服務 一流
環境 一流
食物.... 唔好食
價錢.... 咁既質素既食品... 真係一D都唔值
______________________________
父親節帶爸爸媽媽去天龍軒食飯.
之前聽朋友講呢間餐廳幾好食, 又係米芝連推介
原本真係有d 期望

先叫了幾個前菜...

<<胡椒蕃茄腐皮卷>>
一聽個名覺得好特別, 即刻叫黎試下
媽媽說: "嘩, 呢個好難食, 臭臭地"
我試下...
嘩, 真係臭臭地... 好似有D "宿"左既筍味, 加埋蕃茄... 成舊野就係"酸酸宿宿"地
DADDY 好驚咁問我有D咩料. 佢以為真係變壞左.

<<海蜇>>
我見仲有一條係個碟, 就叫媽咪食啦.
媽咪話: "唔食啦... 唔好食"
真係一D 味都冇, 好淡呀...

<<蝦多士>>
係餐廳推介... 不過我覺得冇咩特別. 好在無特別難食.

<<軟殼蟹>>
呢味都OK

主菜
<<龍蝦牛肝菌>>
都OK 呀.. 就係唔係特別好食

<<椰汁香前芋炒飯>>
DADDY 問我做咩個飯咁甜... 我話: "係咩!? 可能係D椰汁, 不過我食左幾啖好咸"
DADDY:＂我覺得佢落左糖炒唔暈。。＂
一D咸, 一D甜....

食完呢D後, 我地仲未飽. 但真係唔知再叫乜好... 冇一樣DADDY 媽咪覺得好食

之後我地叫左甜品.
係全晚最好食架!!!
個蛋撻仔真係超正 終於食到樣令人食完覺得開心既野