農家意粉餐廳(葵芳)

放左學同幾個同學黎呢間食，雖然係放飯時間，但都好快搵到位既。呢度好得
意架，餐牌係手寫既。而個環境就迫小小，我地仲要坐卡位。我地一人叫一
個餐食啦。

紅湯雖則係好普通，但味道也不賴。好香蕃茄味，材料又算幾多，而且
一定係無味精既。
黑椒牛柳粒以為個份量唔大，但又唔係喎。牛柳整得好入味，好有
牛味。又幾煙韌可口，真係唔錯既。而個黑椒汁好好味，唔會太濃同太辣，
搶哂味。

野食就唔錯，不過服務就差啦。我地叫餐飲，三個字都未到。最後就取消
左啦。

美心MX(天水圍)

呢晚同家人黎呢度打邊爐，講真爭美心就試齊三大快餐既火鍋啦。呢晚係平日既
關係，人都算幾多，但都好快搵到位既。

食物
我就食南瓜牛乳湯底，好濃既牛乳味。就算唔加南瓜都好好食，個湯底真係幾好
既。而今次就食個肥牛鮮蝦，個配料都算幾多。牛肉雖然得幾片，但都算幾新
鮮既。而鮮蝦都唔錯既，都係細隻左小小，但不乏鮮味既。而蝦滑都唔差既，
不過都係大家樂好食。而蔬菜既份量就好多，都算幾新鮮既。而個蔬菜包用
保鮮紙包住，保持新鮮。烏冬既份量小得可憐，只係得半份。出手真係小家。

飲品
綠茶利賓納，都唔算太甜既。清清地幾好飲既。

整體上都唔錯既，只係份量小左。

莎樂美餐廳(荃灣)

尋日同幾個同學黎呢度食午餐，大家都叫鐵板餐。因為呢個真係幾出名，而
午餐都算幾多人。而張卡位就唔係太舒服，坐得有小小迫。

羅宋湯好香蕃茄味，我又飲到小小辣椒仔既味。又幾好飲，整得好足
料呀。
鐵板牛扒我估唔會太大塊，但我估錯左啦。有成三大塊，而且牛
扒又唔韌。又有肉味，肉汁都幾juicy，係幾好食。好耐都無食過咁既牛扒
啦。黑椒汁又唔會太辣，但好香、呀。
凍奶茶唔係太好飲，硬係覺得唔夠甜。
甜品係有朱古力碎既朱古力雪糕，有驚喜。

個午餐又唔係太貴，野食又算大份。下次有機會既都會再黎。

薄餅店(屯門)

呢一日放假，就黎呢度食午餐。都係叫左二人套餐，因為又唔係貴，而且真係
幾好食架。好彩早黎到，唔係就會好多人。

忌廉湯好好飲，好香忌廉味，個湯又幾足料。
炸雞皮脆肉滑，個炸雞又辣辣地。肉汁又多，真係好juicy。又唔會
炸到過哂火，認真唔錯。
蒜香牛肉通粉呢個都幾好食，好香忌廉味。而通粉整得幾彈牙，面頭又
有芝士，唔錯唔錯。
泰式辣香雞pizza雖然細細個，但pizza依然足料。個汁酸酸地，幾
好味。個雞既味道又幾得意。而芝士既份量又幾多，個批又好脆口，好正。

雖然呢間既環境係細，但食物既質素真係唔錯。又唔係好貴，所以點都有
下次既。

椰林閣餐廳(天水圍)

都好耐無黎過食，上次黎都係裝修之前既事。我對呢間都無乜期望，呢
次都唔例外啦。呢日假期都坐唔滿，我都估到架啦。

紅湯好過以前，有小小辣椒仔既味道，但湯料都係無乜特別。
黑椒牛仔骨都估到唔會太熱，呢係YLK既style。可幸既
係，牛仔骨都有小小肉味。黑椒汁都係好似開粉咁既味。
咖喱牛腩飯得果三四舊牛腩，又唔係好食。個飯又唔算太大份，
咁就四十八蚊，好唔抵呀。
凍奶茶無乜特別，但都唔算太好飲既。

食物都係普通啦，不過上菜就快左既。希望食物既質素可以改善下啦。

澳洲牛奶公司(佐敦)

