上個月就約定家人襯我今天休假，一起來嚐過lunch buffet.。這裡來得特別多，貪佢有蠔食 我今天都吃了一打生蠔，今天的蠔好正呀，又鮮又甜。
另外今天個炸雞翼，炸得好好正，皮脆肉嫩very good。
小法包好味，又吃了兩個
但可能是天氣熱，沒有炖湯只有中湯，本來湯味道還是不錯，但溫度就差些，而且太多人搞，溫度完全不熱，只是微溫，喝湯最怕這個感覺，沒炙口就沒滿足囉。
中式食品一次比一次小款式，呀媽對此彈不絕口。 弱

沒來幾個月而已，但感覺就有不如前般，沒有新驚喜之餘，卻似乎有些食物在減小中，幸好佢好多食物都好有水準，肉類還是挺不錯的，多吃幾件仍然是大滿足的。希望酒店可以提升番或保持吧，我多不希望他會慢慢被我淘汰於名單中。

如題，照片上見到是紅／白湯，紅的是辣，白的是豆腐或奶之類掛，湯頭的味度完全不知所謂，我吃完都忘了是些什麼湯，正明佢地在我心內完全佔不到一席位。 可能在這類形式的放題火鍋，著仲的是在$90分鐘內吃到飽足同物又所值的一餐，固此湯是用來烹食材而已，變成分吓顏色就是了。 肉類這裡挺不錯，個牛是我吃過咁多這類餐廳的最好，好有牛肉味，而豬部傷都不弱很鮮味，但外而的食材就很弱，不是不夠排場，只是亦係無款有質數啫，到最反個雪榚當然穩陣嗌，有大裨子坐陣，但硬到只是想挖兩個小小我雪榚球啫，都無武功抵子的都恐怕挖不到，就算你有耐性愚公移山，對著等你挖雪糕的隊伍，怕且都係要放棄算數，所以多貴價的雪榚對我來說，都是只可欣賞咋囉。 環境不錯，坐位空間闊落，但像無咩冷氣，吃到一身汗。

哈哈，咁豪的一餐我又來了不是我富貴，只是好想嘆吓美酒佳肴，讓自己開心吓啫。還是別讓生活太枯燥乏味好 既然$720可以去吃the market 的自助餐，咁這裡$888再加一都係$970，咁又蠔又酒任食，我覺得抵好多囉。 不過唔飲酒的就始終未必化算，食物是好好，但唔飲酒，就好似食得貴左d 不詳解今天在價錢上要埋單兩個$2036的問題了，都是去番個自助餐主題上好d. 今天入坐不坐窗邊，入左內面坐，雖然是暗些，但原來都幾靜局，而且會冷氣好夠，因為外面會曬起時有點熱。 首先個面包好正，皮脆內軟。 接著吃生蠔，今天有五款供應，當然試晒，最後選了兩款岩自己口味的主攻，哈哈，個人都只是吃了兩打而已！ 點解？因為其他食物都太好味，樣樣吃些都飽到不得了，仲有個主菜呢，真是帶多個肚來都唔掂。 今天喝了幾款酒，見圖，成排杯都是我的香檳就是一開始供應的，中途我吃生蠔咁又配左白酒，今次個白酒好好味，比上兩次好飲，我飲了兩杯。紅酒就倒轉比上回薄身，不太岩我口味，但佐肝醬同芝士和肉，我又喝了兩杯。 今天多喝了甜酒，又點解呢？因為個經理見我在吃芝士，跟住就介紹我用甜酒襯，還說最夾藍芝士，噢，聽到當然又要試吓，結果又係喝了兩杯真係溝到wing wing 地。 這裡的龍蝦湯真是好好味架，超愛。 都係那句食物款不多，但樣樣都好好味，魚生好鮮好靚。 今次我都有吃甜品，好好味，雖然已經第三次來，但還是無法吃盡佢要再努力先得了。 以我而言這個價錢都幾肉赤，但如果以食物和酒算，我覺得是值的，去一般酒店喝幾杯酒$500都走不甩，而自助餐都係，$500-600都必要，但食物都只是花多眼亂，吃到好味的都不多，咁這裡只是要一次過做兩樣野而已，咁夾埋做就$1000囉。

因為個烤鴨，老友聽到都想試，加埋今之有朋友推介吃鮑魚，馬上例會的晚飯局改約來這裡。 兩個人，點了烤鴨一食，4隻鮑魚，4隻聖子皇，一個抄菜。 個鮑魚果然平靚正，$10隻，是任叫的，好林好中有咬口，口感不錯。 相對聖子皇這道菜是$98，貴成倍，雖然有粉絲拌烹，但以價錢來說，鮑魚真係無得输，兩人加左碟菜，個鴨係無人掙食的情況下員吃到一半！ 這餐兩個人才埋單$300有找，真的是好正。這個價錢吃一餐有烤鴨有海鮮，卻是我在外面吃烤鴨的半隻至一隻價咁上下（要看食市檔次）,真是食緊都會笑

