生記粥店 (旺角)

一連幾日大魚大肉，食粥清淡一下，搵咗幾間油尖旺一帶的粥店，都係9點前關門！同時唔知係咪依家物價太貴，食碗粥都幾十蚊，真係肉赤。最後揾到黎生記！

新地都算係旺角老字號粥店，以前個位比較開揚，但搬咗舖之後，喺上海街，夜晚生意就比較淡靜。不過佢一至日都開，而且營業到23:30，今時今日喺唔憂做嘅香港，呢點真係好難得。

夜晚嚟到得三兩台人，我覺得自己黎得合適！因為呢啲良心小店，真係需要幫襯！

餐牌上大部份的粥品都不超過$25蚊，真係良心價。當然生滾粥就貴少少！

點了魚片艇仔粥、皮蛋碎牛粥、蝦米腸和一個炒麵。粥底好綿密，唔會好稀，料都好足，食完唔會覺得只係飲水咁，真係幾好食！

腸粉和炒麵都正常發揮，送粥係最佳配搭！食食吓粥，仲有可愛的小貓店長過嚟陪食，好溫馴好可愛，好想同人玩！

埋單86蚊，食到飽飽！呢間小店值得幫襯！

La Brasserie (中環)

中環返工幾許路經半山扶手電梯位，都會見到La Brasserie的大廣告，著實很吸引，終於在長假期前一晚，特地來探店一嚐法式滋味。





餐廳簡潔高雅，入口處就是大大張Bar枱區。左手邊是存酒窖，各種類的紅白酒皆有。




因為第二天一早趕飛機，所以熱情的侍應推介我們酒精含量輕微的Hugo和La Petite Reve。
Hugo 
由St.Germain、Lillet Blanc、青瓜、香檳調配而成，味道好refresh，令人飲完心曠神怡！令人驚喜的一杯cocktail。
La Petite Reve
由蝶豆花Vodka、薰衣草和藍莓調配而成，淺紫色的香甜易入口。



Tartare au couteau 
他他的牛肉望落血紅色，但口感不似食生肉，反而十分嫩滑。生牛肉味道微辣偏酸，夠開胃。
Escargots bourguignonne
香草牛油焗法式田螺
薯蓉細滑，田螺已經預先去殼，食落有蒜頭香，仲有陣陣蕃茜香。最欣賞那微微脆的麵包糠，令小小的一碟焗田螺，加分不少！



Bouillabaisse法式海鮮湯
鍾意飲湯的你，絕對不可以錯過這個海鮮湯！它就似中式的海龍王湯，有很多海鮮。包括青口、帶子、海蝦、鱸魚、炸蝦頭等，成個湯creamy又鮮甜！龍蝦味道濃郁，海鮮又新鮮，帶子肥美，魚肉嫩滑，而且有焦脆的魚皮，加上份量又多，這個價錢，這個份量，這個好味道，真係物超所值！

Crispy layered potatoes with the meat and rosemary
可以喚作千層脆薯塊，因為長方型的一條，做出了千層的效果，入口香脆，滿滿薯仔酥皮香，感覺有點像拿破崙和脆薯餅的混合體！真的估唔到薯仔可以做得咁好食，令人一試難忘。


Magret de canard風乾煙燻鴨胸
法國紅標認證的鴨胸，生產品質得到保證，所以除了肉眼見到的肥美外，肉味亦佳。鴨胸碩大肉厚，食落鮮嫩。襯上金橘蜜糖醬，那酸甜配上那肉嫩的鴨胸，真係食過最出色的鴨胸，難怪每枱都點！真可以算是鎮店招牌也不為過！


最後的甜品是Soufflé Pistache和Tarte Tatin 。蘋果批當然是滿滿的青蘋果香氣飄逸，帶點酥脆的餅底，伴隨埋肉桂，是令人不能抗拒的麵粉香。再配一口幼滑的雲呢拿雪糕，簡單又滿足！開心果疏乎厘開心果味道很濃，疏乎厘做得鬆軟，空氣感十足，入口一點都不覺厚重！中間流心的開心果醬，是畫龍點睛，令成個甜品更見出色。

可以說，吃過香港無數的法餐，但是這家真的每一道菜都有驚喜，每一道菜都看得到廚師在細節的用心，務求令每道菜都以最佳的味道給食客呈現。La Brasserie真的是近年食過令我覺得絕對推薦的法式餐廳！性價比、味道、環境、服務都很高分！

Boat Thai (尖沙咀)

放工來到Isquare 食野，回到Boat Thai encore其招牌船河。晚飯時間都滿了人，要等位大概5分鐘。

點了5款食物，簡簡單單食一餐。

泰式椰子刨冰
新鮮即打的椰子，椰子味道幾濃，椰子蓉係杯邊，真材實料。

泰式菠蘿刨冰
菠蘿味道好香，入口香甜，好醒神開胃。

泰式肉碎生菜包
好好食的生菜包，份量不少！最欣賞其肉碎炒得一啲都不油，但又夠香口，夾生菜食真係一絕。

泰式船湯河
湯底十分鮮甜和濃郁，有卜卜脆的炸豬皮係面，牛肉份量好足而且大大塊，加埋彈牙牛丸，仲有金不換的香味，令人食唔停口。

泰式鳳尾蝦炒金邊粉
蝦肉爽口彈牙，金邊粉炒得乾身，微微帶甜，撈埋花生碎及泰式香料，香口又好食！

最後食埋個粟米椰子雪糕，就滿足而歸。小店能繼續保持水準，不錯不錯。

海景軒 (尖沙咀)

