睇住電視坐係sofa嘆冷氣，依個時候有咩好選擇? 我會推介大家試下「鮮味市場」。

鮮味市場係一間外賣自取的日本料理店(不設堂食)。入到去會有己經提前整好個拼盤, 或者定食即時購買, 當然就會平D, 如果你有特別要求, 或者那些拼盤不合心水, 也可以即場叫師傅按你要求做。

我會建議大家如果點15件以上的拼盤，為左可以節省等待時間, 可以先上網或去他們店裏拿一張他們的點菜紙，然後打電話叫他們做，咁就可以慳番唔少等既時間。

價錢方面, 壽司都維持MOP 10 左右一件，味道方面唔駛擔心，絕對信得過。衛生方面我認為中上吧, 我也不敢講很好，始終街邊鋪。 如果想食外賣壽司, 又唔想食10蚊4件的話，鮮味市場係你既不二之選。

由於後日準備離澳數天，於是屋企人就諗住同我食番餐好既當餞行。今次就黎到「千色」，千色其實有幾間分店，今次我地光顧果間係高士德果間 (開心天地對面) ，千色有上下二層, 我會建議上二樓用餐, 因為環景比較寛廠舒服。未入門口，己經比門口的日本娃娃吸引, 一個個陳列櫃展列出日本木偶，因為我地係BOOK左位, 所以都唔駛等，服務員帶我們走上二樓, 用心看會看到墙壁掛滿日式風情的掛畫。回到正題，今次我地係黎食日本料理, 刺身丫什麼的, 反正就係日本野, 但沒想到原來拉麵才是最好味的 (後面會講 ) , 我們就隨便點了一些今天師傅推介的美食。第一個上台既汁燒牛肋骨拉麵, 拉麵爽口彈牙, 拉麵比較幼身, 我想是比較符合港澳人的口感，唔好睇舊牛肋骨黑媽媽以為好"濃", 塊牛肋骨好入妹, 而且十分嫩(唔係淋) , 另外湯底唔會太咸，推薦。藍天使蝦壽司 - 其實我本人唔食得蝦，特別係生蝦, 食完個喉嚨一定唔舒服，但我都係試左隻, 因為貌想實在太吸引, 依隻藍天使蝦十分新鮮, 食落去一D都唔霉，蝦身晶瑩剔透，而肉質卻實淨彈牙。推薦我重點想講海胆, 落單前其實一直考慮要唔要點依個, 但師父推薦咁就試下啦。果然無另我地失望，海胆入口甘香，一D都唔腥, 旁邊還有拖囉壽司，可以張海膽同拖囉壽司一齊食, 感覺更好。黃金焗蠔 - 黃金焗蠔除左有新鮮肥美既蠔之外，係上面更鋪左芝士同芒果，食落去酸酸甜，好開胃。

之後再點多個鮮濠野菜湯(2-3人, MOP40), 個湯好清甜好入味，面鼓湯另一個好的選擇。

最後賣單既時候, 服務員很有禮貌地再問我們要不要再加水。對於這一餐, 我好滿足，價錢亦都不會太誇張, 最後四人賣單加埋服務費係MOP625 ，另外, 點菜前不妨問問師傅或服務員當日有什麼特別推介，相信會有不錯的收獲。

