OpenRice 主頁      English OpenRice      TableMap      開飯遊踨
   中文 | English
我是free flea。
食評會員 1次成為首位寫食評會員
食評數目 食評數目 78
編輯推介數目 編輯推介數目 0
食評被推次數 會員推介次數 25
人氣指數 人氣指數 627
討論區留言 留言數目 1
上載相片 上載相片 179
上載影片 上載影片 0
我的推介食評 我推介的食評 0
我的餐廳 我的餐廳 44
關注 關注 0
粉絲 粉絲 22
free flea  等級3
關注 關注  留言 留言給此食家 
排序方法:  日期 笑臉 笑臉 喊臉 喊臉  編輯推介  餐廳總分 
顯示選項: 所有香港 澳門  
 
 
 
 
 
  文章形式 文章形式   |   地圖形式 地圖形式
共 78 篇香港及鄰近地區的食評,正顯示第 1 至 5 篇的食評
2015-11-06
Share on TwitterShare on Facebook
類別 : 越南菜粉麵/米線

這間小店一向生意好好,也是家在美孚的父母常去的食店。
我們一般都會吃牛肉湯河或扎肉湯河,每次水準都好穩定,份量足,湯底清甜,河粉軟滑,牛肉片鮮嫩,配料足又新鮮,如炆蘿蔔,羅勒,芽菜,洋蔥等。
爸爸今日午餐想試牛腩,但又怕唔夠腍,服務員細心問了廚房覆實牛腩炇好腍,又建議把牛腩切薄片。果然牛腩片有少少筋夠爽,肉又腍,仲好入味。
我則點了海南雞飯。雞比較瘦,不是那種皮肉之間有層啫喱肥油那種黃油雞,而味道一般,以幾十蚊價錢,係咁上下。飯有少許黃油攞過,配有少許餣酸白蘿蔔及紅蘿蔔。葱油都算有心機製作,但係欠食海南雞飯最緊要嘅黑豉油!
街坊小舖,坐位擺得密麻麻,點都比不上三星酒店食肆,但勝在食物質素實而不華,上菜有效率,定價合理,而且無加一服務費唔駛比tips,服務也非常貼心,比上星去午餐的半島Spring Moon更customer oriented.

 
堂食等位時間: 5 分鐘
用餐日期: 2015-10-22        
是次消費: 每人約$60 (午餐)

評分: 味道 3   環境 2   服務 5   衛生 2   抵食 4

推介此食評

2
 
 
你覺得這篇食評:
鼓勵
期待
有趣
感動
羨慕
靚相


查看結果

2015-11-04
Share on TwitterShare on Facebook
類別 : 粵菜 (廣東)中菜館酒店餐廳少鹽少糖食店海鮮點心同客食飯慶祝紀念日

半島酒店呢間中菜廳的點心都比較傳統,選擇亦只有十多款。

我要試一試考功夫的芋角,芋頭合時令,芋蓉夠香夠滑,火喉都掌握得好。但外層也未做到出色水準,應該炸至產生蜂巢狀,一層一層鬆化酥脆,所以有蜂巢芋角之稱。我事後查看Open Rice其他食評人upload的相片,發現他們的芋角比我碟似樣好多。

接着是紅蝦小籠包,上枱之後,我問點解冇醋,服務員話係紅蝦小籠包,不配醋,佢冇解釋,轉身走了際,我們還是堅持要一碟。唉!立即後悔,等等等,等了3分鐘,望着件小籠包開始冇冒煙又皮又開始縮,都係食咗先。我對紅蝦認識不多,紅蝦湯包呈紅色,觀感很好,味道比較蟹粉咸香,頗惹味,但我嫌饀料較削。

他們上了兩個點心後,其他點心竟然要等多半小時先有,等到無哂心機!我追最後一碟的上湯牛肉球時,服務員回我一句:牛肉係要煮耐些。下?

最後,乾炒牛河,唔合格,無鑊氣,色澤dull, 河粉太硬身,有些粉更未散開,有少部分河粉更上不到色。銀芽蔥段overcooked.  sorry,真係連我附近的街坊小鋪都炒得好過佢。好可惜,唔記得影低呢碟咁失敗之作。我朋友更懷疑廚房不是用新鮮河粉。我都好想知道廚房用新鮮或乾河粉?

 

 
堂食等位時間: 0 分鐘
用餐日期: 2015-10-30        
是次消費: 每人約$300

評分: 味道 2   環境 4   服務 2   衛生 3   抵食 3

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2015-10-26
Share on TwitterShare on Facebook
類別 : 粵菜 (廣東)中菜館燒臘

甫進粵來順,裝潢以香港懷舊為主題,有部真版人力車,還有香港50丶60年代相片,李小龍電影海報,感覺不會老土。在近年香港身份醒覺的年代,我這班六丶七十後的朋友都有一份親切感。而且,他們的菜式也挺傳統,甚有懷舊情懷。

食物水準方面,整體上是。

杏汁豬肺湯,我近年試過最好的,香滑清潤。廚房,還落了馬蹄及白果,處理這些食材都很花功夫,可見他們非常認真。

清蒸咸鮮魚,這味是樓服務員推介,對我們而言都會未試過,我們覺得是介於鮮魚同咸魚之間,故此既有鮮魚的鮮味及,亦有咸魚的惹味。

甜梅豬手煲,豬手肉多(因有些食肆會用豬腳,比豬手肉少)腍而不烂, 味道調配適宜,甜梅味好足。 咕嚕肉,最考功夫的餸菜之一,他們用無骨豬柳,肉貭佳,肥瘦適中,帶少許嚼劲。甜酸可口, 芡汁稀濃適中。