大閘蟹季的來臨總是令人期待又興奮。因為肥美的大閘蟹，令人食指大動。是夜和家人來到著名的海景軒，品嚐一下當造的蟹粉滋味。四式小花碟
蟹粉小籠包熱辣辣爆汁，叉子臘腸卷用了巴西莓果捲著臘腸，一點也不膩。鮮竹豆苗卷有咬口，家鄉煎茶粿則煙韌有米香。清蒸大閘蟹
來自太湖的大閘蟹目測有六両重，是我鍾意的蟹公，蟹膏金黃甘香，肥美豐腴，齒頰留香，蟹肉鮮甜彈牙。食完立刻奉上一杯驅寒薑茶，貼心之致。蟹肉釀焗牛油果
用上了三隻蟹拆肉才夠釀滿一個牛油果，絲絲蟹肉加上creamy的牛油果，估唔到咁夾，好好食，好有驚喜！花膠蟹粉茄子
懶人之選首推蟹粉莫屬，上枱一刻仍熱得滋滋作響。花膠香軟、茄子嫩稔，加上肥美蟹粉，這個懶人配搭，每一口皆滋味無窮！家鄉鹽焗雞
龍崗雞先用鹽、花椒、八角去醃好，再拎去焗45分鐘，肉汁被鎖在雞皮。雞被預先分好上枱，再淋上酒去燒，雞皮微脆帶酒香，而雞肉又嫩又滑。焗蟹粉荷葉飯
又一懶人之選！大愛呀！荷葉香撲鼻而來，金黃的蟹粉鋪在粒粒分明的炒飯面上，再撈匀來食，一啖接一啖，食唔停口！最後以一壺甜蜜回憶茶作結，以茶香清除徘徊在口腔內的蟹香。薑茶湯丸、鴛鴦芝麻卷、黃金脆奶卷，少少的幾款，為這頓飯劃上完美的句號。家人食得很開心，大讚不已！我也覺得很滿意。

お肉割烹 而今 (尖沙咀)

閒日的晚上來了個小眾聚會，幾個很久不見的朋友，來到K11 Musea享受了一場割烹之夜，聚舊一下之餘，要盡興一番。眾人選了$1480的長月。精美菜單早已安放在桌上，然了先來一杯甜的Sake welcome drink。大谷誠師傅是妥妥的日本人，帶著腼腆的笑容，低頭專注準備著食材。開放式吧枱可以將師傅的精湛刀功一目了然，有說有笑的氛圍以及時令的食材，通通都是那麼令人悅目。
先付
松葉蟹肉海膽最中餅，原隻蟹蓋上枱，造型已滿分！脆卜卜的最中餅夾著鮮甜的海膽和絲絲松葉蟹肉，三重口感於一身！前菜
秋刀魚正值當造之時，入口肥美富油香，賀茂茄子炸漬配高湯啫喱。
菊花金菇高湯漬有三文魚子鋪面，混入了4款秋天時令蔬菜，不時不食！
燻製石蠔上放了西伯利亞鱘魚子，入口陣陣海水鮮味和咸香。
和牛春卷炸得卜卜脆，夾著秋筍和韭菜。強肴
慢烤A5和牛，伴上了茗荷、迷你番茄，佐以蒜片洋葱柚子醋，食落口好柔軟，牛味突出之餘又帶點清新。Sake送牛，一樂也。蒸物
安康魚肝茶碗蒸，魚肝預先煎香再放入蛋蒸，所以蒸完仍食到甘香焦脆，出色之作！額外追加
野生河鰻，外皮烤得焦脆，散發著淡淡炭火香，入口油香滿滿。
燒牛舌，竟然用禾稈草燒!!!!熊熊烈火就是一場表演。
海膽熱狗，不用多講的、那橙黃色的、鮮甜肥美，令人回味!!清口
水果番茄沙律，用上了靜崗的Amela 水果番茄，甜度足有16度，猶如食生果，口感清甜，鋪上金箔，賣相更加滿分！鍋物
A5和牛壽喜燒，想不到師傅將成件和牛托出黎俾我地影相！厚切的嫩粉紅的肉夾著雪花紋，看得到的肥美！蘸上蛋汁，肉質更添滑嫩！食事
壽喜燒的肉，當然少不了一碗熱飯。這碗長野縣的越光米，粒粒晶瑩剔透，煙韌細滑，米味香濃，令人食唔停口！一再添飯！甜品前喝一口熱的赤味噌湯，吃點漬物清清味蕾！甘味
香濃的自家製椰子雪糕一旁是雷電赤肉瓜伴上石榴，以香甜完美作結。度過了一個愉快又盡興的割烹之夜，依依不捨和師傅揮手道別，期待下次再回。