食完葡撻再食埋炸魚片米依然未飽
於是去埋隔離 lee 間咖喱一哥試下有幾勁先 !

叫左個咖喱牛尾麵同咖喱豬扒包 share

咖喱豬扒包先到，熱辣辣但塊豬扒太乾，一般般啦
見佢 d 咖喱冇乜特別，都唔對碗麵有太大期望

碗麵一上枱，只見成碗麵好似幾辣咁喎，鋪晒成層咖哩
老婆急不及待又係時候飲啖湯，小心熱呀喂 !
果然不出所料，碗麵絕對熱辣辣，而且辣度十足，愈食愈辣
牛尾呢就好滑，吸晒 d 咖喱汁就簡宜係 PERFECTLY GOOD 啦 !
d 麵啖啖都索晒 d 咖喱湯汁變得超級辣呢 !
如果唔係咁辣真係想飲埋 d 湯呀 !

下次去澳門要再黎食過 !

本來諗住去添發食碗仔翅，好可惜撞正佢休息
於是行返出黎見到鳳城，諗起好多人讚旅遊書又有講，於是去試下啦 !

叫左淨魚角、鴨紅米、咖喱牛腩麵同水餃雲吞
慣例 d 食物一黎老婆係會試下啖湯先
嗯 ..... 果然係好味 d 架喎，好鮮既味唔似係味精湯
難道 lee 隻就係大地魚湯 ?
忍唔住飲多幾啖呀 !
再食下個魚角 ...... 好足料喎 !
咬落去好實實在在既肉類同菇菇，好味 !

之後到老婆個鴨紅米
老婆話鴨紅好滑比起香港果 d 豬紅仲要滑
不過我就唔敢試上，好似好噁心咁 ..............
雖然當時都已經 8 點幾 9 點過左食飯時間，但條菜依然好新鮮好爽

跟住就係我既至愛 - 咖喱牛腩麵
估唔到主打唔係咖喱但佢 d 咖喱夠晒辣又好好味
食到我大汗疊細汗咁，爽呀 !

最後個水餃雲吞感覺上就被魚角比下去了 ..............

咁岩有日見到有新食評
八卦之下入黎睇下
「噫，全部都係好評 !?」
同老公報告左一次後佢就某日主動話黎食喇

叫左個 set 包括 12 件自選壽司 + 8 件壽司 + 小食
12 件自選壽司試左好多未試過既款式，好有新鮮感
不過依然唔識分邊件打咩壽司
但食得出每件都係好新鮮 !

8 件壽司揀左雞捲，款式特別得黎又幾好食
件雞仲要係熱唔係凍的 ! 讚 !

中華沙律就係老公至愛
食到嗦嗦聲咁好味道 !

P.S. 雖然係剔紙仔再俾張紙仔落 order，但係係食完至俾錢架 !
一路食仲一路有一 pair pair 既情侶黎添

好想食辣野，見屋企冇食飯老公又約左人一於自己去試下先
間舖比深水埗既大好多 ! 坐都坐得舒服 D 呀 !

叫左豬肉五小辣
LEE 間 D 豬肉就老左 D
但個麵就煙軔好多好好味呀
個湯底都保持水準到我差 D 飲晒

間野比較夠冷氣又冇咁逼
所以今日食完冇以往咁熱死左

見所有食評都係好
於是今日拉埋老公一齊去試下先 !
遲人一步要坐 bar 台，都幾逼下 .......
叫左個登別湯底拉麵同地獄湯底烏龍麵
其實拉麵我都只係第三次食，但好好味呀 lee 到 d 拉麵
個湯底果然好特別，望落係好淡咁但其實好有味 !
連平時唔鍾意淡野既老公都偷多幾啖黎飲
不過個地獄湯底我就冇咁 prefer 了
同我想像既味道唔同，冇我想像既好味，但都幾辣下

另外叫左個麻辣雞軟骨，兩碗麵都食晒先黎 ...............
一 d 都唔辣既 ..........
不過我為左想食雞軟骨既爽佢係做到既
但 $10 我有更好既選擇 !

唔鍾意佢已經加一後找錢時仲整散個 $10 !
希望只係咁岩冇晒還原版 $10 啦

又黎寫食評喇 !!
今次又係買完串燒再黎買燒賣
不過今次係為左要加餸 !

唔知係咪因為落大大大關係 d 貨去得慢左
結果 d 燒賣濕左 d 腍左 d 冇上次咁爽呀
不過我依然係食到咁津津有味啦 !

多謝老公咁大雨都專登落去買上黎我食呀 ~

亂咁行竟然又會俾我搵到佢
估唔到原來係o係條巷仔
望落好抵，加埋一個餸都係同譚仔一樣價錢
但黎到真係嚇左一跳，好大碗呀 !!!
早知同老公 share 一碗啦

我地分別叫左酸辣紅薯寛粉同幼粉
我就比較鍾意寛粉老公鍾意幼粉 ( 但其實我係食幼佢食寛 )

仲叫左腩肉同豬紅
腩肉好似係一片豬肉而唔係出面既又肥又肉既腩肉，但都好好味好好食
豬紅唔係落左勁多味精，難得，good !

估唔到一碗麵已經飽到我地再食唔落任何野了
今次叫小辣唔算好辣
下次要試下麻辣

其實我係睇到真味日本料理先
今日行經眾安街又見佢係 sell 巨型三文魚以為係同一間就入去了
其實兩間有乜分別呢 ??

本來想食嘉樂點知間野落閘兼排晒長龍，於是就黎左 lee 到食先

叫左巨型三文魚刺身
估唔到 ........... 真係超巨型呀
我同老公見佢 d 脂肪分布得勁靚勁均勻，大家都估應該係三文魚腩位喇掛
同場見到其他人果碟係冇我地果碟咁靚架 !
$50 5 大件勁抵食 !!!!!!

另外叫左劍魚腩同帆立貝壽司
劍魚腩應該係厚得滯變得唔爽
而帆立貝係第一次食但已經愛上左佢啦，食落好魚甜好好好好味呀 !!!

最後再追加希靈魚壽司
黃色部份好爽好甜，但我硬係覺得 d 甜有 d 假咁
所以最後由老公包底

出荃灣前黎左佐敦既商務買書
買完梗係要過對面食返串魚蛋啦 !
今次 d 魚蛋冇上次咁腍爽左，好味左好多 !!!
結果食完一串要再食第二串過癮 !

另外今次仲試左鴨舌
冇我想像中咁爽啦，較腍同唔夠辣

見到有豬手下次去試下先得 !!!

上次黎 ....... 賣晒
今次早左黎，左望望右望望都唔見
唔憤氣於是問下係咪賣晒
好彩，Napoleon 淨返芒果味 !
GREAT !
唔知係咪新鮮整緊呢，要o係入面拎出黎架 !

買完拿拿聲拎返去慰勞等左我好好好耐既老公食
枉佢仲係咁嗌飽，早知買黎自己食啦
食左一啖之後簡直係欲罷不能，真係超好食耶 !!!!
d 芒果勁新鮮好鮮甜，d 吉士都好滑好好味呀 !!!!
不枉我用 $26 兼最高速即刻返屋企嘆呀 !

不過就食到成個嘴邊都係餅碎，哈哈 ~