好耐冇食過放題啦
見到「御滿屋」新裝修就試試佢先

我哋揀咗套餐A 77品，食物選擇好豐富
刺生壽司天婦羅燒物炸物小食……多到數唔晒
刺生都好新鮮👍🏽

一入到去見到比甜品櫃吸引咗😍
仲有飲品小食都係可以自助拎
最新奇係有清酒梅酒都係自助任飲架🍶

🤩最正係仲有馬來西亞榴連任食‼️
有分烤榴連同無烤榴連，我鐘意無烤多啲
好香好甜榴連味

甜品都好多選擇，可以自己吱軟雪糕
雪糕櫃都有大量唔同種類雪糕雪條
🤤仲有movenpick雪糕作結perfect

職員話生日月份嚟4人以上仲有蛋糕送🎂
快啲預約啦！
📍 御滿屋日本料理 (荃灣)
荃灣眾安街55號大鴻輝(荃灣)中心10樓

今日落雨，把傘濕晒，入店前職員要求把遮插係門口既遮筒，我地又廢事滴濕人地間舖，咪照擺，跟住我地就去上層食野。

點知食完番落去拎傘，發現把遮唔見左，出面仲落緊雨，我地同戴眼鏡既女肥職員講，佢只係hea應一句，唔好意思，跟住望都唔望我地，愛理不理，仲避開我地眼神，之後見我地繼續企左係度，就求其拎左把傘比我地，然後繼續掛住收錢做生意做自己野，完全冇諗住幫我地解決問題，好過分！
佢服務態度好有問題囉，我地唔係計較把遮冇左，而係佢既態度！完全感覺唔到佢既歉意！
奉勸各位所有大小財都係跟身好啲，佢地好唔負責任。呢啲趕客既行為以後唔會再黎！

見團購$48一個set咁抵，買左兩個burger set試下，包埋飲品同薯條

去之前上op睇下啲食評，都有心理準備唔洗咁高期望。間舖唔係主要街道，而且門面都幾細，仲要落樓梯，所以有啲難搵，差啲走過龍

舖頭唔算大，有兩個非本地既店員，好有禮貌好好笑容。當時一個客人都冇，我地就求其揀個位就坐低，發現枱既邊沿有唔少螞蟻...

講番食品先，係即叫即做既，等候時間唔算耐。薯條係至愛既粗薯 外脆內軟！值得一讚！不過就太多鹽，咸左少少。另外，佢地既茄汁係好重酒味，接受程度因人而異

到主角啦，包偏乾，
old skool係牛肉，肉質好乾冇咩牛味，係配洋蔥生菜同茄汁
而bang kok bang係雞肉，好多肉汁，食果陣不停滴啲肉汁出黎，配沙律醬同埋生菜，比old skool好食，冇咁乾

Overall 就麻麻地啦，如果以原價$13x既價錢而係呢啲質素的話，我覺得有啲唔值，不過團購價$48就算啦

八點半去到冇咩人，地方有啲細，裝修都冇咩特別，如果設計到台灣風味咁會更好
叫左兩碗，芋圓真係好好食，唔會太甜，好正
其實兩碗既味道都唔係分別太大

地瓜圓我就唔係好岩啦
不過下次都會試埋其他野
啲冰都好似唔錯

同屋企人去左屯門,媽咪話之前同朋友食過呢間,就介紹左比我地去試.

環境幾靚,好有cafe既feel,而且食物選擇亦相當多,揀左好耐先決定好.黑松露味麵算係幾出,唔錯呢個係沙津,左邊果舊係薯蓉,右邊係南瓜蓉
南瓜蓉好甜好好味牛肉蛋包飯,汁夠多,亦都好夠味,唯一就係牛肉有d "un"鵝肝漢堡扒,好正煎得恰到好處到甜品啦~~窩夫好脆!!
有兩粒小丸子,點埋d薰衣草汁,味道好特別
薰衣草雪糕球用紅薯蓉墊住,紅薯好甜另外加$15叫左杯牛奶朱古力,味道有d偏苦

之前係openrice見到先至知原來嘉頓原來係有餐廳，一路都想試下，但始終唔得閒今次同男朋友買完電腦周圍搵野食，本身諗住是但搵間野食就算，行行下點知見到嘉頓，所以就決定入去食啦!佢個門口好似d寫字樓咁，如果唔係睇過OR，都唔會知原來入面有餐廳，餐廳就係正門入去行在邊條樓梯上去就見到。一上到去我同男朋友都呆左，成間野竟然一個客都冇，我地就照入去啦。我地果陣係下午茶時段，D員工已經為晚飯時段set定枱。我叫左芝士香草漢堡牛肉芝麻風車包配薯條($38)包埋凍/熱飲品，男朋友就叫左個羊肉飛碟餐($40)。等左一陣就有得食啦~(可能因為得我地一枱客既關係xd)賣相唔係話特別吸引(唔記得影相添)但食落係估唔到咁好味!先講塊包，一咬落去係聽到好脆卜卜既聲，跟住落黎就係塊漢堡扒，真係成吋咁厚(冇誇張成份)好有口感好滿足既感覺，而且好濃郁既肉汁味，再配埋好新鮮既生菜蕃茄，正!d薯條都係脆卜卜架，可惜既就係佢係幼薯如果係粗薯一定更加好味!!食一份已經好飽~男朋友果份飛碟份量就細左d啦，岩岩好填到個肚估唔到一間隱世餐廳既水準都會咁好，不過如果遲d越來越多人食既話唔知水準仲維唔維持到呢?我要係多人之前食多幾次先btw員工服務好好，笑容又好親切而且價錢又唔貴，下次一定會再幫襯架