差劣的飯局

百樂門宴會廳 (觀塘)

今天打算與好友聚舊, 到了鱷魚恤大廈, 隨意選擇了此食肆食晚飯。在門口望入去無咩人, 於是想問下有無些靜一點的枱, 可以方便給我們傾談暢聚, 卻換來一句: 張張枱都可以傾到偈啦! 我與友人都已有不悅的感受。進去以為少人可以好快ORDER 及上菜, 怎料舉極手都無人理會, 直至開聲叫某個侍應, 才肯前來下單。我們叫了燒雞, 什菜煲, 生炒骨及枇杷豆腐這些常見的菜, 但除了燒雞脆口可吃之外, 其餘都只見小碟送上, 且菜煲並非火熱, 豬肉硬得難以咀嚼, 豆腐也欠香味。食完我們都覺得不值, 也不太飽, 唯有去吃甜品再滿足自己。