這間店已經第二次叫外賣，上次未試過叫牛柏葉，諗住試下啦， 今次叫了碗雞中翼牛柏葉薯粉外賣，返到嚟只見到牛柏葉只有5小片，仲收我$10，好意思嗎？ 之後打電話返去這店，那位聽電話的女士理直氣壯地話係呀，我地係會比5片牛柏葉呀，咁得啦，以後唔使再幫襯你地

今日lunch行過這裡，見到有人食緊豬頸肉飯，再望望個價錢$28又幾抵喎~
坐低點了個豬頸肉金邊粉冬陰公湯底，加多$6有埋罐可樂
豬頸肉金邊粉： 冬陰公唔係好辣，可自行加辣椒魚露調味（80分）

其實葵芳咁多間食肆，呢間又平，味道都幾好

荔枝角又多一間日本菜，今日lunch行過去試下啦~
點了一個角切魚生飯set, 見到魚生多過飯，$65都算抵啦~板x都要$5x
角切魚生飯：魚生好新鮮, 芥辣自己整，好好味，set包埋麵豉湯+沙律(85分)
好好services,問拎兩次芥辣都好好禮貌雙手比我
我推介這間店，高質數

係新蒲崗睇完倒數活動, 心思思想食糖水, 行過去九龍城都算幾近, 見到金滿堂甜品係九龍城區都算幾高分, 就揀了這間好了

係門口見到大約30人等緊位, 有少少想走, 怕等得耐嘛~好彩等了大約5分鐘左右就有位了~haha

本身想點榴槤的, 但我這幾天都好熱氣, 所以還是選擇了芒果~

地方有少少迫迫的, 但都坐得落,可能多人呱~

坐低後即刻點了芒果烏冬: 芒果汁不太酸, 烏冬是椰汁造成, 又有我至愛的小丸子, 煙煙韌韌, 正呀(80分)

係九龍城區都算抵食了, 比起旺角那邊真係便宜啦~

我下次一定要試榴槤!!!

一早聽聞過這間餐廳的名, 但久久都未嘗試到, 今晚趁還有聖誕氣氛, 就去試試啦

其實都唔難找, 係登龍街~上到去門口, 覺得這間餐廳坐滿了7成客人, 都已經覺得好嘈了~

Waiter叫我們坐入裡面, 因為太嘈了, 於是我們選擇了在水吧出餐位坐~

頭盤(鵝肝沙律): 鵝肝是這裡的招牌, 諗住試下啦, 食落口真係好油好油....恕我唔識欣賞好了....這道菜還要加$30...(50分)

餐湯(黑松露磨姑湯): 黑松露好似無乜, 但磨姑就食落係新鮮的, 喜歡這碗湯(80分)

主菜(牛扒+波士頓龍蝦): 龍蝦好正, 牛扒反而煎得太過火了, 煎得好"lon".....知道麼廚師想補救, 但我覺得這塊牛扒已經無得補救了...可惜....(60分)

煎黑豚肉: , 睇落賣相好似羊扒, 好大件, 係出面未試過, 食落口好過好好味, 煎得恰到好處(75分)

甜品(心太軟): 另外這個甜品都是這間店的招牌, 一來到後便立即切開, 諗住那些朱古力會流出來啦, 但是始終都沒有流到出來, 真係不似預期...朱古力唔好食....這款甜品都要另外加$18.....(65分)

Waiter好nice, 叫他們幫我們影相都好好笑容, 就算在酒店的餐廳都還是比較難找到的~

今天係銅鑼灣行街, 其實係諗住係一蘭食飯, 但點知變左宵夜....

因為排隊都已經排了45分鐘了.....還要在10:00開始排呢

係門口排都不太久, 入到店內但還以為可以有得食啦, 原來都仲要排多陣......唯一的好處是比出面的涼快啦~

排了大約20分鐘, 真係終於都有位啦!!!!

坐低後研究一下那張order紙, 見到呢度有人推介溫泉蛋, 所以咪試下啦~

麵的選擇: 湯濃度(濃味)+清淡+香蒜1份+白蔥+叉燒+秘制醬汁普通+麵的硬度(普通)~

湯味道剛剛好, 不太鹹, 因為我本人食得比較淡, 所以我覺得剛剛好~蒜味都ok, 但蔥我還是嫌不夠多~

秘制醬汁可能加得少, 不夠辣味, 要求有位日本侍應幫我加多一點, 他們亦都好有禮貌地幫我加, 還向我鞠躬, 搞到不好意思呢

溫泉蛋: 凍食的, 蛋黃好creamy , 好好味, 食完一隻仲想食多一隻潻~

宵夜就試過幾次了, 還是第一次試這間酒店的下午茶, 不知道款式會否比宵夜多些呢??

3:00就開始了buffet, 凍食有青口,刺身, 沙律, 熟食就有pizza, 燒味, 雞翼, 薯蓉等~

刺身: 都有三種選擇, 三文魚, 油甘魚, 吞拿魚, 都算新鮮(80分)

青口, 沙律都有, 還有我最愛的泰式沙律~選擇都算多~

熱盤就有pizza, 雞翼等, 不過我多數食生野多~

甜品: 芒果拿破崙, 芝士餅, 朱古力餅, 豆腐花, 麵包布甸, 桂花糕, 木槺布甸, 仲有Hazzan Daz雪糕(80分)

飲品: 咖啡, 檸茶, 橙汁, 但要自己斟的~

自助餐食到5:30, 時間都算充裕~

同事們紛紛都說這間店的食物好味, 於是在今天一試啦~

見到個menu, 真係嚇了一嚇....lunch time一個set都要$150.....

不過算啦, 一次半次無所謂~

點了和牛烏冬set, 諗住都ok, 點知一來到, 只見到3片薄薄的牛肉浮在湯的表面.....如果朦眼吃的話, 真係唔知自己係度食緊和牛......這種叫稻亭的烏冬我真係唔識欣賞....

另外個set都有個飯糰+一小碗沙律~飯糰裡面有d肉, 鹹鹹地, 反而我覺得個飯糰好食過碗烏冬......

內在環境都幾靚, 但d野食就.....

終括來說我覺得唔值$150一個lunch set......失望.... (50分)

以前行過九龍城都會見到呢間店, 但係食糖水反而就唔會揀這間~

今晚經過就試下囉~

入到去都不用等位~老闆招呼好熱情, 有問必答~

見到有個招牌糖水, 於是就點了這個芒果西米撈~

來到時真係好大碗~底下就係西米+碎冰, 如果係好熱的天氣食就更加岩時候了

芒果完全唔酸, 因為是浸了糖水的關係

這碗只不過是$34, 抵食~

聽說泉章居的套餐好抵食, 二人餐都可以食到好飽, 今次可以試下啦~

例湯: 這款湯應該是海草湯, 之前係出面都無飲過, 都幾似紫菜湯(70分)

牛骨髓什姑: 我最愛牛骨髓了, 而且唔係度度都食到, 但係度就可以食到, 正呀(80分)

中式牛柳: 甜甜地, 不過整得過熟, 比較韌, 我覺得麻麻地(60分)

栂菜扣肉: 扣肉好肥美, 鍾意食肥肥地肉的宦會喜歡這道菜(70分)

蒸倉魚: 蒸得恰到好處,  條魚好新鮮(80分)