十分令人失望嘅服務!!

金滿庭京川滬菜館 (大角咀)

其實唔係第一次光顧奧海城嘅金滿庭，知道一定要等位等好耐，所以都比特別提早一點去攞位。一行11位大人3個小朋友，拎藍色大枱籌，等第3張。

因為預左要等，等1.5小時唔係大問題。最大問題係當我地等到差不多1小時嘅時候，下一張就到我地嘅時候，明明見到有一張12人大枱走左執緊枱，諗住等多5-10分鐘點都有得入啦~ 奇怪點解等左15分鐘都未嗌架呢? 朋友走入去睇，原來張枱俾左8人坐左..... 但係期間好似無嗌過位喎.... 即係俾左熟客啦....

我地有大有細有大肚婆，如果唔係成班friend都想食，真係唔會等架喇~ 等得，都唔會呻好耐好辛苦。但係打尖俾枱熟客呢下，就真係有啲唔開心。

好聲好氣去問reception阿姐，佢一句話：「人地8位得左好耐架喇，我地安排位唔係淨係睇人數架... blabababa.... 」嗰下真係有啲嬲嬲地! 阿姐，我地都咪係一樣等左好耐~ 

之後等多一陣終於有枱阿姐終於叫我地入去... 一入到去，見到佢俾一張中枱我地，真係火都黎埋喇（正常應該坐8個人左右啦）點逼11個大人3個小朋友呀! 問個帶位「我地11大3細喎，點坐得落呀」，佢一句「無枱喇」就唔理...

如果唔係見大家都真係等到好鬼餓，唔想餓親啲小朋友同大肚婆，真係想同佢炒一獲!咁多個人坐埋要挨前移後先食到。結果快食完快快走~ 幾好以後我都唔會幫襯呢間野!