家住附近 以前經常會來飲茶吃飯 但近年質素每況愈下 食物質素參差都算 尤其最近隔壁潮庭北京樓（整整半層）都在裝修 導致翠園的通風系統非常惡劣 大堂空氣侷促 就算酒樓放了多部風機也無補於事 尤其坐滿人時更像在焗sauna 食客們都投訴無門 除了空氣流通差 坐近門口的更加會聞到隔壁傳來非常濃烈的裝修油漆味 坐了兩小時後 大家都非常難受 又頭痛又皮膚痕癢 完全不能理解為何這樣情況下也可以開門做生意？ 酒樓完全沒有理會員工及食客的健康 實在可惡至極

餐廳營業時間到晚上10時， 入座時侍應清楚聲明8時45分last order， 我和朋友8時30分入座時，已預了要快下單及快吃， 但萬萬想不到未到9時，食物都未到齊就要所有客人先埋單， 另外客人一邊吃，店員一邊在附近趕掃地，拖地和搬枱搬椅，把空座位的椅子都反轉掛在枱上， 塵土飛揚、非常不合衛生之餘， 亦非常影響客人食慾， 完全是趕客所為！ 我們和附近尚在進食的食客睇到眼都突埋，但店員理得你咁多，一直催埋單！ 建議餐廳如果咁趕住收舖， 應該早一小時趕所有客人離開才慢慢清潔， 總比一路上菜一路趕客人快埋單快食快走為佳！

聞名而來，閒日晚飯時間來到，排了一會便有位。 我們點了廿多件壽司，不足十分鐘所有壽司手卷一次過上齊，已心知不妙，因中途只見到幾名師傅在整手卷，咁d壽司係幾時整呢？ 一食就知分曉，帶子和三文魚都有少少霉味，海膽又係有怪味，鰻魚就超細舊，吞拿魚件件都有根（大拿拿48元件！），火炙個d件件全是凍的，完全冇火炙味，都唔知放了多久，最可怕是軍艦壽司的紫菜是完全淋晒，只有新鮮做的手卷最正常，起碼紫菜仍是脆。 就咁就吃了近500元，性價比奇低！真係下次請都唔來！

來這裡吃過幾次，之前幾次都是吃花膠湯底，前幾次的感覺不錯，雖然花膠開始愈來愈少，但食物還是不錯的，湯底都沒有太咸，吃完後雖有一點點口渴，但整體還是ok。 這天和朋友再來吃，想試一下其他湯底就出事了。這次點了醉雞湯底，喝了兩三碗湯，回家後除了口渴還超頭痛，人非常的累。喝了很多很多水之後才好一點點，但第二天還是頭痛口渴了一整天! 超辛苦! 味精真的太多了吧!??? p.s. 一半以上的客人都是大陸人，他們通常都是walk in，然後沒位子就跟店員大聲理論。現在不只裝潢像街市，氣氛也愈來愈像了!

在附近返工，中午想快食時就會來吃碗米線，貪佢價錢公道，又清清地健康d。 但近幾個月，d湯底冇以前咁好魚味唔在講，食完仲會口渴，仲試過一日好咸過幾日再食又好淡，好奇怪。 呢排又推出了套餐 ($49) 包一碗米線，小食同飲品。但每次落單時如果不是叫這套餐，而另外就咁叫一碗米線的話，必被其中一個戴眼鏡的阿姐歧視，然後態度勁差咁亂落單，明明叫魚餅都可以覆你單時變成炸豬排。 以前就話好多人排隊，現在人少左好多又坐唔滿，但呢位阿姐仲會要客人有咁逼坐咁逼，逼埋一枱連野都唔俾擺。明明有位都唔俾人去第二個位坐，或者唔俾人用多張椅放野，明明坐唔滿，都會一食完就執左你個碗同望住你，抹個嘴都唔俾咁。 你咁既食物水平同服務態度，仲點黎幫襯你呀？

已多次在星期六、日中午或下午時份專程來吃，但程班長的美食總令我念念不忘!