呢一日放左學之後，同個同學黎呢度食午餐啦。呢日都好彩，等左唔使一
分鐘就有得坐。落單既效率都係咁快，野食當然唔使一分鐘就黎哂啦。

炒蛋多士炒蛋真係好好食，好滑同蛋漿都幾多。食完又唔會滯，好
有蛋味，又大碟，好好味。多士都係一大塊厚多，牛油味好夠，當然唔
會落得太多啦。跟餐既火腿無乜特別，唔使講既。
叉燒意粉唔差既，一試就知係金寶忌廉湯。意粉整得好爽口，
叉燒都唔算太特別。
熱奶茶好有茶味，飲完都有陣茶香個口到。
凍燉蛋好香杏仁味，燉蛋又夠滑，真係好正。

雖然服務有時會因為效率而差左小小，不過我都受到。因為我地都係一日
為兩餐，快小小都無法啦。要吹水傾計就唔會黎呢度啦。

新鋒焗之專門店(大埔)

呢一日黎到大埔，唔知食乜野好。見呢間既好評都幾多，咁就入左黎試下。
過左午飯既時間…所以人唔算太多。都係叫個焗飯食啦，焗飯咁出名。

紅湯都係無乜特別，個味唔算太濃，唔太好飲。
焗雞扒飯雞扒係煎完先焗既，味道唔錯。雞肉又唔會鞋口，唔錯。
個飯係蛋炒飯底，整得好煙韌同好好食。而面頭又幾多芝士，都算有料到。
紅豆冰唔係太好飲，紅豆太硬。有係咬唔開既，未飲過咁既紅豆冰，飲
到都怕怕。

野食就唔錯，不過環境就唔算太好。唔知點解，間餐廳有陣怪味，又唔係好乾淨。
焗飯都係天水圍間森堡做得更好。

Saizeriya Italian Restaurant(荃灣)

上個禮拜同幾個同學黎呢度食飯，呢間真係好平又多野食。呢個下午又唔
算多人，都好快搵到位既，真係幾好。

香蒜佛西亞意大利飽呢個包即叫即焗，好香蒜蓉味。好軟熟既
包包，真係好好食。
野菌意大利飯個飯好軟熟，不過個白汁食完係好漏。忌廉味係
幾重既，野菌既味道都唔錯。但下次都係唔食啦，食完真係好漏架。
牛肉pizza個批比之前薄左好多，而且唔係咁易切到。個pizza好脆
口，好多牛肉。芝士可以拉到好長，就已經好食過pizza hut啦。

食物就幾好，但野食等左好耐。而且午餐可以任飲咖啡、汽水呢飲品。
難怪午餐都咁多人食啦。

皇都漁港酒家(荃灣)

呢日放左學之後同個同學黎呢度打邊爐，任飲任食都唔使一百。應該幾好食既，
現場所見都唔係坐左好多人，超過一半既係打邊爐。

湯底要左鴛鴦湯底，即係沙嗲加清湯。沙嗲就略為鹹左小小，只係有小小沙嗲味。
而清湯就唔錯既，清清地。不過呀姐加左幾次水之後，就已經唔再鴛鴦啦。
野食都有幾多，有肥牛、雞件、雞子、雜丸、蝦滑等等啦。不過唔知點解野食
會漏既，有時要追多幾次先俾到我地。不過，野食都幾好食既，話哂都差唔多
一百蚊一位呀。
飲品有幾多俾你飲，有綠茶蜜、凍檸賓、汽水同寶礦力水特。不過寶礦力既味好
怪，唔係太好飲。

整體上，都唔算太差既，野食幾好食。而服務都唔錯，成日幫你收碟同換碟，都
唔會唔夠人做野既。可能係人小既關係呢！但打邊爐既價錢就有小小整蠱，話
就話六十八一位，但茶芥同醬料已經二十二蚊。再加一就九十九啦。

稻香超級漁港(佐敦)