總括來說, 千色是一個食日本料理既好地方。

今日約左個朋友一起食LUNCH, 點知朋友臨時有約, 結果得變左得番我自己一個人搵美食, 由於星期天, 心血來潮去了氹仔漁屋食LUNCH。

為什麼說平民日本料理店呢，原因是若果50元的SET LUNCH有三文魚、有烏冬, 我認為在氹仔是十分不錯的選擇，漁屋也不是第一次光顧，第一次光顧是大學時期，跟一位大學朋友聚舊，才認識這個地方。好吧, 不囉唆, 直接進入主題。一開門, 你會聽到悅耳的風鈴聲。原來她們門口掛上了風鈴，好有心思  (門要自己打開的，不是自動門哦)進門後, 我選擇了吧台, 原因是我很喜歡看著師父料理，但看似師父好緊張呢，不停看著我。我坐好之後, 我就選了我經常選擇的B餐 - 三文魚親子飯 + 蟹籽沙律 + 紫菜湯烏冬今次這個飯上得好快哦, 不用3分鐘就放在我的面前了，師父好快手  這個三文魚親子飯，以性價比來說, 我認為是中上的。不用一會, 沙律也送上來了，這個沙律我認為是可以接受的，不能用好食和難食來形容 當我食到一半，烏冬也上台了，其實我一直好唔明為什麼要將烏冬設定係套餐裏，既然有飯了, 再吃烏冬感覺很不舒服，我寧願要個面豉湯, 但說實話，這個烏冬只是中規中矩。

整體來說, 50多元的午市日本套餐是可以接受的，環境舒適，適合趕時間的上班族或同學聚舊。

趁住週末假期天, 同朋友二人一起去搵美食，今次決定食拉麵，係朋友GE推薦下去左拉麵小路食拉麵，去到剛好不用排隊 (**過了幾分鐘後, 看到後面排著10多人等位) 。

地點: 拉麵小路位於新馬路美景大廈 (華橋報斜對面)拉麵小路是一間充滿日式風格的拉麵店, 由於枱不多，所以要搭台同街客一齊食，不過對面枱都好NICE, 邊食邊跟他們聊天。師傅都十分專心的在製作我們的麵呢我叫左個沾麵，沾麵整體不錯，麵爽口彈牙，配料新鮮，加上我最鐘意食GE糖心蛋，一口咬落去，半熟GE蛋黃香味溢滿口中，正!!~ 麵份量吾少，成人份量。

另外再叫左個煎餃子，貌相還是蠻一般的, 但食落口, 又係另外一回事，餃子皮脆多汁, 建議大家趁熱食，凍左會好多油同埋會林。

澳門拉麵店黎講, 拉麵小路我認為做得幾唔錯, 地點黎講, 我認為澳門人應該不難搵, 但對於遊客就會有點難找，注意一點就是，拉麵小路是逢星期二休息的，而且營業時間頗短(中午12:30至夜晚9點半), 值得一試。

今日約左個朋友，一齊去三井食日本料理，三井係位於南光百貨3樓，到2樓坐扶手電梯就會進入三井GE懷抱，仲未完全踏入門口，就己經聽到服務員很專業地大喊「伊來寫 嘛謝」(歡迎光臨), 哈哈，未食就己經很受尊重的感覺。

好吧進入正題，服務員帶我們去找了個窗邊位坐，然後二話不說就拿了水壼幫我們倒熱茶，然後拿出餐牌放在旁邊, 叫我們慢慢選擇，服務態度真是一流。加上一個豆腐鍋，同幾客三文魚壽司，最後食完之後2個人承惠600多元，價錢來講還算可以接受，如果間唔中要食下日本野, 三井係一個唔錯既選擇。

平時行過漁人碼頭都會經過門口幾次，而泰國菜平時又好少食，所以一直期待入去試下廚泰入面既泰國菜。剛好今日有事要去漁人碼頭出席個展覽會, 就順勢打個電話BOOK位，試下佢。

去完個展覽會, 時間大概時8點幾，屋企人先到了，廚泰是靠著海邊的，可以選擇座室外同埋室內，係室外用餐，當然最正既就係可以睇澳門夜景，但咁啱下午既時候有落日，枱櫈周圍都濕泣泣，我地最後選室內用餐，我建議如果唔係落雨既話，優先選擇室外，環景氣氛絕對無得頂。

一坐底就見叫到本好精美既餐牌，不過一揭開睇就有D兒戲，菜單裏的圖片看了就不想吃，所以我還是憑感覺叫菜吧。服務方面，真是可圈可點，不知是聽不明廣東話還是什麼(應該是外藉人士吧-泰國人?), 落單既時候總是問非所答。另外再叫了個菠蘿炒飯同埋2個椰青飲料，4個人用餐叫左7餸賣單承惠600幾。