試過的美食有: 半筋半肉麵、魯肉飯/ 肉燥乾拌麵(我每次到程班長必吃)、台式滷味如甜不辣、豬耳等、也試過飲品如冬瓜茶和烏龍茶。老實說, 飲品不是太特別, 可以不叫。

我本人很愛吃台式的魯肉/肉燥, 也試過很多不同台式食店的魯肉/肉燥飯或麵, 程班長的魯肉很香也很入味, 配飯和麵都一流! 一碗魯肉飯不大不小, 吃完了半飽還可以再試其他美食~ 而肉燥乾拌麵質不錯，是我喜歡的嚼勁~ 所以這兩樣都是我的最愛!!

店裡的職員大部份都是台灣人, 很熱情也很helpful, 雖然地方不算好坐, 但食物才是最重要吧? 感覺到老闆的用心! 班長加油!!

好耐冇寫食評, 因為近年食既都冇話特別好/差要寫, 所以荒廢左呢度~ 但今次真係忍唔住要上黎寫! 唔知係因為周末夜晚冇咩人(唔啱時間黎?), 定係本身質素就唔好, 食物差既程度真係令人好失望!

同友人係灣仔搵野食, 已經係8.30pm, 同埋可能係星期日既關係, 附近好多食店都已關門, 途經春園街見龍鳳有開門, 加上友人話好耐之前食過, 都幾好食, 我自己都未試過, 但聽到友人咁講同埋好肚餓, 所以就入黎一試。

一入門口見到有兩三枱客, 門面就有兩個員工(一個年輕姐姐同一個嬸嬸), 我地坐低一陣就叫左一個推介既咖哩吉列豬"手八" 飯($6x), 友人就叫左個有厚多士、招牌炒蛋同雞翼火腿湯麵既特餐, 仲加左$10 轉辛辣麵 ($6X), 另外加左一碟推介既卥水雞翼 ($4X)。

雞翼(一碟6隻)先到, 一食就覺得有古怪, 點解咁老, d肉咁"鞋"同縮晒水既?? 好似屋企食翻煮幾次個種口感。友人話可能因為係卥水, 所以keep 住浸係卥水就老, 我唔知咩原因啦, 只係覺得好"鞋"同唔好食。

之後個侍應嬸嬸放低個特餐既多士同蛋, 多士上既牛油未溶, 但蛋好似好靚好滑, 仲係半液體咁, 我即刻夾左一啖, 凍既?? 唔係呀?? 完全凍既炒蛋我真係未食過喎.....我忍唔住出聲「d蛋咁凍既??」, 侍應嬸嬸企左係度唔知點反應, 友人都立即食一口蛋同多士, 多士微暖, 但蛋堅係凍架喎, 我地同時望向侍應嬸嬸, 佢就望住侍應姐姐問點算, 侍應姐姐二話不說行過黎拎走碟多士同蛋, 話「整返熱俾你」就走左。我同友人對望, 究竟佢會點整返熱呢? 友人個位係望住廚房既, 佢見到侍應姐姐係將成碟多士同蛋放入微 波 爐 叮!!!
唔夠一分鐘, 侍應姐姐就拎返俾我地, 我地一望大家都O 左嘴︰蛋已全熟, 多士已淋, 友人想出聲但我阻止左佢, 講真, 侍應姐姐做得出"叮"返熱d 蛋呢個舉動, 我諗再多講亦冇用, 友人最後講左一句: 如果要叮, 都拎起塊多士先啦, 搞到而家兩樣都好難食。

之後特餐個麵黎到, 麵仲有兩塊火腿同兩隻雞翼, 好明顯呢個麵既雞翼同之前個碟比係大隻d 同肥美d, 我即刻試食一隻, 個味一樣但肉質好食好多, 咁先係雞翼嘛~!!! 加左錢轉辛辣麵, 辣粉係自己落既, 我落左半包就食, 食左一啖麵, 唔係呀? 呢個係辛辣麵?? 係加左$10轉既辛辣麵?? 辛辣麵都可以煮到咁淋??? 有冇搞錯!!! 個麵好明顯係over-cooked, 淋既程度係食開出前一丁同辛辣麵既人不能接受既!!!