吃火鍋算是我喜好，朋水聚會取個中間點聚腳，尖沙咀真的是最好選擇。因為是聚會，當然不是找個放題或限時任吃的餐廳，都不知是趕著吃好定傾計好，所以寧可俾貴些，最緊要好坐同傾到計。 這裡做到了這點，地方好企理，每張餐都好舒適，桌與桌間絕不迫，好獨立感。 但食才價格不便宜，不過好多火鍋店都是這個價位，卻都要分成兩輪時段，這裡7點坐到10點是好正。 但食物我卻吃不到什麼味道同要讚或回味的食才，醬料盤好整潔又有氣派，但最終到吃食才，我都是只能說句好普通，普通到無咩好講，個手切牛無牛味仲幾un. 魚片新鮮既，蝦滑就太貴，只得小朋友拳頭咁大舊一碟，吃到都未feel 到彈牙否啦，到炸芋头仲不值一叫，咁既價得幾片是預左，但仲衰都仲係不是粉芋囉，削削地.... 每吃一款就彈一款，搞到無心機再影食物相， 整體我吃了都不多，因為提升不起味蕾，餐飯由一班人聚會變成同其他火鍋店比較，那間邊樣好，邊樣好過佢......到最後埋單時全桌6個人都一致認同無食到什麼味道出來，卻每位成為$320.

闊別好像轉眼又半年了，於是一家人又來襯吓，一心想著有些信用咭有折，但發現openrice 有7折優惠劵，好開心囉。 有7折優惠，我絕對推這家餐廳因為環境食物值，有8折我都來，何況7折，我咱家就覺得很值哎。 酒店正在裝修，所以雖然餐廳只在一樓，但要乘坐電梯都要走小小迂回，但不影響用餐環境。 這裡坐位寛尚，又開陽，有街景，取食物地方又闊落，好正。 今天我吃了太多飯同印度薄餅，所以太飽，沒吃甜品和雪榚。 老媽子通常去食自助餐只是為了join 我們仔女活動，老人家愛喝中茶，說自助餐口味不合，一般去到都百彈莊主。但今回卻讚不絕口，說好多食物都好到胃，而且好味，肉類方面又林，不會無牙的吃不到 我個人最推海南雞，可能剛吃過the market 的有比較，這裡勝the market成個馬頭啦，雞又滑又香，累我吃了幾碟同連飯都吃埋。(亦幸好，那餐咁貴，如果海南雞好味，咁我豈不時蝕桌） 第二位就是印度薄餅，這裡廚師是我吃咁多間自助餐供應印度薄餅的最好，真的是無得输。亦喜歡佢地有小小深的碟子，可供盛咖喱用，我個人就喜歡薄餅同咖喱分開盛，吃時才浸薄餅入咖喱汁內。 再加佢既薑拉奶茶，我連喝3杯，一向臨尾happy ending 的熱咖啡都被我省略了。 其它食物都水準都好不錯，至小我這一年來了幾次都好滿意，感覺沒退步。

今天老友想請我食晏，亦想好坐些。 這裡地方不錯，椅子好舒服。 本來越式食物亦不是我喜好，但為左佢個墨魚煎餅，我都覺得可以寫篇。 我地兩人叫了一個牛肉河，一個軟彀蟹卷，一個墨魚煎餅，一個串燒沙唦嗲雞。 牛肉河幾普通，越棧好過佢。另外兩個菜都是吃了沒驚喜，可省略介紹。 墨魚煎餅是我今次重點介紹，墨魚肚讓的那個煎餅好好，又彈牙又不油利，吃起時完全沒有油滞感，個人很喜歡，兩人$300，當然理不是便宜，但環境好坐，算不錯，好岩傾吓計，佢對面街那間龍鳳茶餐廳，我未入過去，因為裡面迫到好緊要之餘仲個個午市餐都要$50-$60, 看到環境，咁既價位都唔想入去

