天野海月 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-07-26
香港人除咗生活急促,生態仲好獨特,例如鐘意冬天食雪榚、夏天打邊爐,突然挑起條筋想試下「如何大熱天時打邊爐」。不過人大咗,相對起「任食」,「質素」更形重要,記起大角咀有間「靚煲皇」,搬鋪後一次都未去過,於是就約埋男公關再次出征。 雖然想叫「花膠海參雞湯」,不過因為有朋友唔食花膠,最後都係要「靚煲皇」。本身就係胡椒豬骨煲做底,上面鋪上多隻大扇貝、魚乾、魷魚乾,光睇到都興奮! 每次打邊爐必叫,幾新鮮,淥幾秒爽口微甜。 開頭我以為會嚟啲酒樓未融雪一大舊勁薄嗰啲,所以好驚喜,好有肉香,雖然油脂多,肉質都較韌,不過好有咬口,意外地正! 特登叫多款較貴嘅牛肉感受一下分別,因為手切所以每塊都好薄,而且油脂明顯上面個款少得多,牛味亦較重。 等級,係食得出嘅。 黏性幾高,淥完後都好彈牙,不過唔知係師傅調味重口咗,定湯底濃,食落略咸同重胡椒味。 意外叫錯(明明應該叫四寶,到底班FD有幾鐘意墨魚?),雖然同樣係墨魚,但同「滑」又唔同滋味。質感實淨非常,彈性十足,唔鬆散,而且吃到墨魚粒,單係呢點經已加咗唔少分。 皮雖然厚,但好彈有咬口,亦因為厚皮,內涵嘅芝士剛好受熱融化而唔會漏出。成粒放入口唔覺熱,但一咬芝心立即激射而出。 無錯,我呢下就灼親喉嚨。 整體同芝士丸差唔多,都比出面食嘅好味。 無乜特別值得彈,不過質素的確係比一般食肆好,吸收埋湯嘅精華真係不得鳥! 家下物價咁貴,$78蚊食到大條白鱔片,而且新鮮得嚟份量都幾足,我心足鳥。 不過如果切厚少少口感會更正,始終食鱔都係鐘意種煙韌咬口。 雖然睇落好新鮮(事實的確都係好新鮮),不過可惜味道無想像中咁鮮甜。不過要讚每塊豬潤都吉咗些少針洞,方便淥個時睇到有無血水出,唔會咁易Overcook。 新鮮,不過相對就咁食,佢嘅煲湯作用更大。 一睇就知有幾新鮮,而且本身味濃,相對娃娃菜我更鐘意呢種。 同出面一包包即開即食嗰啲好唔同,用鮮鯇魚腩皮即炸,外面金黃香脆,但脆卜卜下嘅魚皮仍然保持煙韌。而且咸咸地,就算唔淥齋送酒都好一流! Meun無寫係手打烏東,開頭以為會係cheapcheap酸味烏東,突然感覺到「果然唔係靚料唔上檯」。 題外話/補充資料: 老實講家下越嚟越多「邊爐」、「雞煲」、「部隊鍋」嘅鋪頭,但可以用中等價錢食到優質食物又有幾多間?一個唔好彩仲要受店員黑面。可以$230食到高質又飽肚嘅邊爐,如果有FD叫我去打邊爐,我諗都係靚煲皇做首選,至少肯定唔會「貼錢買難受」。
評分: 味道 5 環境 4 服務 5 衛生 3 抵食 4
2015-07-25
「添好運」算係香港點心界近年相當知名嘅一間,更獲「米芝蓮」評為一星級食肆,可惜咁多年都未曾去過,今次襯得閒終於約埋朋友一齊去較新嘅奧海城分店試下到底乜料子! 睇起嚟嘅冠冕堂皇下,仍舊保持著平民風格,就係一眾待應都Keep著大眾食堂時期嘅服務心──「唔會點理你」,你有你舉手,我有我同同事繼續嬉笑怒罵。基本上舉手10次,大概有人理嘅次數只有4次。 先嚟個鋪頭推介嘅「酥皮焗叉燒包」,同平時食嘅麵包皮包嘅叉燒包口感好唔同,因為用麵包皮雖然會令包皮吸收到叉燒香味,但蒸太耐亦會令叉燒味道流失。反而用酥皮焗就可以保持叉燒肉汁鮮嫩。而且鬆化酥皮配上肉感叉燒,一啖兩種口感Mix埋真係正! 飲茶必食之一嘅鳳爪排骨飯,只用不鏽鋼而非瓦盅屬意料中事,因為即叫即蒸關係,所以飯身相對較硬,而且米香一般,排骨肉汁仲未可以流落飯到,只感受到些少油香。