最後個咖哩吉列豬"手八" 飯到, 終於有樣叫做正常既食物出現, 吉列豬"手八"炸到有少少乾, 不過咖哩汁不錯, 少辣但惹味, 我同友人簡直係搶住黎食, 因為冇人想食個特餐囉... 最後餐飲係兩杯熱飲, 普通既熱奶茶。

埋單, 咁就$17x 差唔多$180, 完全係好無奈食得好唔開心。出黎食野, 貴唔緊要, 最緊要係食物好味先值。食完呢餐, 我同友人既疑問都係: 點解個蛋可以完全係凍既, 同埋點解可以就咁叮?? 其實炒過一碟蛋又要幾多錢呢?? 點解個麵overcooked 都可以拎出黎?? 又或者係因為我地唔啱時間黎, 所以俾d 放左好耐既食物我地?? 點都好, 以咁既質素同價錢, 灣仔區大把更好既野食, 我當然係唔需要再黎龍鳳啦。

約左朋友係中環開餐.. 於是早係幾日前就上定OP 睇有咩好食啦
咁0岩見到yahxx 有介紹, 上黎見d post 又講得幾好咁
一於就去試下
去之前仲成日係度睇d 相... 好似好好味咁...

夜晚around 8pm 去到, 門口已經有幾個人等緊 (後來知道原來係一齊既),
外面完全冇任何指示講要排隊定拎飛等,
於是我地跟住前面既人等啦,
冇幾耐後面都有人跟住排,
可能因為冇指示, 有d 後黎既人就忍唔住入門口問有冇得拎飛
門口既waiter 掛住介紹食物俾前面既人聽, 基本上都冇咩點理佢地...
大家都塞住個門口, 個一刻有少少混亂...

由於我地只有兩個人, 唔駛10分鐘就有位, 反而前面個班人都仲未有...
所以建議大家去食時都唔好太多人一齊去啦~~

入到去即刻落order 啦
叫左一個白秀, 一個元祖拉麵 (咁夜都竟然仲有! ), 同埋餃子
坐低之後就周圍望... 其實間舖都幾窄, 我係對住煮麵既師傅坐既, 後面就係走廊,
好幾次都俾出出入入既食客/ waiter 撞到背脊

食物大約10分鐘左右黎到
我既白秀一上 木台有少少失望, 因為俾我想像中細碗
不過味道最緊要... 即刻飲啖湯先啦
一飲... 怪怪地既 呢種味道真係唔識形容
由細到大食咁多拉麵飲過咁多豬骨湯
咁既味都係第一次食到... 唔可以話係難食, 但真係怪怪地
其實個拉麵既麵質係ok 既 (我叫左"硬"), 黎到係幾Q 同埋食到尾都冇淋...
但個湯就不敢恭維...............

至於朋友既元祖拉麵一上 木台, 朋友就面有難色
因為實在 太 肥 了!!
d 油多到呢....... 元祖既味比白秀更濃更怪... 我試左少少就唔想試lu

餃子係第一樣黎既, 一上 木台又係嚇一跳
menu 影到咁靚 + 金黃 + 大隻
黎到係啡黃色同埋勁細隻....

碗拉麵愈食愈覺膩.... 食到最後你會覺得已經滯住晒 (而唔係飽lor)

最後食完就即走, 出到門口又見到D人塞住晒問"係咪要排隊呀?" "有冇飛拎呀?" 等等
又係一陣亂..........

唯一覺得好既, 就係佢有tissue 同濕紙巾係 木台面俾客人用