呢日同爺爺飲茶，呢間又唔算太貴。所以又再黎呢間，呢間都坐得
幾舒服，野食又算幾好食架。

蒜蓉蝦春卷平時唔係呢隻，今次黎唔知點解有得食。真係唔錯既，
蝦就唔係好覺有。不過蒜味就幾夠，而且炸得幾脆架。
牛柳脆卷同春卷差唔多既，不過味道都係咁上下。個牛柳都
唔係好覺，係好細細舊既。
肉餅飯個份量係比好多年前既細好多，但味道都唔錯。肉餅整得好
入味。
齋腸粉雖然係好似食緊舊粉，不過我又幾鍾意食。清清地，好
健康架。
奶皇包依舊咁好食，流沙既奶皇流出黎真係好正。又唔係好甜，次
次黎都會食既。

其實唔只食咁小既，只不過呢印象深刻先寫既。可能係食飯時候，人
始終唔係好夠。

肯德基家鄉雞(天水圍)

呢一晚黎左呢度食，本來都唔知食咩好。見呢個餐幾抵食，就食呢個啦。
呢個餐有加大既雞髀，茄汁雞皇飯同加大既汽水。不過呢晚個茄汁飯要等
好耐，就幫我轉雞皇飯。

雞皇飯都係咁好食既，個白汁算幾濃。都有好多雞既，個配料都算幾
多，好好食。而個飯就唔錯既，算整得幾煙韌。我覺得會好食過茄汁既飯。
香辣雞髀我鍾意食呢個多過n年前既原味雞髀。最小無咁鹹，辣辣
地會好食。
薯格本來無乜特別，不過加左芝士醬就好食得多。

呢個餐算幾好食，個飯都唔錯既。個雞髀真係幾好食，點都會有下次既。

美心MX(荃灣)

呢一日行過呢頭，就呢度食個下午茶。呢度都唔算多人，始終唔係太
旺，好舒服咁食個下午茶。都係食個下午茶便當，呢個都係抵食。

下午茶便當都係要西多士果隻。沙律就無乜特別，應該都係罐頭貨。
而薯條都係扭紋薯條，都幾夠熱。呢間仲主動俾茄汁，真是貼心。而雞
翼係普通既炸雞翼，但食得出係即炸既，好食。吉列豬柳都唔錯，豬柳唔
會鞋口同整得幾好食。西多士係即整既，花生醬好多，好豐富。
紅豆冰紅豆好淋，奶味又夠，幾好飲既紅豆冰。

呢餐都幾好，唔算太貴，野食又好食。

大家樂(美孚)

呢日返學之前黎呢度食個早餐，可能係早餐過後既時間，人已經唔算太多。好容
易就搵到位食早餐，實在太好啦。

麥皮呢隻係無糖麥皮，不過之後都加糖。因為佢地呢隻係無煉奶加落去個麥
皮，呢個會好食。麥皮綿綿既質感，真係好正。
雞扒炒蛋雞扒係預先加左蜜糖，感覺都唔錯既。最小唔會咁油膩既，雞
扒既肉又唔算鞋口，唔錯唔錯。而炒蛋都幾滑，又有蛋香。多士就普通啦，唔夠
脆口。
凍奶茶好香茶味，又夠滑，次次飲都無失手既。

呢間既質素都算唔錯，點都有下次既。

彩虹甜品屋(大埔)

食完飯點都有要有個甜品作結既，行下行下就黎左呢度。先莫論間舖大唔
大，但坐得算幾舒服都可以架啦。

雪糕涼粉呢個就有兩舊雪糕，一個係雲呢拿，另一個係豆腐。個豆
腐雪糕好好食，唔太甜又有豆香味。而涼粉就粒粒爽口，認真唔錯。
而呢度係唔用花奶，反而會用咖啡奶架。

食物都唔錯，服務態度都可以既。

麥當勞(天水圍)

黑椒漢堡都唔知出左幾多次，不過我次次出都會食既。呢個係我一年一度都
期待既產品。

黑椒漢堡呢次係雙層黑椒漢堡，個汁都唔錯既，好香同黑椒味幾夠架。
而牛肉都可以啦，好有肉味。四塊牛肉一齊食都不失味道既。個包整體上
都唔錯既，食得過架。
脆香雞翼普普通通啦，只係幾隻好細隻既雞翼。

其實黑椒漢堡都出左好多次，但次次都唔會令我失望，點都有下次既。