kit0493 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-03-16
聽聞呢間野好食 朋友又力推我去好耐 終於可以一試 我地一行兩個女仔去食 唔知係咪我地早 7點幾去到冇咩人 環境寧靜舒服 野食都上得好快 芝士明太子豆腐 好滑 天婦羅 炸粉較薄 但緊記要熱食 凱撒醬蝦沙律 好新鮮 正! 軟殼蟹手卷 好大 係king size 一個已經好飽肚 黎到重點 三文魚長壽司 好新鮮 好好味 每人$140呢個價錢野食新鮮加埋個環境 好難唔去encore 諗起都想食😋
評分: 味道 4 環境 3 服務 3 衛生 3 抵食 3
2020-09-20
難得限制令放寬,好耐冇見兩個好姊妹就約次下午茶見下面,睇到ig好多kol黎打卡,就決定黎試下。點知,高級餐廳不外如是 朋友J先到,琴日係klook見到有coupon可即買同日又冇特別寫明要先預約或者打俾餐廳提早講,咁咪問下職員,朋友J問完職員都唔清唔楚咁.....我到步再問,問完第一個職員順便落左單先費時等太耐,好似唔太知又搵左第二個職員,第二個職員又答到一舊舊,問完又成頭問號咁話要叫經理過黎,咁佢解答左話要預先book臺時講都算啦,搞左好耐都好似未有都覺得奇怪,個經理又再過黎問我地落左單未....原來第一個職員根本冇落單.........🙄 野食到左,友人S都到,火滾既事又黎😡餐飲我要latte,佢地兩個都叫茶,一般我地食tea既經驗,小茶壺倒完茶俾你會留低,個職員就話我地唔夠茶壺,所以要收走。咁就即刻問要refill得唔得,佢就話冇問題free refill叫返我地就得 咁友人飲完想refill,叫完頭先幫我地個倒茶個職員,佢就話要check check冇左影,叫另一個行左去睇下mon,返黎話我地個餐只係包一杯,冇得refill, 咁我就同佢講番你岩岩同事唔係咁答,話可以free refill, 佢話:「唔係呀,我地岩岩改左,冇架」聽到岩岩呢兩個字,就更加唔理解啦,我都係岩岩問完你地,亦冇人再通知我地, 嬲到叫佢搵經理黎,經理解釋話可能有誤會,一向都冇,個兩個同事亦比較新...所以可能講錯😅唔好意思 認真講宜家疫情下大家都搵食艱難, 但人唔滿既狀態,咁多人手睇場都做到咁,仲要講緊2百幾3百人頭費,野食好一般好多小餐廳下午茶都好食過佢,性價比低,真係可一不可再😤 另外,剛剛到步係reception度等佢帶位,佢講緊電話咁咪等下,佢講完電話都唔係即刻睇我有咩需要,我話我有位,佢都眼望reception table話你可以自己入去架啦,體溫都冇量...唔只我兩位友人都係咁.....
評分: 味道 2 環境 3 服務 1 衛生 1 抵食 1
2019-12-01
今日17:30買左份香香雞 等左差唔多半個鐘先有 出單慢都不得之 我見33號買香香雞都叫左 我30號怕佢漏單就問下收銀 點知 我:「你好 我叫左份香香雞 我見33號都有想問...」 佢聲氣好差咁答我:「未有呀未有呀 咪催啦」仲要擰去店舖埋邊 唔想理我咁 一來我買時你一句都唔提 唔講要等耐d (我見佢原來排曬隊因爲有一段時間冇炸緊野....) 二來我第一次問你 你就唔好意思都冇句 仲要惡我 總之唔會再幫襯 貼錢買氣受 大家想受氣既就繼續支持啦!
2019-08-07
我黎享用呢日係第一個提供呢個tea set既weekend,1點半到已經排長龍,最後等到差唔多4點先入座,我見佢5點都仲俾客人入,但tea set只供應6點的,未見有先訂位或拎號碼牌的安排。 排隊既時候已經送上menu,俾大家揀想飲既茶,連本menu都設計得好靚,有用心! 一坐低點餐後,先送上welcome drink,飲落甜甜地,飲落係荔枝mix提子 中間就係鹹食,每樣味道都唔錯,算係我食過既tea set頭一二名 最底層就係鬆餅,鬆餅永遠係high tea既好朋友,先食鬆餅打底再一層層食上去,餓左咁耐,再加埋跟餐既熱情果茶,好正好滿足! 唯一覺得有D唔太滿意就係排隊既安排同用餐既環境,冇得預約一排就企左2個鐘,不過冇限用餐時間,我都明真係有D難arrange既。但用餐環境係地方大堂,經常其他客人同旅客出入,不斷望實你食野,行埋黎影相,仲竟然要求我地借個位俾佢影相打卡,真係有D困擾......= =
評分: 味道 4 環境 3 服務 5 衛生 5 抵食 3
|