其實這裡我早幾年前都有試過自助午餐，是閒日，覺得幾好，於是專登訂佢個大廳，貪佢舒適豪華，一家人共12人，卻是另我絕跡於此地的源頭，那是個星期天，食物小，沒湯還要來個灌湯餃替代，食物又小又不濟都算，最火滾是服務態度，像叫了一家大細來受氣咁，個雪榚柜服務員塊臉臭過屎，拿雪榚像要向佢乞咁，我馬上寫投訢書兼留了電郵，希望得到跟進，最終跟進就沒有，電郵卻3不5時收到宣傳！！ 以我這種吃不到好食物只會罵自己笨而不會投訴的人都要投訢，可想而知那餐有幾火滾。 因此，我就把這兒列入我的禁地，直至近年，響當當的必需預訂3個月依然持續幾年，仿佛是本港之最的自助餐龍頭，老友未來過好想試吓，就是這樣，1位$720的自助餐，我又來光顧了。 7點鐘到，人客未坐滿，坐的位置較靜局，還窩心的有個籃子給我2人放手袋，感覺不錯。 開始時先進攻生果，好新鮮，但全部未處理削皮，要自己動手，有些費時兼麻煩。 其後去取鵝肝，當年的臭臉服務，仿佛又重現眼前，我沒說什麼，但連友人都問我覺得那個廚是不是好黑臉？也許我見過更臭，這回這個男的臭臉，我只給他60分，免強合格，是我俾分鬆手而已。 我們為了評分這個價值的自助餐，都好努力吃了好多款食物。 最後給的分數是食物都有半數是有水準的，但沒有太高檔次食物，而除左鵝肝，其他貴價野食都烹得好一般。 鵝肝是不錯，但小家的每人每次拎一件，而且個廚臉色有待改善，比起鵝肝的供應厚度更有改善空間。 牛肉唔得，無味又un ,羊架得個樣，生得來也是毫無羊肉味 個元貝有個好fresh 的汁和青瓜絲配襯，再加最好笑容的女廚，是最驚喜的一款食物。 魚生司父臉不臭都列入黑系列，帶子好新鮮，但三文魚是垃圾級別，可以跟超市的三文魚檔平起平坐， 蟹粥好強，堅好味，粥底又靚，喇沙都好有馬來風味 Ham 唔多掂，海鮮在我來說太普通又飽，不是回本野，個肚省略這系列食物。 海南雞飯好入味，但飯太硬，而印度野就咋咋地，唔夠班又減分。 冷凍同沙律係列不過不失，個炖椰子雞湯好鬼有睇頭，用個原煲仔上，賣相已吸引，但個煲好窄，隻瓦匙放唔入，又沒有碗仔供應（註：成間野無碟仔，碗仔供應，齋得大碟）結果飲到火都泥，但個湯就完全唔熱了，最後我同朋友都掉下湯匙，成個沙煲提起喝，多豪氣！！！！！ 甜品無咩好講，要講就是未到班，勝在佢夠的式，難吃極都是一口，況且又不是難吃，只是唔係好吃啫。 所有榴莲係列甜品我都試了，但對一個榴莲愛好者的我來說是俾個dislike 囉，有些多餘又不實際！ 就是這樣，數數埋埋好吃的不好吃的和服務....絕對不等值$720 （註：整體服務水平絕對有改善空間）以我這個平至2-300／貴至$1000樓的自助讓都幫襯的食客，這裡服務跟價位不相秤。 如果這間餐廳連加一後不過$600，我或者會再來，因為我同朋友都一致認為食物款無好高檔位的，而貴價些的又好壞參半，未算突出到，可以再俾多$120蚊來享用，服務方面就不算在內了，反正簽咭都不會俾貼士，扯個平好了。

諗左好耐是否要寫這篇食評，無它，因為中菜本身不是我所好，中菜一般都是大火炒，上碟熱騰騰，味到不會太淡和醬汁不會太杰就好吃我了。而且今次亦是叫了幾個大路菜好像無咩好評，況且見對上一篇食評原來都是我寫，怪怪的！不過亦已是半年前的事了。 那回個烤鴨好像做特價，今回烤鴨個價升了一倍有多$108（無優惠）再加多個烹法兩食，要再加$60-,但都係想讚吓，這個價真的還很便宜，比起好多以烤鴨做主打的店半成一半，但都好得，皮脆肉厚，個炒鴨肉還有好多肉又入味又林，很美味，以家常便飯來說，又是烤鴨痴的我，是好吃得過的地方。 今回有同事生日，一行5人，選這裡就是就腳，散水快，簡簡單單賀個壽，不錯呀 兩食之外，多加一個冬瓜盅，一個菜煲，一個小炒，啤酒，埋單$680， 因為5個都算細食之人，飽就好了，沒再加菜。 每位才百餘元，中菜水準，沒甩拖，坐得舒適又不吵，很不錯。 但聽好幾個朋友都說，只得北角這間明星是有水準的而已我未有機會去其他店，無得比較囉

短短時間內就來第2次了，貪佢地點就腳，食物又不錯囉 今天去到大約8點前，已經幾滿，原來有happy hour, 飲品都差$12-20元一杯得，今天叫了兩個菜，一個是三文魚，另一個是薯格格 ，個魚煎得好好，成碟食清，連配菜都食埋 個薯格格好味，不會過份脆口，我很喜歡食炸野，薯仔更是 每人喝了兩個飲品，埋單$650, 一處舒適的傾計地方。