不過要讚下隻鳳爪,因為唔係長時間蒸著,除個個樣「靚仔」之外,骨肉分明唔似出面檔會一Pat屎咁,味道仲幾好! 另一鋪頭推介之一,份量幾大隻,而且入面餡料幾多,就算係一個大男人食都絕對會滿足。加上雞件、花生等等都算幾新鮮,唔似其他鋪頭咁會覺得「霉」。 今餐最失望嘅一樣點心,首先,說好的韭王呢?我一啲都見唔到,亦食唔到。其次腸粉皮滑度只屬一般,而且都一啲都唔算薄。米香?Sorry, I can't taste it. 最後蝦份量偏少,一條只有3隻,而且雖然唔「霉」,但絕對唔係最佳鮮度。 雖然我平時唔太鐘意蒸包、糕點,但都覺得意外好食,幾有蛋香但又唔會太過,仲香滑唔嚡口,撳落去仲有回彈力! 幾好食但同腸粉一樣,蝦嘅鮮量未令我滿足。不過蝦量方面遠勝腸粉,至少我啖啖蝦。值得一讚嘅係面頭上嘅杞子,雖然蒸完一定唔「靚仔」,但少許清新感令成隻燒賣平衡感唔錯! 連我平時唔食春卷嘅都要大讚一下,外面炸到金黃香脆,仲要唔油膩,入面嘅賽螃蟹仲係保持香軟白滑,真心推薦! 用上塊狀嘅蘿蔔,唔會太粉、太油,而且食得到蘿蔔嘅香甜味,算係中上水準。 大粒、鮮嫩,最可惜嘅係「陳皮」,用咗唔靚嘅陳皮搞到有苦味,而且幾重,牛味幾乎完全被蓋過。 用上菜心苖味道鮮嫩,其實本身幾住家Feel,不過相對蝦肉,其實口感味道更似豬肉......另外食食下有幾強烈嘅胡椒辣味,奇怪感超絕UP!!!
評分: 味道 4 環境 4 服務 1 衛生 4 抵食 4
2015-02-26
閒來無事又上綢搵食,首先吸引到眼球嘅就係「比利常餐」呢個名,用「常餐」做鋪名嘅餐廳經已少見,再配上一個咁常見嘅西人名「比利」,就決定去一探你虛實。 正值新年,街外自然少人,所以等位都唔使,不過餐廳檯與檯設計比較貼,舒適度只係一般。之前經已上網睇過餐廳最推薦嘅就係「焗豬扒飯」,雖然有$30下午茶版嘅「迷你焗豬扒飯」,不過為試下真正實力,梗係試翻$50原版。 講翻個焗飯,賣樣算係幾好,用咗炒飯底,雖然蛋份量較少,亦做唔到「金包銀」效果,不過都食得出蛋香味,可惜未夠乾身。 鋪面嘅茄汁調味唔錯,唔會太酸、唔會太甜、亦唔會太咸,配上鮮茄同西芹、洋蔥幾好,混合無乜落鹽嘅炒飯恰到好處。另外加上芝士焗到微燶拉絲,而且份量幾多,令成個焗飯昇華。 以$50嚟講,我會期望會有一塊較大較厚身嘅豬扒,可惜現實同我心目中仲有一段距離。雖然豬扒較薄身,做唔到原身嘅Juice感,不過調味方味唔錯,而且無Over cook,保持到鮮嫩唔韌,而且仲幫你切好一小塊,方便易食,算係一個小貼心。 整體以$50食到一個有份量(食唒成份都幾飽下),好味又唔錯嘅焗豬,應該都無乜嘢好投訴啦。
評分: 味道 4 環境 3 服務 4 衛生 3 抵食 3
2014-03-26
因為冬天嘅關係,所以就好想食煲仔飯,自然就約埋三五朋友一齊去,不過朋友都唔知邊到好食,所以好自然就諗起廟街,二擇其一下就決定挑戰「興記」。因為鋪位多,一去到就可以入座,不過其實座位都幾逼。 腐乳通菜炒鮮魷 ,通菜算嫩口無起渣,不過鮮魷就唔係太新鮮,無咩魷魚味,而且都幾水汪汪下。 題外話/補充資料: 事後再去咗另外兩間煲仔飯,興記真係永不錄用鳥。
評分: 味道 1 環境 1 服務 1 衛生 1 抵食 1
2014-03-26
難得紅日放假,梗係要約朋友見面,因為唔想行太遠所以就決定去從未試過嘅「caffè HABITŪ」。去到時值Lunch Time過後,所以唔係好多人(不過食完近下午餐時段走嗰時就好多人等),雖然得2個人,不過店員亦好好咁俾4人座位我哋。環境整潔而且自然光好足,所以令人覺得好光猛舒服。
評分: 味道 4 環境 4 服務 4 衛生 4 抵食 4
|