他們也重點推介海鮮。我們吃了兩味:松露鮑魚,品質唔錯,惹味可作佐酒;蒜蓉蝦蒸粉絲,蝦則不夠新鮮。

最後朋友點了鴛鴦飯,坦白說我一向都不喜歡有芡汁的炒飯,所以no comments. 可惜,此餐最後吃的壽包則失望。

壽包上枱後,我們用了點時間拍照,所以預咗壽包不會熱辣辣,但也不應硬綁绑,我估計可能廚房是用微波爐叮熱d包所致。

 

 

 

 
堂食等位時間: 0 分鐘
用餐日期: 2015-10-24        
是次消費: 每人約$250

評分: 味道 4   環境 3   服務 3   衛生 3   抵食 3

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果

2015-10-26
Share on TwitterShare on Facebook
類別 : 京菜 (官府菜)中菜館酒店餐廳少鹽少糖食店火鍋海鮮適合大夥人

我有一段日子沒有幫襯東來順。事源,大半年左右,我同朋友這裡吃了個蒸蟹鉗,懷疑是冰鮮或雪藏。我們即場問服務員,又寫過電郵問酒店管理層。其實我們只是想知道究竟他們是否用新鮮蟹,但多番追問,他們都迴避,只說會跟廚房硏究跟進,沒有給明確回應。其實我只是想知道答案,這是消費者基本權利,堂堂星級酒店customer services 咁差。 我有d嬲,blacklist了這食肆。

今日午市重臨吃點心。

我們最欣賞的是千層糕,一般酒樓因工夫多已經好少做,鬆糕部分夠鬆軟,一層層奶黃、咸蛋及椰絲蓉,確實唔錯。
梅菜肥牛包,配搭新穎味道唔错,饀料切得幼細精巧,仍有肉汁。雲吞皮滑餡鮮,湯底製作認真。

最唔掂係燒賣,見到己經唔開胃,可能是overcook, 肉都縮埋一'舊',點心面仲有水蒸氣,表面發水,完全唔合格。小籠包皮薄饀都ok,但不夠飽滿,比起鼎泰豐尚差兩皮。 炒拉麵算0k,麵條彈牙味濃而不膩,有上海的濃油赤醬的風味,我自己口味則嫌炒得不夠鑊氣,椰菜𢇃太少。

 

 

 

 
堂食等位時間: 0 分鐘
用餐日期: 2015-10-23        
是次消費: 每人約$150

評分: 味道 3   環境 4   服務 4   衛生 4   抵食 3

推介此食評

2
 
 
你覺得這篇食評:
鼓勵
期待
有趣
感動
羨慕
靚相


查看結果

2015-10-22
Share on TwitterShare on Facebook
類別 : 粵菜 (廣東)中菜館酒店餐廳無翅餐廳燒臘點心同客食飯

朋友同我慶祝生日,建議這家米子蓮中菜館。因我甚少到旺角區,怕人多車多,我都係首次嘗試這餐廳。我總結的:。不知是否我沒有點他們signature dishes, 我真係唔覺係米子蓮二星菜餐廳。論排場,論服務,亦比同是2星的夏宮及香遜色。 出色的是鎮江汁黑豚肉,肉味香濃,肉質腍滑,黑醋製的醬汁,酸酸甜甜,正好配豬柳的肥腴厚味,而又不會蓋過豬肉原味。而且每件件頭大,份量足,抵食。 我們都喜歡冷盆,點了八小碟,上海菜。我都係個句:依家摩登上海莱總比不去上世紀的老舖。其中只有百靈菇配青介及豉油尚算新穎有特色。味道清甜爽口,鹵水豬腳,去骨,皮嫩肉滑又不膩。其他如烤夫丶牛脷等一般而且。我對他們的鹽香雞就失望了,雞肉是嫩滑,但應該是冰鮮雞,而且頗細隻。我估一隻咁樣大細的新鮮雞,頂多一百幾十元。餐廳收三百幾蚊(加一後)半隻冰鮮雞,仲無乜特別煮法,上菜presentation都幾求其,咁嘅價錢食水深d喎。而附上的淮鹽醬及葱油亦屬一般貨色。因我吃慣家母煮的鮮雞做的白切雞或羗葱雞,對雞可能要求係高些哬。五目兩面黃,是兩面黃配菜蔬。上菜時發現不是慣常見,麵條兩面亁煎烘成pizza型狀,而是似普通炒麵。鮮魚湯浸時蔬,魚湯應該是真材實料,但只有約三棵唐生菜,收2百幾元,太貴了。大壽包,夠件頭,蓮肉香滑,仲有漏油原隻咸蛋黃。最後,因天氣乾燥,我們都想飲碗糖水滋潤。但餐廳糖水選擇不多,我們全枱都只能選了蛋白杏仁茶。水準一般,我不大肯定是否鮮磿。 Wine selection都算好好,wine by the glass選擇亦多,質素唔錯。服務方面,若以2星米子蓮酒店食肆水平就要留意,當晚full house,人手比較緊張,我們經常要舉手兩三分鐘才有服務員留意我們。

 

 

 

 

 
堂食等位時間: 0 分鐘
用餐日期: 2015-10-10        
是次消費: 每人約$400

評分: 味道 3   環境 3   服務 3   衛生 3   抵食 3

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果